ततः सेनामुखे कर्णं दृष्ट्वा राजा युधिष्ठिरः ॥
धनंजयम् अमित्रघ्नम् एकवीरम् उवाच ह ॥
पश्यार्जुन महाव्यूहं कर्णेन विहितं रणे ॥
युक्तं पक्षैः प्रपक्षैश् च सेनानीकं प्रकाशते ॥
तद् एतद् वै समालोक्य प्रत्यमित्रं महद् बलम् ॥
यथा नाभिभवत्य् अस्मांस् तथा नीतिर् विधीयताम् ॥
एवम् उक्तो ऽर्जुनो राज्ञा प्राञ्जलिर् नृपम् अब्रवीत् ॥
यथा भवान् आह तथा तत् सर्वं न तद् अन्यथा ॥
यस् त्व् अस्य विहितो घातस् तं करिष्यामि भारत ॥
प्रधानवध एवास्य विनाशस् तं करोम्य् अहम् ॥
युधिष्ठिर उवाच
तस्मात् त्वम् एव राधेयं भीमसेनः सुयोधनम् ॥
वृषसेनं च नकुलः सहदेवो ऽपि सौबलम् ॥
दुःशासनं शतानीको हार्दिक्यं शिनिपुंगवः ॥
धृष्टद्युम्नस् तथा द्रौणिं स्वयं यास्याम्य् अहं कृपम् ॥
द्रौपदेया धार्तराष्ट्राञ् शिष्टान् सह शिखण्डिना ॥
ते ते च तांस् तान् अहितान् अस्माकं घ्नन्तु मामकाः ॥
संजय उवाच
इत्य् उक्तो धर्मराजेन तथेत्य् उक्त्वा धनंजयः ॥
व्यादिदेश स्वसैन्यानि स्वयं चागाच् चमूमुखम् ॥
tataḥ senāmukhe karṇaṃ dṛṣṭvā rājā yudhiṣṭhiraḥ ||
dhanaṃjayam amitraghnam ekavīram uvāca ha ||
paśyārjuna mahāvyūhaṃ karṇena vihitaṃ raṇe ||
yuktaṃ pakṣaiḥ prapakṣaiś ca senānīkaṃ prakāśate ||
tad etad vai samālokya pratyamitraṃ mahad balam ||
yathā nābhibhavaty asmāṃs tathā nītir vidhīyatām ||
evam ukto 'rjuno rājñā prāñjalir nṛpam abravīt ||
yathā bhavān āha tathā tat sarvaṃ na tad anyathā ||
yas tv asya vihito ghātas taṃ kariṣyāmi bhārata ||
pradhānavadha evāsya vināśas taṃ karomy aham ||
yudhiṣṭhira uvāca
tasmāt tvam eva rādheyaṃ bhīmasenaḥ suyodhanam ||
vṛṣasenaṃ ca nakulaḥ sahadevo 'pi saubalam ||
duḥśāsanaṃ śatānīko hārdikyaṃ śinipuṃgavaḥ ||
dhṛṣṭadyumnas tathā drauṇiṃ svayaṃ yāsyāmy ahaṃ kṛpam ||
draupadeyā dhārtarāṣṭrāñ śiṣṭān saha śikhaṇḍinā ||
te te ca tāṃs tān ahitān asmākaṃ ghnantu māmakāḥ ||
saṃjaya uvāca
ity ukto dharmarājena tathety uktvā dhanaṃjayaḥ ||
vyādideśa svasainyāni svayaṃ cāgāc camūmukham ||
Увидев Карну на переде войска, царь Юдхиштхира сказал Дхананджае, убийце врагов, единственному герою: «Смотри, Арджуна, на великий строй, устроенный Карной в бою. Войско сияет, соединённое с крыльями и подфлангами. Рассмотрев эту великую силу врагов, устрой средство так, чтобы она нас не одолела». Арджуна, сложив ладони, ответил царю: «Как ты сказал, так всё и есть, не иначе. Но какой удар назначен этому строю, тот я и нанесу, о Бхарата. Его уничтожение — в убийстве главного; это я и сделаю». Юдхиштхира сказал: «Тогда ты сам иди на Радхею, Бхимасена — на Суёдхану, Накула — на Вришасену, Сахадева — на Саубалу. Шатаника пусть идёт на Духшасану, бык Шини — на Хардикью, Дхриштадьюмна — на Драуни, а я сам пойду на Крипу. Сыновья Драупади вместе с Шикхандином пусть поражают остальных Дхартераштр; каждый из наших пусть убивает назначенного ему врага». Санджая сказал: «Услышав это от Дхармараджи и ответив: ‘Так и будет’, Дхананджая распорядился своими войсками и сам пошёл к авангарду».
8c6bb7622943 · 发布于 2026年6月20日 08:45:28 UTC
可用语言RU用方向键翻颂
Юдхиштхира действует как царь: он не только видит опасность, но распределяет ответственность. Арджуна же сразу указывает на принцип: сложный строй гибнет, когда поражён его главный узел.