एवं कुरूणां पतिते शृङ्गे भीष्मे महौजसि ॥
पाण्डवाः सृञ्जयाश् चैव सिंहनादं प्रचक्रिरे ॥
तस्मिन् हते महासत्त्वे भरतानाम् अमध्यमे ॥
न किं चित् प्रत्यपद्यन्त पुत्रास् ते भरतर्षभ ॥
संमोहश् चैव तुमुलः कुरूणाम् अभवत् तदा ॥
नृपा दुर्योधनमुखा निःश्वस्य रुरुदुस् ततः ॥
विषादाच् च चिरं कालम् अतिष्ठन् विगतेन्द्रियाः ॥
दध्युश् चैव महाराज न युद्धे दधिरे मनः ॥
ऊरुग्राहगृहीताश् च नाभ्यधावन्त पाण्डवान् ॥
अवध्ये शंतनोः पुत्रे हते भीष्मे महौजसि ॥
अभावः सुमहान् राजन् कुरून् आगाद् अतन्द्रितः ॥
हतप्रवीराश् च वयं निकृत्ताश् च शितैः शरैः ॥
कर्तव्यं नाभिजानीमो निर्जिताः सव्यसाचिना ॥
पाण्डवास् तु जयं लब्ध्वा परत्र च परां गतिम् ॥
सर्वे दध्मुर् महाशङ्खाञ् शूराः परिघबाहवः ॥
सोमकाश् च सपञ्चालाः प्राहृष्यन्त जनेश्वर ॥
ततस् तूर्यसहस्रेषु नदत्सु सुमहाबलः ॥
आस्फोटयाम् आस भृशं भीमसेनो ननर्त च ॥
सेनयोर् उभयोश् चापि गाङ्गेये विनिपातिते ॥
संन्यस्य वीराः शस्त्राणि प्राध्यायन्त समन्ततः ॥
प्राक्रोशन् प्रापतंश् चान्ये जग्मुर् मोहं तथापरे ॥
क्षत्रं चान्ये ऽभ्यनिन्दन्त भीष्मं चैके ऽभ्यपूजयन् ॥
ऋषयः पितरश् चैव प्रशशंसुर् महाव्रतम् ॥
भरतानां च ये पूर्वे ते चैनं प्रशशंसिरे ॥
महोपनिषदं चैव योगम् आस्थाय वीर्यवान् ॥
जपञ् शांतनवो धीमान् कालाकाङ्क्षी स्थितो ऽभवत् ॥
evaṃ kurūṇāṃ patite śṛṅge bhīṣme mahaujasi ||
pāṇḍavāḥ sṛñjayāś caiva siṃhanādaṃ pracakrire ||
tasmin hate mahāsattve bharatānām amadhyame ||
na kiṃ cit pratyapadyanta putrās te bharatarṣabha ||
saṃmohaś caiva tumulaḥ kurūṇām abhavat tadā ||
nṛpā duryodhanamukhā niḥśvasya rurudus tataḥ ||
viṣādāc ca ciraṃ kālam atiṣṭhan vigatendriyāḥ ||
dadhyuś caiva mahārāja na yuddhe dadhire manaḥ ||
ūrugrāhagṛhītāś ca nābhyadhāvanta pāṇḍavān ||
avadhye śaṃtanoḥ putre hate bhīṣme mahaujasi ||
abhāvaḥ sumahān rājan kurūn āgād atandritaḥ ||
hatapravīrāś ca vayaṃ nikṛttāś ca śitaiḥ śaraiḥ ||
kartavyaṃ nābhijānīmo nirjitāḥ savyasācinā ||
pāṇḍavās tu jayaṃ labdhvā paratra ca parāṃ gatim ||
sarve dadhmur mahāśaṅkhāñ śūrāḥ parighabāhavaḥ ||
somakāś ca sapañcālāḥ prāhṛṣyanta janeśvara ||
tatas tūryasahasreṣu nadatsu sumahābalaḥ ||
āsphoṭayām āsa bhṛśaṃ bhīmaseno nanarta ca ||
senayor ubhayoś cāpi gāṅgeye vinipātite ||
saṃnyasya vīrāḥ śastrāṇi prādhyāyanta samantataḥ ||
prākrośan prāpataṃś cānye jagmur mohaṃ tathāpare ||
kṣatraṃ cānye 'bhyanindanta bhīṣmaṃ caike 'bhyapūjayan ||
ṛṣayaḥ pitaraś caiva praśaśaṃsur mahāvratam ||
bharatānāṃ ca ye pūrve te cainaṃ praśaśaṃsire ||
mahopaniṣadaṃ caiva yogam āsthāya vīryavān ||
japañ śāṃtanavo dhīmān kālākāṅkṣī sthito 'bhavat ||
Thus, when Bhishma of great might, the summit of the Kurus, fell, the Pandavas and the Srinjayas let out a lion's roar. When this greatest of the Bharatas was struck down, your sons, O bull of the Bharatas, no longer knew what to do, and heavy confusion seized the Kurus. The kings led by Duryodhana sighed and then wept; from grief they stood for a long time as though their senses had left them. They sank into thought and no longer kept their minds on the war; as if shackled, they did not rush upon the Pandavas. When the unslayable son of Shantanu, the mighty Bhishma, was struck down, a great calamity overtook the Kurus, O king. 'Our finest heroes are slain, we are cut down by sharp arrows, we are vanquished by Savyasachin, and we do not know our duty.' The Pandavas, however, having won victory and the highest path in the world beyond, all blew their great conch shells; the mighty-armed heroes, the Somakas and the Panchalas, rejoiced greatly, O lord of men. Then, as thousands of trumpets sounded, the mighty Bhimasena slapped himself loudly and danced. In both armies, when Gangeya had fallen, the heroes laid down their weapons and everywhere gave themselves to reflection. Some cried out and fell, others fainted; some condemned the warrior code, while others honored Bhishma. The sages and the ancestors praised the one of the great vow; the Bharatas of former times also glorified him. And the valiant, wise Shantanava, having taken his stand in the great upanishad and in yoga, repeating his mantra, remained there awaiting his hour.
b1531d6be95a · 发布于 2026年7月17日 22:03:50 UTC
可用语言RUEN用方向键翻颂
Bhishma's fall brings the war to a halt: both armies lay down their weapons for a moment. For the Kurus it is the collapse of their support, for the Pandavas, victory - but for Bhishma himself it is a passage into a yogic waiting for the hour of departure.