भीष्म उवाच
इत्य् उक्तवचनां देवीम् अत्यर्थं तौ ननन्दतुः ॥
नारदश् च त्रिलोकर्षिर् वृत्रहन्ता च वासवः ॥
ततो ऽनलसखो वायुः प्रववौ देववेश्मसु ॥
इष्टगन्धः सुखस्पर्शः सर्वेन्द्रियसुखावहः ॥
शुचौ चाभ्यर्चिते देशे त्रिदशाः प्रायशः स्थिताः ॥
लक्ष्म्या सहितम् आसीनं मघवन्तं दिदृक्षवः ॥
ततो दिवं प्राप्य सहस्रलोचनः; श्रियोपपन्नः सुहृदा सुरर्षिणा ॥
रथेन हर्यश्वयुजा सुरर्षभः; सदः सुराणाम् अभिसत्कृतो ययौ ॥
अथेङ्गितं वज्रधरस्य नारदः; श्रियाश् च देव्या मनसा विचारयन् ॥
श्रियै शशंसामरदृष्टपौरुषः; शिवेन तत्रागमनं महर्द्धिमत् ॥
ततो ऽमृतं द्यौः प्रववर्ष भास्वती; पितामहस्यायतने स्वयंभुवः ॥
अनाहता दुन्दुभयश् च नेदिरे; तथा प्रसन्नाश् च दिशश् चकाशिरे ॥
यथर्तु सस्येषु ववर्ष वासवो; न धर्ममार्गाद् विचचाल कश् चन ॥
अनेकरत्नाकरभूषणा च भूः; सुघोषघोषा भुवनौकसां जये ॥
क्रियाभिरामा मनुजा यशस्विनो; बभुः शुभे पुण्यकृतां पथि स्थिताः ॥
नरामराः किंनरयक्षराक्षसाः; समृद्धिमन्तः सुखिनो यशस्विनः ॥
न जात्व् अकाले कुसुमं कुतः फलं; पपात वृक्षात् पवनेरिताद् अपि ॥
रसप्रदाः कामदुघाश् च धेनवो; न दारुणा वाग् विचचार कस्य चित् ॥
इमां सपर्यां सह सर्वकामदैः; श्रियाश् च शक्रप्रमुखैश् च दैवतैः ॥
पठन्ति ये विप्रसदः समागमे; समृद्धकामाः श्रियम् आप्नुवन्ति ते ॥
त्वया कुरूणां वर यत् प्रचोदितं; भवाभवस्येह परं निदर्शनम् ॥
तद् अद्य सर्वं परिकीर्तितं मया; परीक्ष्य तत्त्वं परिगन्तुम् अर्हसि ॥
bhīṣma uvāca
ity uktavacanāṃ devīm atyarthaṃ tau nanandatuḥ ||
nāradaś ca trilokarṣir vṛtrahantā ca vāsavaḥ ||
tato 'nalasakho vāyuḥ pravavau devaveśmasu ||
iṣṭagandhaḥ sukhasparśaḥ sarvendriyasukhāvahaḥ ||
śucau cābhyarcite deśe tridaśāḥ prāyaśaḥ sthitāḥ ||
lakṣmyā sahitam āsīnaṃ maghavantaṃ didṛkṣavaḥ ||
tato divaṃ prāpya sahasralocanaḥ; śriyopapannaḥ suhṛdā surarṣiṇā ||
rathena haryaśvayujā surarṣabhaḥ; sadaḥ surāṇām abhisatkṛto yayau ||
atheṅgitaṃ vajradharasya nāradaḥ; śriyāś ca devyā manasā vicārayan ||
śriyai śaśaṃsāmaradṛṣṭapauruṣaḥ; śivena tatrāgamanaṃ maharddhimat ||
tato 'mṛtaṃ dyauḥ pravavarṣa bhāsvatī; pitāmahasyāyatane svayaṃbhuvaḥ ||
anāhatā dundubhayaś ca nedire; tathā prasannāś ca diśaś cakāśire ||
yathartu sasyeṣu vavarṣa vāsavo; na dharmamārgād vicacāla kaś cana ||
anekaratnākarabhūṣaṇā ca bhūḥ; sughoṣaghoṣā bhuvanaukasāṃ jaye ||
kriyābhirāmā manujā yaśasvino; babhuḥ śubhe puṇyakṛtāṃ pathi sthitāḥ ||
narāmarāḥ kiṃnarayakṣarākṣasāḥ; samṛddhimantaḥ sukhino yaśasvinaḥ ||
na jātv akāle kusumaṃ kutaḥ phalaṃ; papāta vṛkṣāt pavaneritād api ||
rasapradāḥ kāmadughāś ca dhenavo; na dāruṇā vāg vicacāra kasya cit ||
imāṃ saparyāṃ saha sarvakāmadaiḥ; śriyāś ca śakrapramukhaiś ca daivataiḥ ||
paṭhanti ye viprasadaḥ samāgame; samṛddhakāmāḥ śriyam āpnuvanti te ||
tvayā kurūṇāṃ vara yat pracoditaṃ; bhavābhavasyeha paraṃ nidarśanam ||
tad adya sarvaṃ parikīrtitaṃ mayā; parīkṣya tattvaṃ parigantum arhasi ||
Бхишма сказал: «Услышав такие слова богини, оба - Нарада, риши трёх миров, и Васава, убийца Вритры, - чрезвычайно обрадовались. Тогда в обителях богов повеял Ваю, друг Огня, благоуханный и приятный на ощупь, приносящий радость всем чувствам. Почти все боги собрались в чистом и почтённом месте, желая увидеть Магхавана, сидящего вместе с Лакшми. Затем Тысячеглазый, соединённый со Шри и своим другом дева-риши, на колеснице, запряжённой рыжими конями, почтённый, вошёл в собрание богов. Нарада, обдумав намерение держателя ваджры и богини Шри, возвестил ей, что её приход туда благ и несёт великое процветание. Тогда сияющее небо пролило амриту в обители Самосущего Питамахи, сами собой зазвучали небесные барабаны, и стороны света стали ясными и сияющими. Васава своевременно проливал дождь на посевы; никто не сходил с пути дхармы; земля, украшенная многими рудниками драгоценностей, наполнилась добрыми звуками победы жителей миров. Люди, радующие обрядами и славные, стали на благом пути добродетельных; люди, боги, кимнары, якши и ракшасы были процветающими, счастливыми и славными. Никогда не падал с дерева цветок не в своё время, тем более плод, даже когда дерево шевелил ветер; коровы давали соки и исполняли желания, и ничья речь не была жестокой. Те, кто читают это почитание Шри с Шакрой и божествами, дарующими все желания, в собрании брахманов, обретают процветание и исполнение желаний. Ты, лучший из Куру, спросил о высшем указании на бытие и небытие, на подъём и падение; сегодня я всё это рассказал. Исследовав сущность, ты должен понять её».
42fece6f8ab9 · 发布于 2026年6月21日 09:42:11 UTC
可用语言RU用方向键翻颂
Когда Шри возвращается к богам, космос снова становится согласованным: дождь приходит вовремя, речь смягчается, дхарма удерживает людей на пути. Завершение возвращает нас к вопросу Юдхиштхиры: признаки будущего состояния читаются в качествах ума и общества.