जीवितान्तकरा रौद्राः क्रूराः प्राणिविहिंसकाः ॥
यदा भविष्यन्ति नरास् तदा संक्षेप्स्यते युगम् ॥
आश्रयिष्यन्ति च नदीः पर्वतान् विषमाणि च ॥
प्रधावमाना वित्रस्ता द्विजाः कुरुकुलोद्वह ॥
दस्युप्रपीडिता राजन् काका इव द्विजोत्तमाः ॥
कुराजभिश् च सततं करभारप्रपीडिताः ॥
धैर्यं त्यक्त्वा महीपाल दारुणे युगसंक्षये ॥
विकर्माणि करिष्यन्ति शूद्राणां परिचारकाः ॥
शूद्रा धर्मं प्रवक्ष्यन्ति ब्राह्मणाः पर्युपासकाः ॥
श्रोतारश् च भविष्यन्ति प्रामाण्येन व्यवस्थिताः ॥
विपरीतश् च लोको ऽयं भविष्यत्य् अधरोत्तरः ॥
एडूकान् पूजयिष्यन्ति वर्जयिष्यन्ति देवताः ॥
शूद्राः परिचरिष्यन्ति न द्विजान् युगसंक्षये ॥
आश्रमेषु महर्षीणां ब्राह्मणावसथेषु च ॥
देवस्थानेषु चैत्येषु नागानाम् आलयेषु च ॥
एडूकचिह्ना पृथिवी न देवगृहभूषिता ॥
भविष्यति युगे क्षीणे तद् युगान्तस्य लक्षणम् ॥
यदा रौद्रा धर्महीना मांसादाः पानपास् तथा ॥
भविष्यन्ति नरा नित्यं तदा संक्षेप्स्यते युगम् ॥
पुष्पे पुष्पं यदा राजन् फले फलम् उपाश्रितम् ॥
प्रजास्यति महाराज तदा संक्षेप्स्यते युगम् ॥
अकालवर्षी पर्जन्यो भविष्यति गते युगे ॥
अक्रमेण मनुष्याणां भविष्यति तदा क्रिया ॥
विरोधम् अथ यास्यन्ति वृषला ब्राह्मणैः सह ॥
मही म्लेच्छसमाकीर्णा भविष्यति ततो ऽचिरात् ॥
करभारभयाद् विप्रा भजिष्यन्ति दिशो दश ॥
निर्विशेषा जनपदा नरावृष्टिभिर् अर्दिताः ॥
आश्रमान् अभिपत्स्यन्ति फलमूलोपजीविनः ॥
एवं पर्याकुले लोके मर्यादा न भविष्यति ॥
न स्थास्यन्त्य् उपदेशे च शिष्या विप्रियकारिणः ॥
आचार्योपनिधिश् चैव वत्स्यते तदनन्तरम् ॥
अर्थयुक्त्या प्रवत्स्यन्ति मित्रसंबन्धिबान्धवाः ॥
अभावः सर्वभूतानां युगान्ते च भविष्यति ॥
दिशः प्रज्वलिताः सर्वा नक्षत्राणि चलानि च ॥
ज्योतींषि प्रतिकूलानि वाताः पर्याकुलास् तथा ॥
उल्कापाताश् च बहवो महाभयनिदर्शकाः ॥
षड्भिर् अन्यैश् च सहितो भास्करः प्रतपिष्यति ॥
तुमुलाश् चापि निर्ह्रादा दिग्दाहाश् चापि सर्वशः ॥
कबन्धान्तर्हितो भानुर् उदयास्तमये तदा ॥
अकालवर्षी च तदा भविष्यति सहस्रदृक् ॥
सस्यानि च न रोक्ष्यन्ति युगान्ते पर्युपस्थिते ॥
jīvitāntakarā raudrāḥ krūrāḥ prāṇivihiṃsakāḥ ||
yadā bhaviṣyanti narās tadā saṃkṣepsyate yugam ||
āśrayiṣyanti ca nadīḥ parvatān viṣamāṇi ca ||
pradhāvamānā vitrastā dvijāḥ kurukulodvaha ||
dasyuprapīḍitā rājan kākā iva dvijottamāḥ ||
kurājabhiś ca satataṃ karabhāraprapīḍitāḥ ||
dhairyaṃ tyaktvā mahīpāla dāruṇe yugasaṃkṣaye ||
vikarmāṇi kariṣyanti śūdrāṇāṃ paricārakāḥ ||
śūdrā dharmaṃ pravakṣyanti brāhmaṇāḥ paryupāsakāḥ ||
śrotāraś ca bhaviṣyanti prāmāṇyena vyavasthitāḥ ||
viparītaś ca loko 'yaṃ bhaviṣyaty adharottaraḥ ||
eḍūkān pūjayiṣyanti varjayiṣyanti devatāḥ ||
śūdrāḥ paricariṣyanti na dvijān yugasaṃkṣaye ||
āśrameṣu maharṣīṇāṃ brāhmaṇāvasatheṣu ca ||
devasthāneṣu caityeṣu nāgānām ālayeṣu ca ||
eḍūkacihnā pṛthivī na devagṛhabhūṣitā ||
bhaviṣyati yuge kṣīṇe tad yugāntasya lakṣaṇam ||
yadā raudrā dharmahīnā māṃsādāḥ pānapās tathā ||
bhaviṣyanti narā nityaṃ tadā saṃkṣepsyate yugam ||
puṣpe puṣpaṃ yadā rājan phale phalam upāśritam ||
prajāsyati mahārāja tadā saṃkṣepsyate yugam ||
akālavarṣī parjanyo bhaviṣyati gate yuge ||
akrameṇa manuṣyāṇāṃ bhaviṣyati tadā kriyā ||
virodham atha yāsyanti vṛṣalā brāhmaṇaiḥ saha ||
mahī mlecchasamākīrṇā bhaviṣyati tato 'cirāt ||
karabhārabhayād viprā bhajiṣyanti diśo daśa ||
nirviśeṣā janapadā narāvṛṣṭibhir arditāḥ ||
āśramān abhipatsyanti phalamūlopajīvinaḥ ||
evaṃ paryākule loke maryādā na bhaviṣyati ||
na sthāsyanty upadeśe ca śiṣyā vipriyakāriṇaḥ ||
ācāryopanidhiś caiva vatsyate tadanantaram ||
arthayuktyā pravatsyanti mitrasaṃbandhibāndhavāḥ ||
abhāvaḥ sarvabhūtānāṃ yugānte ca bhaviṣyati ||
diśaḥ prajvalitāḥ sarvā nakṣatrāṇi calāni ca ||
jyotīṃṣi pratikūlāni vātāḥ paryākulās tathā ||
ulkāpātāś ca bahavo mahābhayanidarśakāḥ ||
ṣaḍbhir anyaiś ca sahito bhāskaraḥ pratapiṣyati ||
tumulāś cāpi nirhrādā digdāhāś cāpi sarvaśaḥ ||
kabandhāntarhito bhānur udayāstamaye tadā ||
akālavarṣī ca tadā bhaviṣyati sahasradṛk ||
sasyāni ca na rokṣyanti yugānte paryupasthite ||
"People will destroy gardens and trees. Brahmanas will seize the wealth of other brahmanas; the twice-born will flee from the oppression of shudras. Shudras will teach dharma, while brahmanas will serve and listen. The world will be turned upside down: edukas will be worshiped instead of gods, and signs of edukas rather than temples will appear on the earth. People will become meat-eaters and drunkards; rains will fall out of season. The earth will fill with mlecchas; brahmanas will flee from taxation; rules will disappear, disciples will grow disobedient, and all beings will find themselves in want. The directions will blaze, the stars will go astray, and the winds and luminaries will turn ominous."
fca3b1b2d94a · 发布于 2026年7月16日 17:19:46 UTC
可用语言RUEN用方向键翻颂
The inverted world of Kali shows that adharma does not merely break rules but exchanges the places of the high and the low. This is why the restoration of dharma requires not a cosmetic correction but a new beginning.