एतत् कृत्वा शुभं शास्त्रं ततः स भगवान् प्रभुः ॥
देवान् उवाच संहृष्टः सर्वाञ् शक्रपुरोगमान् ॥
उपकाराय लोकस्य त्रिवर्गस्थापनाय च ॥
नवनीतं सरस्वत्या बुद्धिर् एषा प्रभाविता ॥
दण्डेन सहिता ह्य् एषा लोकरक्षणकारिका ॥
निग्रहानुग्रहरता लोकान् अनु चरिष्यति ॥
दण्डेन नीयते चेयं दण्डं नयति चाप्य् उत ॥
दण्डनीतिर् इति प्रोक्ता त्रींल् लोकान् अनुवर्तते ॥
षाड्गुण्यगुणसारैषा स्थास्यत्य् अग्रे महात्मसु ॥
महत्त्वात् तस्य दण्डस्य नीतिर् विस्पष्टलक्षणा ॥
नयचारश् च विपुलो येन सर्वम् इदं ततम् ॥
आगमश् च पुराणानां महर्षीणां च संभवः ॥
तीर्थवंशश् च वंशश् च नक्षत्राणां युधिष्ठिर ॥
सकलं चातुराश्रम्यं चातुर्होत्रं तथैव च ॥
चातुर्वर्ण्यं तथैवात्र चातुर्वेद्यं च वर्णितम् ॥
इतिहासोपवेदाश् च न्यायः कृत्स्नश् च वर्णितः ॥
तपो ज्ञानम् अहिंसा च सत्यासत्ये नयः परः ॥
वृद्धोपसेवा दानं च शौचम् उत्थानम् एव च ॥
सर्वभूतानुकम्पा च सर्वम् अत्रोपवर्णितम् ॥
भुवि वाचोगतं यच् च तच् च सर्वं समर्पितम् ॥
तस्मिन् पैतामहे शास्त्रे पाण्डवैतद् असंशयम् ॥
धर्मार्थकाममोक्षाश् च सकला ह्य् अत्र शब्दिताः ॥
ततस् तां भगवान् नीतिं पूर्वं जग्राह शंकरः ॥
बहुरूपो विशालाक्षः शिवः स्थाणुर् उमापतिः ॥
युगानाम् आयुषो ह्रासं विज्ञाय भगवाञ् शिवः ॥
संचिक्षेप ततः शास्त्रं महार्थं ब्रह्मणा कृतम् ॥
वैशालाक्षम् इति प्रोक्तं तद् इन्द्रः प्रत्यपद्यत ॥
दशाध्यायसहस्राणि सुब्रह्मण्यो महातपाः ॥
भगवान् अपि तच् छास्त्रं संचिक्षेप पुरंदरः ॥
सहस्रैः पञ्चभिस् तात यद् उक्तं बाहुदन्तकम् ॥
अध्यायानां सहस्रैस् तु त्रिभिर् एव बृहस्पतिः ॥
संचिक्षेपेश्वरो बुद्ध्या बार्हस्पत्यं तद् उच्यते ॥
अध्यायानां सहस्रेण काव्यः संक्षेपम् अब्रवीत् ॥
तच् छास्त्रम् अमितप्रज्ञो योगाचार्यो महातपाः ॥
एवं लोकानुरोधेन शास्त्रम् एतन् महर्षिभिः ॥
संक्षिप्तम् आयुर् विज्ञाय मर्त्यानां ह्रासि पाण्डव ॥
etat kṛtvā śubhaṃ śāstraṃ tataḥ sa bhagavān prabhuḥ ||
devān uvāca saṃhṛṣṭaḥ sarvāñ śakrapurogamān ||
upakārāya lokasya trivargasthāpanāya ca ||
navanītaṃ sarasvatyā buddhir eṣā prabhāvitā ||
daṇḍena sahitā hy eṣā lokarakṣaṇakārikā ||
nigrahānugraharatā lokān anu cariṣyati ||
daṇḍena nīyate ceyaṃ daṇḍaṃ nayati cāpy uta ||
daṇḍanītir iti proktā trīṃl lokān anuvartate ||
ṣāḍguṇyaguṇasāraiṣā sthāsyaty agre mahātmasu ||
mahattvāt tasya daṇḍasya nītir vispaṣṭalakṣaṇā ||
nayacāraś ca vipulo yena sarvam idaṃ tatam ||
āgamaś ca purāṇānāṃ maharṣīṇāṃ ca saṃbhavaḥ ||
tīrthavaṃśaś ca vaṃśaś ca nakṣatrāṇāṃ yudhiṣṭhira ||
sakalaṃ cāturāśramyaṃ cāturhotraṃ tathaiva ca ||
cāturvarṇyaṃ tathaivātra cāturvedyaṃ ca varṇitam ||
itihāsopavedāś ca nyāyaḥ kṛtsnaś ca varṇitaḥ ||
tapo jñānam ahiṃsā ca satyāsatye nayaḥ paraḥ ||
vṛddhopasevā dānaṃ ca śaucam utthānam eva ca ||
sarvabhūtānukampā ca sarvam atropavarṇitam ||
bhuvi vācogataṃ yac ca tac ca sarvaṃ samarpitam ||
tasmin paitāmahe śāstre pāṇḍavaitad asaṃśayam ||
dharmārthakāmamokṣāś ca sakalā hy atra śabditāḥ ||
tatas tāṃ bhagavān nītiṃ pūrvaṃ jagrāha śaṃkaraḥ ||
bahurūpo viśālākṣaḥ śivaḥ sthāṇur umāpatiḥ ||
yugānām āyuṣo hrāsaṃ vijñāya bhagavāñ śivaḥ ||
saṃcikṣepa tataḥ śāstraṃ mahārthaṃ brahmaṇā kṛtam ||
vaiśālākṣam iti proktaṃ tad indraḥ pratyapadyata ||
daśādhyāyasahasrāṇi subrahmaṇyo mahātapāḥ ||
bhagavān api tac chāstraṃ saṃcikṣepa puraṃdaraḥ ||
sahasraiḥ pañcabhis tāta yad uktaṃ bāhudantakam ||
adhyāyānāṃ sahasrais tu tribhir eva bṛhaspatiḥ ||
saṃcikṣepeśvaro buddhyā bārhaspatyaṃ tad ucyate ||
adhyāyānāṃ sahasreṇa kāvyaḥ saṃkṣepam abravīt ||
tac chāstram amitaprajño yogācāryo mahātapāḥ ||
evaṃ lokānurodhena śāstram etan maharṣibhiḥ ||
saṃkṣiptam āyur vijñāya martyānāṃ hrāsi pāṇḍava ||
Создав эту благую шастру, Бхагаван Брахма радостно сказал богам во главе с Шакрой: «Для помощи миру и утверждения триварги проявлена эта суть Сарасвати, это масло мудрости. Соединённая с наказанием, она будет защищать миры, занимаясь сдерживанием и благоволением. Она ведётся наказанием и сама направляет наказание; поэтому она названа данда-нити и действует в трёх мирах». В ней были изложены Пураны, происхождение великих риши, родословные тиртх, накшатр, четыре ашрама, четыре хотра, четыре варны, четыре Веды, истории, упаведы, ньяя, тапас, знание, ахимса, истина и ложь, служение старшим, дарение, чистота, усердие, сострадание ко всем существам и всё, что на земле входит в область речи. В этой шастре Брахмы, о Пандава, несомненно были названы все четыре цели: дхарма, артха, кама и мокша. Затем эту нити сначала принял многоликий, широкоокий Шанкара, Шива, Стхану, супруг Умы. Понимая, что жизнь в югах сокращается, он сжал великую шастру Брахмы; она стала называться Вайшалакша. Индра принял её в десяти тысячах глав, затем Пурандара сократил её до пяти тысяч, названных Бахудантака. Брихаспати сократил её до трёх тысяч, и это стало Бархаспатья. Затем Кавья, безмерно мудрый учитель йоги и великий аскет, изложил её в тысяче глав. Так махарши сокращали эту шастру ради мира, понимая, что жизнь смертных убывает».
4f3f6fc8b588 · 发布于 2026年6月21日 10:32:55 UTC
可用语言RU用方向键翻颂
Знание нисходит в формы, которые люди способны удержать. Сокращение шастры не означает обеднение истины; это милость к существам, чья продолжительность жизни и способность к восприятию уменьшаются.