श्रेयान् द्रव्यमयाद् यज्ञाज् ज्ञानयज्ञः परंतप ॥
सर्वं कर्माखिलं पार्थ ज्ञाने परिसमाप्यते ॥
तद् विद्धि प्रणिपातेन परिप्रश्नेन सेवया ॥
उपदेक्ष्यन्ति ते ज्ञानं ज्ञानिनस् तत्त्वदर्शिनः ॥
यज् ज्ञात्वा न पुनर् मोहम् एवं यास्यसि पाण्डव ॥
येन भूतान्य् अशेषेण द्रक्ष्यस्य् आत्मन्य् अथो मयि ॥
अपि चेद् असि पापेभ्यः सर्वेभ्यः पापकृत्तमः ॥
सर्वं ज्ञानप्लवेनैव वृजिनं संतरिष्यसि ॥
यथैधांसि समिद्धो ऽग्निर् भस्मसात् कुरुते ऽर्जुन ॥
ज्ञानाग्निः सर्वकर्माणि भस्मसात् कुरुते तथा ॥
न हि ज्ञानेन सदृशं पवित्रम् इह विद्यते ॥
तत् स्वयं योगसंसिद्धः कालेनात्मनि विन्दति ॥
śreyān dravyamayād yajñāj jñānayajñaḥ paraṃtapa ||
sarvaṃ karmākhilaṃ pārtha jñāne parisamāpyate ||
tad viddhi praṇipātena paripraśnena sevayā ||
upadekṣyanti te jñānaṃ jñāninas tattvadarśinaḥ ||
yaj jñātvā na punar moham evaṃ yāsyasi pāṇḍava ||
yena bhūtāny aśeṣeṇa drakṣyasy ātmany atho mayi ||
api ced asi pāpebhyaḥ sarvebhyaḥ pāpakṛttamaḥ ||
sarvaṃ jñānaplavenaiva vṛjinaṃ saṃtariṣyasi ||
yathaidhāṃsi samiddho 'gnir bhasmasāt kurute 'rjuna ||
jñānāgniḥ sarvakarmāṇi bhasmasāt kurute tathā ||
na hi jñānena sadṛśaṃ pavitram iha vidyate ||
tat svayaṃ yogasaṃsiddhaḥ kālenātmani vindati ||
"The sacrifice of knowledge is better than a sacrifice of material things, O scorcher of foes, because all action, without exception, O son of Pritha, is completed in knowledge. Know this through prostration, through inquiry, and through service; the knowers who see the truth will instruct you in knowledge. Knowing it, you will not again fall into such delusion, O Pandava; through it you will see all beings without exception in yourself, and then in Me. Even if you were the most sinful of all sinners, you would cross over all evil on the raft of knowledge. As a blazing fire turns firewood to ashes, O Arjuna, so the fire of knowledge turns all actions to ashes. In this world there is no purifier equal to knowledge; one who is perfected in yoga finds it within himself in time."
6b7bb96aa81a · 发布于 2026年7月17日 20:55:05 UTC
可用语言RUEN用方向键翻颂
Knowledge here is not dry information but a purifying power that comes through humility, service, and turning to those who see the truth. It completes action because it reveals its right connection to the atman and to Krishna.