शार्दूलवचनं श्रुत्वा शार्दूलजननी ततः ॥
मृगराजं हितैर् वाक्यैः संबोधयितुम् आगमत् ॥
पुत्र नैतत् त्वया ग्राह्यं कपटारम्भसंवृतम् ॥
कर्मसंघर्षजैर् दोषैर् दुष्यत्य् अशुचिभिः शुचिः ॥
नोच्छ्रितं सहते कश् चित् प्रक्रिया वैरकारिका ॥
शुचेर् अपि हि युक्तस्य दोष एव निपात्यते ॥
लुब्धानां शुचयो द्वेष्याः कातराणां तरस्विनः ॥
मूर्खाणां पण्डिता द्वेष्या दरिद्राणां महाधनाः ॥
अधार्मिकाणां धर्मिष्ठा विरूपाणां सुरूपकाः ॥
बहवः पण्डिता लुब्धाः सर्वे मायोपजीविनः ॥
कुर्युर् दोषम् अदोषस्य बृहस्पतिमतेर् अपि ॥
शून्यात् तच् च गृहान् मांसं यद् अद्यापहृतं तव ॥
नेच्छते दीयमानं च साधु तावद् विमृश्यताम् ॥
असत्याः सत्यसंकाशाः सत्याश् चासत्यदर्शिनः ॥
दृश्यन्ते विविधा भावास् तेषु युक्तं परीक्षणम् ॥
तलवद् दृश्यते व्योम खद्योतो हव्यवाड् इव ॥
न चैवास्ति तलं व्योम्नि न खद्योते हुताशनः ॥
तस्मात् प्रत्यक्षदृष्टो ऽपि युक्तम् अर्थः परीक्षितुम् ॥
परीक्ष्य ज्ञापयन् ह्य् अर्थान् न पश्चात् परितप्यते ॥
न दुष्करम् इदं पुत्र यत् प्रभुर् घातयेत् परम् ॥
श्लाघनीया च वर्या च लोके प्रभवतां क्षमा ॥
स्थापितो ऽयं पुत्र त्वया सामन्तेष्व् अधि विश्रुतः ॥
दुःखेनासाद्यते पात्रं धार्यताम् एष ते सुहृत् ॥
दूषितं परदोषैर् हि गृह्णीते यो ऽन्यथा शुचिम् ॥
स्वयं संदूषितामात्यः क्षिप्रम् एव विनश्यति ॥
तस्माद् अथारिसंघाताद् गोमायोः कश् चिद् आगतः ॥
धर्मात्मा तेन चाख्यातं यथैतत् कपटं कृतम् ॥
ततो विज्ञातचारित्रः सत्कृत्य स विमोक्षितः ॥
परिष्वक्तश् च सस्नेहं मृगेन्द्रेण पुनः पुनः ॥
śārdūlavacanaṃ śrutvā śārdūlajananī tataḥ ||
mṛgarājaṃ hitair vākyaiḥ saṃbodhayitum āgamat ||
putra naitat tvayā grāhyaṃ kapaṭārambhasaṃvṛtam ||
karmasaṃgharṣajair doṣair duṣyaty aśucibhiḥ śuciḥ ||
nocchritaṃ sahate kaś cit prakriyā vairakārikā ||
śucer api hi yuktasya doṣa eva nipātyate ||
lubdhānāṃ śucayo dveṣyāḥ kātarāṇāṃ tarasvinaḥ ||
mūrkhāṇāṃ paṇḍitā dveṣyā daridrāṇāṃ mahādhanāḥ ||
adhārmikāṇāṃ dharmiṣṭhā virūpāṇāṃ surūpakāḥ ||
bahavaḥ paṇḍitā lubdhāḥ sarve māyopajīvinaḥ ||
kuryur doṣam adoṣasya bṛhaspatimater api ||
śūnyāt tac ca gṛhān māṃsaṃ yad adyāpahṛtaṃ tava ||
necchate dīyamānaṃ ca sādhu tāvad vimṛśyatām ||
asatyāḥ satyasaṃkāśāḥ satyāś cāsatyadarśinaḥ ||
dṛśyante vividhā bhāvās teṣu yuktaṃ parīkṣaṇam ||
talavad dṛśyate vyoma khadyoto havyavāḍ iva ||
na caivāsti talaṃ vyomni na khadyote hutāśanaḥ ||
tasmāt pratyakṣadṛṣṭo 'pi yuktam arthaḥ parīkṣitum ||
parīkṣya jñāpayan hy arthān na paścāt paritapyate ||
na duṣkaram idaṃ putra yat prabhur ghātayet param ||
ślāghanīyā ca varyā ca loke prabhavatāṃ kṣamā ||
sthāpito 'yaṃ putra tvayā sāmanteṣv adhi viśrutaḥ ||
duḥkhenāsādyate pātraṃ dhāryatām eṣa te suhṛt ||
dūṣitaṃ paradoṣair hi gṛhṇīte yo 'nyathā śucim ||
svayaṃ saṃdūṣitāmātyaḥ kṣipram eva vinaśyati ||
tasmād athārisaṃghātād gomāyoḥ kaś cid āgataḥ ||
dharmātmā tena cākhyātaṃ yathaitat kapaṭaṃ kṛtam ||
tato vijñātacāritraḥ satkṛtya sa vimokṣitaḥ ||
pariṣvaktaś ca sasnehaṃ mṛgendreṇa punaḥ punaḥ ||
Услышав приказ тигра, его мать пришла образумить царя зверей полезными словами: «Сын, не принимай этого: оно покрыто началом обмана. Чистый человек загрязняется нечистыми через пороки, рождаемые столкновением служебных дел. Никто не терпит возвышенного; положение создаёт вражду, и даже чистому, поставленному на дело, приписывают порок. Для алчных ненавистны чистые, для трусливых — сильные, для глупцов — мудрые, для бедных — богатые, для неправедных — праведные, для безобразных — красивые. Многие учёные бывают алчны, все живущие хитростью могут приписать порок безвинному, даже если его разум подобен разуму Брихаспати. Мясо похищено сегодня из пустого дома, а он не желает даже того, что ему дают. Хорошо: пусть сначала дело будет рассмотрено. Ложное бывает похожим на истинное, а истинное выглядит ложным; в разных обстоятельствах уместна проверка. Небо кажется плоским, как поверхность, а светляк — как огонь, но в небе нет поверхности и в светляке нет жертвенного огня. Поэтому даже видимое глазами дело следует исследовать. Кто проверяет и лишь потом объявляет смысл, тот потом не раскаивается. Сын, властителю нетрудно убить другого; но терпение сильных в мире достойно похвалы и избрания. Ты сам поставил этого человека, и он прославлен среди соседей. Достойный человек находится с трудом: удержи этого друга. Кто принимает чистого за виновного из-за чужих пороков, тот сам, имея испорченных министров, быстро гибнет». Затем от вражеского сговора к шакалу пришёл некий дхармичный человек и рассказал, как был устроен этот обман. Тогда, узнав его истинное поведение, тигр почтил шакала, освободил его и снова и снова с любовью обнимал».
f4b174395436 · 发布于 2026年6月20日 20:54:30 UTC
可用语言RU用方向键翻颂
Мать тигра формулирует центральный урок главы: даже прямое впечатление требует проверки. Правитель, который принимает клевету без исследования, губит чистого и отдаёт себя испорченным советникам.