कृष्णस् तु पार्थेन समेत्य विद्वान्; धनंजयेनासुरतर्जनेन ॥
बभौ यथा भूतपतिर् महात्मा; समेत्य साक्षाद् भगवान् गुहेन ॥
ततः समस्तानि किरीटमाली; वनेषु वृत्तानि गदाग्रजाय ॥
उक्त्वा यथावत् पुनर् अन्वपृच्छत्; कथं सुभद्रा च तथाभिमन्युः ॥
स पूजयित्वा मधुहा यथावत्; पार्थांश् च कृष्णां च पुरोहितं च ॥
उवाच राजानम् अभिप्रशंसन्; युधिष्ठिरं तत्र सहोपविश्य ॥
धर्मः परः पाण्डव राज्यलाभात्; तस्यार्थम् आहुस् तप एव राजन् ॥
सत्यार्जवाभ्यां चरता स्वधर्मं; जितस् तवायं च परश् च लोकः ॥
अधीतम् अग्रे चरता व्रतानि; सम्यग् धनुर्वेदम् अवाप्य कृत्स्नम् ॥
क्षात्रेण धर्मेण वसूनि लब्ध्वा; सर्वे ह्य् अवाप्ताः क्रतवः पुराणाः ॥
न ग्राम्यधर्मेषु रतिस् तवास्ति; कामान् न किं चित् कुरुषे नरेन्द्र ॥
न चार्थलोभात् प्रजहासि धर्मं; तस्मात् स्वभावाद् असि धर्मराजः ॥
दानं च सत्यं च तपश् च राजञ्; श्रद्धा च शान्तिश् च धृतिः क्षमा च ॥
अवाप्य राष्ट्राणि वसूनि भोगान्; एषा परा पार्थ सदा रतिस् ते ॥
यदा जनौघः कुरुजाङ्गलानां; कृष्णां सभायाम् अवशाम् अपश्यत् ॥
अपेतधर्मव्यवहारवृत्तं; सहेत तत् पाण्डव कस् त्वद् अन्यः ॥
असंशयं सर्वसमृद्धकामः; क्षिप्रं प्रजाः पालयितासि सम्यक् ॥
इमे वयं निग्रहणे कुरूणां; यदि प्रतिज्ञा भवतः समाप्ता ॥
kṛṣṇas tu pārthena sametya vidvān; dhanaṃjayenāsuratarjanena ||
babhau yathā bhūtapatir mahātmā; sametya sākṣād bhagavān guhena ||
tataḥ samastāni kirīṭamālī; vaneṣu vṛttāni gadāgrajāya ||
uktvā yathāvat punar anvapṛcchat; kathaṃ subhadrā ca tathābhimanyuḥ ||
sa pūjayitvā madhuhā yathāvat; pārthāṃś ca kṛṣṇāṃ ca purohitaṃ ca ||
uvāca rājānam abhipraśaṃsan; yudhiṣṭhiraṃ tatra sahopaviśya ||
dharmaḥ paraḥ pāṇḍava rājyalābhāt; tasyārtham āhus tapa eva rājan ||
satyārjavābhyāṃ caratā svadharmaṃ; jitas tavāyaṃ ca paraś ca lokaḥ ||
adhītam agre caratā vratāni; samyag dhanurvedam avāpya kṛtsnam ||
kṣātreṇa dharmeṇa vasūni labdhvā; sarve hy avāptāḥ kratavaḥ purāṇāḥ ||
na grāmyadharmeṣu ratis tavāsti; kāmān na kiṃ cit kuruṣe narendra ||
na cārthalobhāt prajahāsi dharmaṃ; tasmāt svabhāvād asi dharmarājaḥ ||
dānaṃ ca satyaṃ ca tapaś ca rājañ; śraddhā ca śāntiś ca dhṛtiḥ kṣamā ca ||
avāpya rāṣṭrāṇi vasūni bhogān; eṣā parā pārtha sadā ratis te ||
yadā janaughaḥ kurujāṅgalānāṃ; kṛṣṇāṃ sabhāyām avaśām apaśyat ||
apetadharmavyavahāravṛttaṃ; saheta tat pāṇḍava kas tvad anyaḥ ||
asaṃśayaṃ sarvasamṛddhakāmaḥ; kṣipraṃ prajāḥ pālayitāsi samyak ||
ime vayaṃ nigrahaṇe kurūṇāṃ; yadi pratijñā bhavataḥ samāptā ||
"Krishna, the knower, having met Partha Dhananjaya, the terror of the asuras, shone as the magnanimous Bhutapati himself, the blessed one, shines upon meeting Guha. Kiritin told the elder brother of Gada everything that had duly happened in the forests, and asked again how Subhadra and Abhimanyu fared. Then Madhuha, having duly honored the Parthas, Krishna, and the priest, sat down beside them and, praising King Yudhishthira, said: 'Pandava, dharma is higher than gaining a kingdom; for its sake, O king, they speak of austerity. Walking your own dharma with truth and honesty, you have conquered both this world and the next. From the beginning you studied knowledge, observed vows, fully obtained the Dhanurveda; having gained wealth through the dharma of a kshatriya, you attained, as it were, all the ancient sacrifices. You have no taste for rustic pleasures, you do nothing out of desire, lord of men, and you do not abandon dharma out of greed for gain. Therefore by nature you are Dharmaraja. Charity, truth, austerity, faith, peace, steadfastness, and forbearance -- even having gained kingdoms, riches, and pleasures, you always love these as the highest, Partha. When the multitude of Kuru-Jangala saw Krishna helpless in the assembly, when righteous conduct was cast aside, who but you, Pandava, could have endured that? Without doubt, soon, having fulfilled every desire in abundance, you will rightly protect your subjects. And we stand ready to subdue the Kurus, once your vow is fulfilled.'"
8c1c5b859189 · 发布于 2026年7月16日 17:12:45 UTC
可用语言RUEN用方向键翻颂
Krishna praises not Yudhishthira's passivity but his ability to hold on to dharma after unbearable humiliation. The king's patience becomes a strength that waits for the right time.