वैशंपायन उवाच
स तां दृष्ट्वा विशालाक्षीं राजपुत्रीं सखीं सखा ॥
प्रहसन्न् अब्रवीद् राजन् कुत्रागमनम् इत्य् उत ॥
तम् अब्रवीद् राजपुत्री समुपेत्य नरर्षभम् ॥
प्रणयं भावयन्ती स्म सखीमध्य इदं वचः ॥
गावो राष्ट्रस्य कुरुभिः काल्यन्ते नो बृहन्नडे ॥
तान् विजेतुं मम भ्राता प्रयास्यति धनुर्धरः ॥
नचिरं च हतस् तस्य संग्रामे रथसारथिः ॥
तेन नास्ति समः सूतो यो ऽस्य सारथ्यम् आचरेत् ॥
तस्मै प्रयतमानाय सारथ्यर्थं बृहन्नडे ॥
आचचक्षे हयज्ञाने सैरन्ध्री कौशलं तव ॥
सा सारथ्यं मम भ्रातुः कुरु साधु बृहन्नडे ॥
पुरा दूरतरं गावो ह्रियन्ते कुरुभिर् हि नः ॥
अथैतद् वचनं मे ऽद्य नियुक्ता न करिष्यसि ॥
प्रणयाद् उच्यमाना त्वं परित्यक्ष्यामि जीवितम् ॥
एवम् उक्तस् तु सुश्रोण्या तया सख्या परंतपः ॥
जगाम राजपुत्रस्य सकाशम् अमितौजसः ॥
vaiśaṃpāyana uvāca
sa tāṃ dṛṣṭvā viśālākṣīṃ rājaputrīṃ sakhīṃ sakhā ||
prahasann abravīd rājan kutrāgamanam ity uta ||
tam abravīd rājaputrī samupetya nararṣabham ||
praṇayaṃ bhāvayantī sma sakhīmadhya idaṃ vacaḥ ||
gāvo rāṣṭrasya kurubhiḥ kālyante no bṛhannaḍe ||
tān vijetuṃ mama bhrātā prayāsyati dhanurdharaḥ ||
naciraṃ ca hatas tasya saṃgrāme rathasārathiḥ ||
tena nāsti samaḥ sūto yo 'sya sārathyam ācaret ||
tasmai prayatamānāya sārathyarthaṃ bṛhannaḍe ||
ācacakṣe hayajñāne sairandhrī kauśalaṃ tava ||
sā sārathyaṃ mama bhrātuḥ kuru sādhu bṛhannaḍe ||
purā dūrataraṃ gāvo hriyante kurubhir hi naḥ ||
athaitad vacanaṃ me 'dya niyuktā na kariṣyasi ||
praṇayād ucyamānā tvaṃ parityakṣyāmi jīvitam ||
evam uktas tu suśroṇyā tayā sakhyā paraṃtapaḥ ||
jagāma rājaputrasya sakāśam amitaujasaḥ ||
Vaishampayana said: "Seeing that wide-eyed princess, his friend, he, her friend, said with a laugh, O king: 'Where have you come from?' The princess, approaching the bull among men and showing her trust, spoke this word among her friends: 'Brihannada, the cows of our kingdom are being driven off by the Kurus. To defeat them, my brother, the bowman, will set out. Not long ago his charioteer was slain in battle, and there is no charioteer equal to him who could drive his chariot. When he was seeking a charioteer, Sairandhri told him of your skill in the knowledge of horses, Brihannada. So perform the service of charioteer for my brother, gracious Brihannada, before the Kurus carry our cows too far away. If today, when I ask you out of affection, you will not do as I ask, I shall give up my life.' Addressed thus by the lovely-hipped friend, that fierce destroyer of enemies heard this word and went to the prince of boundless splendor."
72b6aed412cf · 发布于 2026年7月16日 18:23:49 UTC
可用语言RUEN用方向键翻颂
The request of Uttara sounds like a child's insistence, but through it comes a moment of truth. Arjuna accepts not the king's command but the plea of a pupil and friend.