संजय उवाच
विराटो ऽथ त्रिभिर् बाणैर् भीष्मम् आर्छन् महारथम् ॥
विव्याध तुरगांश् चास्य त्रिभिर् बाणैर् महारथः ॥
तं प्रत्यविध्यद् दशभिर् भीष्मः शांतनवः शरैः ॥
रुक्मपुङ्खैर् महेष्वासः कृतहस्तो महाबलः ॥
द्रौणिर् गाण्डीवधन्वानं भीमधन्वा महारथः ॥
अविध्यद् इषुभिः षड्भिर् दृढहस्तः स्तनान्तरे ॥
कार्मुकं तस्य चिच्छेद फल्गुनः परवीरहा ॥
अविध्यच् च भृशं तीक्ष्णैः पत्रिभिः शत्रुकर्शनः ॥
सो ऽन्यत् कार्मुकम् आदाय वेगवत् क्रोधमूर्छितः ॥
अमृष्यमाणः पार्थेन कार्मुकच्छेदम् आहवे ॥
अविध्यत् फल्गुनं राजन् नवत्या निशितैः शरैः ॥
वासुदेवं च सप्तत्या विव्याध परमेषुभिः ॥
ततः क्रोधाभिताम्राक्षः सह कृष्णेन फल्गुनः ॥
दीर्घम् उष्णं च निःश्वस्य चिन्तयित्वा मुहुर् मुहुः ॥
धनुः प्रपीड्य वामेन करेणामित्रकर्शनः ॥
गाण्डीवधन्वा संक्रुद्धः शितान् संनतपर्वणः ॥
जीवितान्तकरान् घोरान् समादत्त शिलीमुखान् ॥
तैस् तूर्णं समरे ऽविध्यद् द्रौणिं बलवतां वरम् ॥
तस्य ते कवचं भित्त्वा पपुः शोणितम् आहवे ॥
न विव्यथे च निर्भिन्नो द्रौणिर् गाण्डीवधन्वना ॥
तथैव शरवर्षाणि प्रतिमुञ्चन्न् अविह्वलः ॥
तस्थौ स समरे राजंस् त्रातुम् इच्छन् महाव्रतम् ॥
तस्य तत् सुमहत् कर्म शशंसुः पुरुषर्षभाः ॥
यत् कृष्णाभ्यां समेताभ्यां नापत्रपत संयुगे ॥
स हि नित्यम् अनीकेषु युध्यते ऽभयम् आस्थितः ॥
अस्त्रग्रामं ससंहारं द्रोणात् प्राप्य सुदुर्लभम् ॥
ममायम् आचार्यसुतो द्रोणस्यातिप्रियः सुतः ॥
ब्राह्मणश् च विशेषेण माननीयो ममेति च ॥
समास्थाय मतिं वीरो बीभत्सुः शत्रुतापनः ॥
कृपां चक्रे रथश्रेष्ठो भारद्वाजसुतं प्रति ॥
द्रौणिं त्यक्त्वा ततो युद्धे कौन्तेयः शत्रुतापनः ॥
युयुधे तावकान् निघ्नंस् त्वरमाणः पराक्रमी ॥
saṃjaya uvāca
virāṭo 'tha tribhir bāṇair bhīṣmam ārchan mahāratham ||
vivyādha turagāṃś cāsya tribhir bāṇair mahārathaḥ ||
taṃ pratyavidhyad daśabhir bhīṣmaḥ śāṃtanavaḥ śaraiḥ ||
rukmapuṅkhair maheṣvāsaḥ kṛtahasto mahābalaḥ ||
drauṇir gāṇḍīvadhanvānaṃ bhīmadhanvā mahārathaḥ ||
avidhyad iṣubhiḥ ṣaḍbhir dṛḍhahastaḥ stanāntare ||
kārmukaṃ tasya ciccheda phalgunaḥ paravīrahā ||
avidhyac ca bhṛśaṃ tīkṣṇaiḥ patribhiḥ śatrukarśanaḥ ||
so 'nyat kārmukam ādāya vegavat krodhamūrchitaḥ ||
amṛṣyamāṇaḥ pārthena kārmukacchedam āhave ||
avidhyat phalgunaṃ rājan navatyā niśitaiḥ śaraiḥ ||
vāsudevaṃ ca saptatyā vivyādha parameṣubhiḥ ||
tataḥ krodhābhitāmrākṣaḥ saha kṛṣṇena phalgunaḥ ||
dīrgham uṣṇaṃ ca niḥśvasya cintayitvā muhur muhuḥ ||
dhanuḥ prapīḍya vāmena kareṇāmitrakarśanaḥ ||
gāṇḍīvadhanvā saṃkruddhaḥ śitān saṃnataparvaṇaḥ ||
jīvitāntakarān ghorān samādatta śilīmukhān ||
tais tūrṇaṃ samare 'vidhyad drauṇiṃ balavatāṃ varam ||
tasya te kavacaṃ bhittvā papuḥ śoṇitam āhave ||
na vivyathe ca nirbhinno drauṇir gāṇḍīvadhanvanā ||
tathaiva śaravarṣāṇi pratimuñcann avihvalaḥ ||
tasthau sa samare rājaṃs trātum icchan mahāvratam ||
tasya tat sumahat karma śaśaṃsuḥ puruṣarṣabhāḥ ||
yat kṛṣṇābhyāṃ sametābhyāṃ nāpatrapata saṃyuge ||
sa hi nityam anīkeṣu yudhyate 'bhayam āsthitaḥ ||
astragrāmaṃ sasaṃhāraṃ droṇāt prāpya sudurlabham ||
mamāyam ācāryasuto droṇasyātipriyaḥ sutaḥ ||
brāhmaṇaś ca viśeṣeṇa mānanīyo mameti ca ||
samāsthāya matiṃ vīro bībhatsuḥ śatrutāpanaḥ ||
kṛpāṃ cakre rathaśreṣṭho bhāradvājasutaṃ prati ||
drauṇiṃ tyaktvā tato yuddhe kaunteyaḥ śatrutāpanaḥ ||
yuyudhe tāvakān nighnaṃs tvaramāṇaḥ parākramī ||
Sanjaya said: 'Then the great chariot-warrior Virata struck the great chariot-warrior Bhishma with three arrows, and wounded his horses with three more. In answer, Bhishma, the skilled and mighty son of Shantanu, the great archer, pierced him with ten gold-feathered arrows. Drauni, a great chariot-warrior with a fearsome bow and a firm hand, struck the wielder of Gandiva with six arrows in the chest. Then Phalguna, slayer of enemy heroes, cut off his bow and struck him hard with sharp, feathered arrows. Ashvatthaman, seized with rage and unable to bear that Partha had cut his bow in battle, swiftly took up another bow, O king, and struck Phalguna with ninety sharp arrows, and Vasudeva with seventy of his finest arrows. Then Phalguna, together with Krishna, his eyes red with fury, drew a long, hot breath, pondered again and again, gripped Gandiva with his left hand, and in his wrath took up terrible, deadly, sharp arrows with even joints. With these he swiftly struck Drauni, best of the mighty, in battle; piercing his armor, they drew blood. But Drauni, pierced by the wielder of Gandiva, did not waver, and undismayed, releasing showers of arrows in turn, he stood his ground in the fight, O king, wishing to protect the great vow-keeper Bhishma. The best of men praised his great feat: that he was not ashamed and did not retreat before the two Krishnas united in battle. For he always fights fearlessly among the ranks, having obtained from Drona the rare and formidable array of astras together with their means of recall. Bibhatsu, scorcher of foes, settled his mind on this thought: "This is the son of my teacher, the beloved son of Drona; moreover, he is a brahmin, and therefore especially worthy of my respect." So the best of charioteers showed mercy toward the son of Bharadvaja. Leaving Drauni in the fight, the valiant Kaunteya, scorcher of foes, hastened on to battle, striking down your warriors.'
19bd5be672aa · 发布于 2026年7月17日 21:35:52 UTC
可用语言RUEN用方向键翻颂
Arjuna is capable of destroying Ashvatthaman, but he deliberately holds back his hand out of respect for Drona and for his son's brahmin status. Even in the heat of fury he does not lose his inner restraint; this sharply distinguishes the strength of the Pandavas from mere military brutality.