अथ तं रथम् आयान्तं दृष्ट्वात्यद्भुतदर्शनम् ॥
उवाचाधिरथिं शल्यः पुनस् तं युद्धदुर्मदम् ॥
अयं स रथ आयाति श्वेताश्वः कृष्णसारथिः ॥
निघ्नन्न् अमित्रान् कौन्तेयो यं यं त्वं परिपृच्छसि ॥
श्रूयते तुमुलः शब्दो रथनेमिस्वनो महान् ॥
एष रेणुः समुद्भूतो दिवम् आवृत्य तिष्ठति ॥
चक्रनेमिप्रणुन्ना च कम्पते कर्ण मेदिनी ॥
प्रवात्य् एष महावायुर् अभितस् तव वाहिनीम् ॥
क्रव्यादा व्याहरन्त्य् एते मृगाः कुर्वन्ति भैरवम् ॥
पश्य कर्ण महाघोरं भयदं लोमहर्षणम् ॥
कबन्धं मेघसंकाशं भानुम् आवृत्य संस्थितम् ॥
पश्य यूथैर् बहुविधैर् मृगाणां सर्वतोदिशम् ॥
बलिभिर् दृप्तशार्दूलैर् आदित्यो ऽभिनिरीक्ष्यते ॥
पश्य कङ्कांश् च गृध्रांश् च समवेतान् सहस्रशः ॥
स्थितान् अभिमुखान् घोरान् अन्योन्यम् अभिभाषतः ॥
सिताश् चाश्वाः समायुक्तास् तव कर्ण महारथे ॥
प्रदराः प्रज्वलन्त्य् एते ध्वजश् चैव प्रकम्पते ॥
उदीर्यतो हयान् पश्य महाकायान् महाजवान् ॥
प्लवमानान् दर्शनीयान् आकाशे गरुडान् इव ॥
ध्रुवम् एषु निमित्तेषु भूमिम् आवृत्य पार्थिवाः ॥
स्वप्स्यन्ति निहताः कर्ण शतशो ऽथ सहस्रशः ॥
शङ्खानां तुमुलः शब्दः श्रूयते लोमहर्षणः ॥
आनकानां च राधेय मृदङ्गानां च सर्वशः ॥
बाणशब्दान् बहुविधान् नराश्वरथनिस्वनान् ॥
ज्यातलत्रेषुशब्दांश् च शृणु कर्ण महात्मनाम् ॥
atha taṃ ratham āyāntaṃ dṛṣṭvātyadbhutadarśanam ||
uvācādhirathiṃ śalyaḥ punas taṃ yuddhadurmadam ||
ayaṃ sa ratha āyāti śvetāśvaḥ kṛṣṇasārathiḥ ||
nighnann amitrān kaunteyo yaṃ yaṃ tvaṃ paripṛcchasi ||
śrūyate tumulaḥ śabdo rathanemisvano mahān ||
eṣa reṇuḥ samudbhūto divam āvṛtya tiṣṭhati ||
cakranemipraṇunnā ca kampate karṇa medinī ||
pravāty eṣa mahāvāyur abhitas tava vāhinīm ||
kravyādā vyāharanty ete mṛgāḥ kurvanti bhairavam ||
paśya karṇa mahāghoraṃ bhayadaṃ lomaharṣaṇam ||
kabandhaṃ meghasaṃkāśaṃ bhānum āvṛtya saṃsthitam ||
paśya yūthair bahuvidhair mṛgāṇāṃ sarvatodiśam ||
balibhir dṛptaśārdūlair ādityo 'bhinirīkṣyate ||
paśya kaṅkāṃś ca gṛdhrāṃś ca samavetān sahasraśaḥ ||
sthitān abhimukhān ghorān anyonyam abhibhāṣataḥ ||
sitāś cāśvāḥ samāyuktās tava karṇa mahārathe ||
pradarāḥ prajvalanty ete dhvajaś caiva prakampate ||
udīryato hayān paśya mahākāyān mahājavān ||
plavamānān darśanīyān ākāśe garuḍān iva ||
dhruvam eṣu nimitteṣu bhūmim āvṛtya pārthivāḥ ||
svapsyanti nihatāḥ karṇa śataśo 'tha sahasraśaḥ ||
śaṅkhānāṃ tumulaḥ śabdaḥ śrūyate lomaharṣaṇaḥ ||
ānakānāṃ ca rādheya mṛdaṅgānāṃ ca sarvaśaḥ ||
bāṇaśabdān bahuvidhān narāśvarathanisvanān ||
jyātalatreṣuśabdāṃś ca śṛṇu karṇa mahātmanām ||
Когда Шалья увидел приближающуюся колесницу, дивную видом, он снова сказал сыну Адхиратхи, опьянённому битвой: «Вот идёт та самая колесница с белыми конями и Кришной-возницей. Это Каунтея, поражающий врагов, тот, о ком ты всё спрашиваешь. Слышен великий грохот её колёс; поднявшаяся пыль закрыла небо. Земля, Карна, дрожит от ударов колёсных ободов, и великий ветер дует вокруг твоего войска. Хищники кричат, звери издают страшные звуки. Смотри, Карна, на это ужасное, пугающее знамение: облакоподобная кабандха стоит, закрыв солнце. Смотри, как со всех сторон стаи зверей и сильные гордые тигры смотрят на солнце. Смотри на страшных птиц и грифов, собравшихся тысячами, стоящих лицом к нам и перекликающихся. Белые кони запряжены в твою великую колесницу, Карна, но трещины пылают, и знамя дрожит. Смотри на своих крупных, стремительных, красивых коней: они скачут, словно Гаруды в небе. По этим знамениям, Карна, несомненно, цари, покрыв землю, будут спать убитыми сотнями и тысячами. Слышен страшный гул раковин, барабанов и мриданг, а также многообразные звуки стрел, людей, коней, колесниц, тетив, наручей и стрел великих воинов».
710ae4a4321c · 发布于 2026年6月20日 08:45:28 UTC
可用语言RU用方向键翻颂
Шалья читает поле боя как книгу знамений. Приближение Арджуны описано не просто как движение ратхи, а как сдвиг всего пространства: земля, небо, звери и ветер свидетельствуют о грядущей бойне.