वैशंपायन उवाच
ततो रामस्य तत् कर्म श्रुत्वा राजा युधिष्ठिरः ॥
विस्मयं परमं गत्वा प्रत्युवाच जनार्दनम् ॥
अहो रामस्य वार्ष्णेय शक्रस्येव महात्मनः ॥
विक्रमो येन वसुधा क्रोधान् निःक्षत्रिया कृता ॥
गोभिः समुद्रेण तथा गोलाङ्गूलर्क्षवानरैः ॥
गुप्ता रामभयोद्विग्नाः क्षत्रियाणां कुलोद्वहाः ॥
अहो धन्यो हि लोको ऽयं सभाग्याश् च नरा भुवि ॥
यत्र कर्मेदृशं धर्म्यं द्विजेन कृतम् अच्युत ॥
तथा यान्तौ तदा तात ताव् अच्युतयुधिष्ठिरौ ॥
जग्मतुर् यत्र गाङ्गेयः शरतल्पगतः प्रभुः ॥
ततस् ते ददृशुर् भीष्मं शरप्रस्तरशायिनम् ॥
स्वरश्मिजालसंवीतं सायंसूर्यम् इवानलम् ॥
उपास्यमानं मुनिभिर् देवैर् इव शतक्रतुम् ॥
देशे परमधर्मिष्ठे नदीमोघवतीम् अनु ॥
दूराद् एव तम् आलोक्य कृष्णो राजा च धर्मराट् ॥
चत्वारः पाण्डवाश् चैव ते च शारद्वतादयः ॥
अवस्कन्द्याथ वाहेभ्यः संयम्य प्रचलं मनः ॥
एकीकृत्येन्द्रियग्रामम् उपतस्थुर् महामुनीन् ॥
अभिवाद्य च गोविन्दः सात्यकिस् ते च कौरवाः ॥
व्यासादींस् तान् ऋषीन् पश्चाद् गाङ्गेयम् उपतस्थिरे ॥
तपोवृद्धिं ततः पृष्ट्वा गाङ्गेयं यदुकौरवाः ॥
परिवार्य ततः सर्वे निषेदुः पुरुषर्षभाः ॥
ततो निशम्य गाङ्गेयं शाम्यमानम् इवानलम् ॥
किं चिद् दीनमना भीष्मम् इति होवाच केशवः ॥
vaiśaṃpāyana uvāca
tato rāmasya tat karma śrutvā rājā yudhiṣṭhiraḥ ||
vismayaṃ paramaṃ gatvā pratyuvāca janārdanam ||
aho rāmasya vārṣṇeya śakrasyeva mahātmanaḥ ||
vikramo yena vasudhā krodhān niḥkṣatriyā kṛtā ||
gobhiḥ samudreṇa tathā golāṅgūlarkṣavānaraiḥ ||
guptā rāmabhayodvignāḥ kṣatriyāṇāṃ kulodvahāḥ ||
aho dhanyo hi loko 'yaṃ sabhāgyāś ca narā bhuvi ||
yatra karmedṛśaṃ dharmyaṃ dvijena kṛtam acyuta ||
tathā yāntau tadā tāta tāv acyutayudhiṣṭhirau ||
jagmatur yatra gāṅgeyaḥ śaratalpagataḥ prabhuḥ ||
tatas te dadṛśur bhīṣmaṃ śaraprastaraśāyinam ||
svaraśmijālasaṃvītaṃ sāyaṃsūryam ivānalam ||
upāsyamānaṃ munibhir devair iva śatakratum ||
deśe paramadharmiṣṭhe nadīmoghavatīm anu ||
dūrād eva tam ālokya kṛṣṇo rājā ca dharmarāṭ ||
catvāraḥ pāṇḍavāś caiva te ca śāradvatādayaḥ ||
avaskandyātha vāhebhyaḥ saṃyamya pracalaṃ manaḥ ||
ekīkṛtyendriyagrāmam upatasthur mahāmunīn ||
abhivādya ca govindaḥ sātyakis te ca kauravāḥ ||
vyāsādīṃs tān ṛṣīn paścād gāṅgeyam upatasthire ||
tapovṛddhiṃ tataḥ pṛṣṭvā gāṅgeyaṃ yadukauravāḥ ||
parivārya tataḥ sarve niṣeduḥ puruṣarṣabhāḥ ||
tato niśamya gāṅgeyaṃ śāmyamānam ivānalam ||
kiṃ cid dīnamanā bhīṣmam iti hovāca keśavaḥ ||
Вайшампаяна сказал: услышав о том деянии Рамы, царь Юдхиштхира пришёл в глубокое изумление и ответил Джанардане: «О Вришниец, как дивен подвиг великодушного Рамы, подобного Шакре: своим гневом он сделал землю лишённой кшатриев. Продолжатели кшатрийских родов, встревоженные страхом перед Рамой, скрывались среди коров, у моря, среди лангуров, медведей и обезьян. О Ачьюта, счастлив этот мир и удачливы люди на земле, где такое праведное деяние было совершено дваждырождённым». Так, дорогой, Ачьюта и Юдхиштхира продолжали путь и прибыли туда, где владыка Гангейя лежал на ложе стрел. Они увидели Бхишму, лежащего на настиле стрел, окружённого сетью собственного сияния, словно вечернее солнце-огонь; мудрецы почитали его, как боги почитают Шатакрату, в высочайше праведном месте у реки Огхавати. Завидев его издали, Кришна, царь Дхармараджа, четыре Пандава и Шарадвата с прочими сошли с повозок, успокоили колеблющийся ум, сосредоточили чувства и приблизились к великим мудрецам. Говинда, Сатьяки и Кауравы поклонились тем риши во главе с Вьясой, а затем предстали перед Гангейей. Спросив Бхишму о возрастании его тапаса, Ядавы и Кауравы, лучшие из людей, окружили его и сели. Тогда Кешава, глядя на Гангею, словно на затихающий огонь, и чувствуя печаль при виде Бхишмы, сказал:
7f2f8e87d9fa · 发布于 2026年6月20日 17:29:44 UTC
可用语言RU用方向键翻颂
Возвращение к Бхишме показано как вход в пространство сосредоточения. После рассказа о гневе Парашурамы внимание снова переносится к тому, кто лежит на стрелах и должен превратить память войны в наставление о дхарме.