प्रविश्य भवनं राजा देवराजगृहोपमम् ॥
श्रुत्वा विजयसंयुक्तं रथात् पश्चाद् अवातरत् ॥
प्रविश्याभ्यन्तरं श्रीमान् दैवतान्य् अभिगम्य च ॥
पूजयाम् आस रत्नैश् च गन्धैर् माल्यैश् च सर्वशः ॥
निश्चक्राम ततः श्रीमान् पुनर् एव महायशाः ॥
ददर्श ब्राह्मणांश् चैव सो ऽभिरूपान् उपस्थितान् ॥
स संवृतस् तदा विप्रैर् आशीर्वादविवक्षुभिः ॥
शुशुभे विमलश् चन्द्रस् तारागणवृतो यथा ॥
तान् स संपूजयाम् आस कौन्तेयो विधिवद् द्विजान् ॥
धौम्यं गुरुं पुरस्कृत्य ज्येष्ठं पितरम् एव च ॥
सुमनोमोदकै रत्नैर् हिरण्येन च भूरिणा ॥
गोभिर् वस्त्रैश् च राजेन्द्र विविधैश् च किम् इच्छकैः ॥
ततः पुण्याहघोषो ऽभूद् दिवं स्तब्ध्वेव भारत ॥
सुहृदां हर्षजननः पुण्यः श्रुतिसुखावहः ॥
हंसवन् नेदुषां राजन् द्विजानां तत्र भारती ॥
शुश्रुवे वेदविदुषां पुष्कलार्थपदाक्षरा ॥
ततो दुन्दुभिनिर्घोषः शङ्खानां च मनोरमः ॥
जयं प्रवदतां तत्र स्वनः प्रादुरभून् नृप ॥
निःशब्दे च स्थिते तत्र ततो विप्रजने पुनः ॥
राजानं ब्राह्मणच्छद्मा चार्वाको राक्षसो ऽब्रवीत् ॥
praviśya bhavanaṃ rājā devarājagṛhopamam ||
śrutvā vijayasaṃyuktaṃ rathāt paścād avātarat ||
praviśyābhyantaraṃ śrīmān daivatāny abhigamya ca ||
pūjayām āsa ratnaiś ca gandhair mālyaiś ca sarvaśaḥ ||
niścakrāma tataḥ śrīmān punar eva mahāyaśāḥ ||
dadarśa brāhmaṇāṃś caiva so 'bhirūpān upasthitān ||
sa saṃvṛtas tadā viprair āśīrvādavivakṣubhiḥ ||
śuśubhe vimalaś candras tārāgaṇavṛto yathā ||
tān sa saṃpūjayām āsa kaunteyo vidhivad dvijān ||
dhaumyaṃ guruṃ puraskṛtya jyeṣṭhaṃ pitaram eva ca ||
sumanomodakai ratnair hiraṇyena ca bhūriṇā ||
gobhir vastraiś ca rājendra vividhaiś ca kim icchakaiḥ ||
tataḥ puṇyāhaghoṣo 'bhūd divaṃ stabdhveva bhārata ||
suhṛdāṃ harṣajananaḥ puṇyaḥ śrutisukhāvahaḥ ||
haṃsavan neduṣāṃ rājan dvijānāṃ tatra bhāratī ||
śuśruve vedaviduṣāṃ puṣkalārthapadākṣarā ||
tato dundubhinirghoṣaḥ śaṅkhānāṃ ca manoramaḥ ||
jayaṃ pravadatāṃ tatra svanaḥ prādurabhūn nṛpa ||
niḥśabde ca sthite tatra tato viprajane punaḥ ||
rājānaṃ brāhmaṇacchadmā cārvāko rākṣaso 'bravīt ||
Войдя во дворец, подобный дому царя богов, и услышав победные звуки, царь затем сошёл с колесницы. Славный вошёл во внутренние покои, приблизился к божествам и полностью почтил их драгоценностями, благовониями и гирляндами. Потом великославный снова вышел и увидел прекрасных брахманов, стоящих перед ним. Окружённый брахманами, желавшими произнести благословения, он сиял, как чистая луна среди множества звёзд. Каунтея почтил этих дваждырождённых как положено, поставив впереди гуру Дхаумью и старшего отца, Дхритараштру, и одарил их цветами, сладостями, драгоценностями, обильным золотом, коровами, одеждами и разными дарами по желанию. Затем раздался святой возглас «благой день», словно наполнивший небо, рождающий радость друзей и приятный для слуха. Речь брахманов, знающих Веду, звучала там, как голоса гусей, полная смысла, слов и слогов. Потом возник чарующий грохот барабанов и раковин, провозглашавших победу. Когда всё умолкло и среди брахманов установилась тишина, ракшас Чарвака, скрытый под видом брахмана, обратился к царю.
019a0ce7f4f3 · 发布于 2026年6月20日 16:55:19 UTC
可用语言RU用方向键翻颂
Порядок церемонии подчёркнуто ритуален: вход, поклонение божествам, почитание брахманов, благословения и звуки победы. Именно в эту чистую среду вторгается ложное слово Чарваки.