पश्य चैतन् महाबाहो वैशसं समुपस्थितम् ॥
हेमचित्राणि शूराणां महान्ति च शुभानि च ॥
कवचान्य् अवदीर्यन्ते शरैः संनतपर्वभिः ॥
छिद्यन्ते च ध्वजाग्राणि तोमराणि धनूंषि च ॥
प्रासाश् च विमलास् तीक्ष्णाः शक्त्यश् च कनकोज्ज्वलाः ॥
वैजयन्त्यश् च नागानां संक्रुद्धेन किरीटिना ॥
नायं संरक्षितुं कालः प्राणान् पुत्रोपजीविभिः ॥
याहि स्वर्गं पुरस्कृत्य यशसे विजयाय च ॥
हयनागरथावर्तां महाघोरां सुदुस्तराम् ॥
रथेन संग्रामनदीं तरत्य् एष कपिध्वजः ॥
ब्रह्मण्यता दमो दानं तपश् च चरितं महत् ॥
इहैव दृश्यते राज्ञो भ्राता यस्य धनंजयः ॥
भीमसेनश् च बलवान् माद्रीपुत्रौ च पाण्डवौ ॥
वासुदेवश् च वार्ष्णेयो यस्य नाथो व्यवस्थितः ॥
तस्यैष मन्युप्रभवो धार्तराष्ट्रस्य दुर्मतेः ॥
तपोदग्धशरीरस्य कोपो दहति भारतान् ॥
एष संदृश्यते पार्थो वासुदेवव्यपाश्रयः ॥
दारयन् सर्वसैन्यानि धार्तराष्ट्राणि सर्वशः ॥
एतद् आलोक्यते सैन्यं क्षोभ्यमाणं किरीटिना ॥
महोर्मिनद्धं सुमहत् तिमिनेव नदीमुखम् ॥
हाहाकिलकिलाशब्दाः श्रूयन्ते च चमूमुखे ॥
याहि पाञ्चालदायादम् अहं यास्ये युधिष्ठिरम् ॥
paśya caitan mahābāho vaiśasaṃ samupasthitam ||
hemacitrāṇi śūrāṇāṃ mahānti ca śubhāni ca ||
kavacāny avadīryante śaraiḥ saṃnataparvabhiḥ ||
chidyante ca dhvajāgrāṇi tomarāṇi dhanūṃṣi ca ||
prāsāś ca vimalās tīkṣṇāḥ śaktyaś ca kanakojjvalāḥ ||
vaijayantyaś ca nāgānāṃ saṃkruddhena kirīṭinā ||
nāyaṃ saṃrakṣituṃ kālaḥ prāṇān putropajīvibhiḥ ||
yāhi svargaṃ puraskṛtya yaśase vijayāya ca ||
hayanāgarathāvartāṃ mahāghorāṃ sudustarām ||
rathena saṃgrāmanadīṃ taraty eṣa kapidhvajaḥ ||
brahmaṇyatā damo dānaṃ tapaś ca caritaṃ mahat ||
ihaiva dṛśyate rājño bhrātā yasya dhanaṃjayaḥ ||
bhīmasenaś ca balavān mādrīputrau ca pāṇḍavau ||
vāsudevaś ca vārṣṇeyo yasya nātho vyavasthitaḥ ||
tasyaiṣa manyuprabhavo dhārtarāṣṭrasya durmateḥ ||
tapodagdhaśarīrasya kopo dahati bhāratān ||
eṣa saṃdṛśyate pārtho vāsudevavyapāśrayaḥ ||
dārayan sarvasainyāni dhārtarāṣṭrāṇi sarvaśaḥ ||
etad ālokyate sainyaṃ kṣobhyamāṇaṃ kirīṭinā ||
mahorminaddhaṃ sumahat timineva nadīmukham ||
hāhākilakilāśabdāḥ śrūyante ca camūmukhe ||
yāhi pāñcāladāyādam ahaṃ yāsye yudhiṣṭhiram ||
"Look, O mighty-armed one, at this slaughter now upon us. The great and beautiful gold-adorned armors of the heroes are being torn apart by arrows with bent joints. The tips of banners are sheared off, along with javelins and bows; bright, sharp prasas, gold-gleaming shaktis, and the victory-banners of elephants are cut down by the enraged Kiritin. This is not the time to guard one's life for the sake of one's sons: go, setting heaven before you, for the sake of glory and victory. This one bearing the monkey banner crosses the river of battle by chariot — a most terrible river, hard to ford, with whirlpools of horses, elephants, and chariots. Right here is seen the piety, self-restraint, generosity, and great austerity of a king whose brother is Dhananjaya, whose brothers are the mighty Bhimasena and the two Pandava sons of Madri, and whose protector is Vasudeva of the Vrishnis. This wrath, born of the fury of the evil-minded son of Dhritarashtra, whose body seems scorched by austerity, burns the Bharatas. Here is seen Partha, relying upon Vasudeva: he tears through all the armies of the sons of Dhritarashtra entirely. This vast army is seen, shaken by Kiritin, like a river's mouth churned by a whale amid great waves. At the front of the army are heard cries of "ha-ha" and clamor. Go to the heir of Panchala, and I will go to Yudhishthira."
be64fc4838d6 · 发布于 2026年7月17日 21:55:42 UTC
可用语言RUEN用方向键翻颂
Drona sees the battle as a river that Arjuna is already crossing. His instruction to his son divides the danger between them: Ashvatthaman must go to Dhrishtadyumna, while Drona himself goes to Yudhishthira.