संदर्शने सत्पुरुषं जघन्यम् अपि चोदयेत् ॥
आरम्भान् द्विषतां प्राज्ञः सर्वान् अर्थांस् तु सूदयेत् ॥
धर्मान्वितेषु विज्ञातो मन्त्री गुप्तश् च पाण्डव ॥
आप्तो राजन् कुलीनश् च पर्याप्तो राज्यसंग्रहे ॥
विधिप्रवृत्तान् नरदेवधर्मान्; उक्तान् समासेन निबोध बुद्ध्या ॥
इमान् विदध्याद् व्यनुसृत्य यो वै; राजा महीं पालयितुं स शक्तः ॥
अनीतिजं यद्य् अविधानजं सुखं; हठप्रणीतं विविधं प्रदृश्यते ॥
न विद्यते तस्य गतिर् महीपतेर्; न विद्यते राष्ट्रजम् उत्तमं सुखम् ॥
धनैर् विशिष्टान् मतिशीलपूजितान्; गुणोपपन्नान् युधि दृष्टविक्रमान् ॥
गुणेषु दृष्टान् अचिराद् इहात्मवान्; सतो ऽभिसंधाय निहन्ति शात्रवान् ॥
पश्येद् उपायान् विविधैः क्रियापथैर्; न चानुपायेन मतिं निवेशयेत् ॥
श्रियं विशिष्टां विपुलं यशो धनं; न दोषदर्शी पुरुषः समश्नुते ॥
प्रीतिप्रवृत्तौ विनिवर्तने तथा; सुहृत्सु विज्ञाय निवृत्य चोभयोः ॥
यद् एव मित्रं गुरुभारम् आवहेत्; तद् एव सुस्निग्धम् उदाहरेद् बुधः ॥
एतान् मयोक्तांस् तव राजधर्मान्; नृणां च गुप्तौ मतिम् आदधत्स्व ॥
अवाप्स्यसे पुण्यफलं सुखेन; सर्वो हि लोकोत्तमधर्ममूलः ॥
saṃdarśane satpuruṣaṃ jaghanyam api codayet ||
ārambhān dviṣatāṃ prājñaḥ sarvān arthāṃs tu sūdayet ||
dharmānviteṣu vijñāto mantrī guptaś ca pāṇḍava ||
āpto rājan kulīnaś ca paryāpto rājyasaṃgrahe ||
vidhipravṛttān naradevadharmān; uktān samāsena nibodha buddhyā ||
imān vidadhyād vyanusṛtya yo vai; rājā mahīṃ pālayituṃ sa śaktaḥ ||
anītijaṃ yady avidhānajaṃ sukhaṃ; haṭhapraṇītaṃ vividhaṃ pradṛśyate ||
na vidyate tasya gatir mahīpater; na vidyate rāṣṭrajam uttamaṃ sukham ||
dhanair viśiṣṭān matiśīlapūjitān; guṇopapannān yudhi dṛṣṭavikramān ||
guṇeṣu dṛṣṭān acirād ihātmavān; sato 'bhisaṃdhāya nihanti śātravān ||
paśyed upāyān vividhaiḥ kriyāpathair; na cānupāyena matiṃ niveśayet ||
śriyaṃ viśiṣṭāṃ vipulaṃ yaśo dhanaṃ; na doṣadarśī puruṣaḥ samaśnute ||
prītipravṛttau vinivartane tathā; suhṛtsu vijñāya nivṛtya cobhayoḥ ||
yad eva mitraṃ gurubhāram āvahet; tad eva susnigdham udāhared budhaḥ ||
etān mayoktāṃs tava rājadharmān; nṛṇāṃ ca guptau matim ādadhatsva ||
avāpsyase puṇyaphalaṃ sukhena; sarvo hi lokottamadharmamūlaḥ ||
«При встрече с достойным человеком мудрый должен побуждать даже низшего к лучшему, а начинания врагов и все их цели разрушать. О Пандава, советник, известный среди людей дхармы, скрытный, надёжный и родовитый, достаточен для удержания царства. Пойми разумом эти кратко сказанные дхармы царя, действующие по правилу: тот царь, кто следует им и устанавливает их, способен защищать землю. Если видно счастье, рождённое беззаконием, отсутствием правила или насилием, у такого владыки земли нет пути, и из царства не рождается высшее благо. Владеющий собой царь, соединив с добрыми людьми тех, кто выдаётся богатством, почитаем за разум и характер, наделён качествами и показал доблесть в бою, быстро поражает врагов. Он должен видеть средства через разные пути действия и не направлять мысль без средства. Человек, который видит только недостатки, не достигает выдающегося процветания, широкой славы и богатства. Мудрый, распознав друзей при начале дружбы и при её прекращении, а затем отойдя от крайностей, называет по-настоящему преданным того друга, который несёт тяжёлую ношу. Эти царские дхармы я сказал тебе; утверди разум в защите людей. Ты счастливо достигнешь благого плода, ведь весь мир основан на высшей дхарме».
1826b2feb998 · 发布于 2026年6月20日 21:27:59 UTC
可用语言RU用方向键翻颂
Глава завершается возвращением к главной цели: защите людей. Средства, советники, богатство, разведка и сила имеют смысл только тогда, когда служат дхарме, а не насилию без правила.