अथ भूयांसम् एवार्थं करिष्यामि पुनः पुनः ॥
ददात्य् अस्मद्विधो ऽमात्यो बुद्धिसाहाय्यम् आपदि ॥
वायसश् चैव मे राजन्न् अन्तकायाभिसंहितः ॥
न च मे ऽत्र भवान् गर्ह्यो न च येषां भवान् प्रियः ॥
हिताहितांस् तु बुध्येथा मा परोक्षमतिर् भव ॥
ये त्व् आदानपरा एव वसन्ति भवतो गृहे ॥
अभूतिकामा भूतानां तादृशैर् मे ऽभिसंहितम् ॥
ये वा भवद्विनाशेन राज्यम् इच्छन्त्य् अनन्तरम् ॥
अन्तरैर् अभिसंधाय राजन् सिध्यन्ति नान्यथा ॥
तेषाम् अहं भयाद् राजन् गमिष्याम्य् अन्यम् आश्रमम् ॥
तैर् हि मे संधितो बाणः काके निपतितः प्रभो ॥
छद्मना मम काकश् च गमितो यमसादनम् ॥
दृष्टं ह्य् एतन् मया राजंस् तपोदीर्घेण चक्षुषा ॥
बहुनक्रझषग्राहां तिमिंगिलगणायुताम् ॥
काकेन बडिशेनेमाम् अतार्षं त्वाम् अहं नदीम् ॥
स्थाण्वश्मकण्टकवतीं व्याघ्रसिंहगजाकुलाम् ॥
दुरासदां दुष्प्रवेशां गुहां हैमवतीम् इव ॥
अग्निना तामसं दुर्गं नौभिर् आप्यं च गम्यते ॥
राजदुर्गावतरणे नोपायं पण्डिता विदुः ॥
गहनं भवतो राज्यम् अन्धकारतमोवृतम् ॥
नेह विश्वसितुं शक्यं भवतापि कुतो मया ॥
अतो नायं शुभो वासस् तुल्ये सदसती इह ॥
वधो ह्य् एवात्र सुकृते दुष्कृते न च संशयः ॥
न्यायतो दुष्कृते घातः सुकृते स्यात् कथं वधः ॥
नेह युक्तं चिरं स्थातुं जवेनातो व्रजेद् बुधः ॥
atha bhūyāṃsam evārthaṃ kariṣyāmi punaḥ punaḥ ||
dadāty asmadvidho 'mātyo buddhisāhāyyam āpadi ||
vāyasaś caiva me rājann antakāyābhisaṃhitaḥ ||
na ca me 'tra bhavān garhyo na ca yeṣāṃ bhavān priyaḥ ||
hitāhitāṃs tu budhyethā mā parokṣamatir bhava ||
ye tv ādānaparā eva vasanti bhavato gṛhe ||
abhūtikāmā bhūtānāṃ tādṛśair me 'bhisaṃhitam ||
ye vā bhavadvināśena rājyam icchanty anantaram ||
antarair abhisaṃdhāya rājan sidhyanti nānyathā ||
teṣām ahaṃ bhayād rājan gamiṣyāmy anyam āśramam ||
tair hi me saṃdhito bāṇaḥ kāke nipatitaḥ prabho ||
chadmanā mama kākaś ca gamito yamasādanam ||
dṛṣṭaṃ hy etan mayā rājaṃs tapodīrgheṇa cakṣuṣā ||
bahunakrajhaṣagrāhāṃ timiṃgilagaṇāyutām ||
kākena baḍiśenemām atārṣaṃ tvām ahaṃ nadīm ||
sthāṇvaśmakaṇṭakavatīṃ vyāghrasiṃhagajākulām ||
durāsadāṃ duṣpraveśāṃ guhāṃ haimavatīm iva ||
agninā tāmasaṃ durgaṃ naubhir āpyaṃ ca gamyate ||
rājadurgāvataraṇe nopāyaṃ paṇḍitā viduḥ ||
gahanaṃ bhavato rājyam andhakāratamovṛtam ||
neha viśvasituṃ śakyaṃ bhavatāpi kuto mayā ||
ato nāyaṃ śubho vāsas tulye sadasatī iha ||
vadho hy evātra sukṛte duṣkṛte na ca saṃśayaḥ ||
nyāyato duṣkṛte ghātaḥ sukṛte syāt kathaṃ vadhaḥ ||
neha yuktaṃ ciraṃ sthātuṃ javenāto vrajed budhaḥ ||
«Теперь я снова и снова принесу тебе ещё большую пользу: советник, подобный мне, даёт в беде помощь разумом. Мой ворон, царь, был направлен к смерти; но в этом не виновен ни ты, ни те, кому ты дорог. Различай полезных и вредных и не будь человеком с чужим умом. Те, кто живут в твоём доме, преданные только присвоению и желающие неблага людям, замыслили это против меня. А те, кто желают получить царство сразу после твоей гибели, действуют через тайные средства и иначе не достигают успеха, царь. Из страха перед ними я уйду в другую обитель: ведь ими была пущена стрела против меня, но попала в ворона, владыка. Обманом мой ворон был отправлен в жилище Ямы; я увидел это долгим зрением подвижничества. Вороном, как крючком, я переправил тебя через эту реку, полную крокодилов, рыб, хватателей и стаями тимингил; через место, полное пней, камней, шипов, тигров, львов и слонов, труднодоступное и трудновходимое, словно гималайская пещера. Тёмную крепость проходят огнём, водную — лодками, но при спуске в крепость царского двора мудрые не знают средства. Твоё царство густо и покрыто тьмой мрака: здесь невозможно доверять даже тебе, что уж говорить обо мне. Поэтому это место не благой дом: здесь доброе и дурное равны; несомненно, здесь убивают и за добро, и за зло. По справедливости удар бывает за дурное; но как может быть смерть за доброе? Поэтому мудрому не следует оставаться здесь долго: отсюда нужно уйти быстро».
6df59d04b0eb · 发布于 2026年6月20日 19:13:47 UTC
可用语言RU用方向键翻颂
Мудрец показывает царю главную проблему: когда двор поражён скрытой корыстью, праведное действие становится так же опасно, как преступление. В таком царстве добрый советник не может выжить без прямой защиты царя.