भूतानां जन्म सर्वेषां विविधानां चतुर्विधम् ॥
जराय्वण्डम् अथोद्भेदं स्वेदं चाप्य् उपलक्षयेत् ॥
स्थावरेभ्यो विशिष्टानि जङ्गमान्य् उपलक्षयेत् ॥
उपपन्नं हि यच् चेष्टा विशिष्येत विशेष्ययोः ॥
आहुर् द्विबहुपादानि जङ्गमानि द्वयानि च ॥
बहुपाद्भ्यो विशिष्टानि द्विपादानि बहून्य् अपि ॥
द्विपदानि द्वयान्य् आहुः पार्थिवानीतराणि च ॥
पार्थिवानि विशिष्टानि तानि ह्य् अन्नानि भुञ्जते ॥
पार्थिवानि द्वयान्य् आहुर् मध्यमान्य् उत्तमानि च ॥
मध्यमानि विशिष्टानि जातिधर्मोपधारणात् ॥
मध्यमानि द्वयान्य् आहुर् धर्मज्ञानीतराणि च ॥
धर्मज्ञानि विशिष्टानि कार्याकार्योपधारणात् ॥
धर्मज्ञानि द्वयान्य् आहुर् वेदज्ञानीतराणि च ॥
वेदज्ञानि विशिष्टानि वेदो ह्य् एषु प्रतिष्ठितः ॥
वेदज्ञानि द्वयान्य् आहुः प्रवक्तॄणीतराणि च ॥
प्रवक्तॄणि विशिष्टानि सर्वधर्मोपधारणात् ॥
bhūtānāṃ janma sarveṣāṃ vividhānāṃ caturvidham ||
jarāyvaṇḍam athodbhedaṃ svedaṃ cāpy upalakṣayet ||
sthāvarebhyo viśiṣṭāni jaṅgamāny upalakṣayet ||
upapannaṃ hi yac ceṣṭā viśiṣyeta viśeṣyayoḥ ||
āhur dvibahupādāni jaṅgamāni dvayāni ca ||
bahupādbhyo viśiṣṭāni dvipādāni bahūny api ||
dvipadāni dvayāny āhuḥ pārthivānītarāṇi ca ||
pārthivāni viśiṣṭāni tāni hy annāni bhuñjate ||
pārthivāni dvayāny āhur madhyamāny uttamāni ca ||
madhyamāni viśiṣṭāni jātidharmopadhāraṇāt ||
madhyamāni dvayāny āhur dharmajñānītarāṇi ca ||
dharmajñāni viśiṣṭāni kāryākāryopadhāraṇāt ||
dharmajñāni dvayāny āhur vedajñānītarāṇi ca ||
vedajñāni viśiṣṭāni vedo hy eṣu pratiṣṭhitaḥ ||
vedajñāni dvayāny āhuḥ pravaktṝṇītarāṇi ca ||
pravaktṝṇi viśiṣṭāni sarvadharmopadhāraṇāt ||
«Рождение всех разнообразных существ бывает четырёх видов: из утробы, из яйца, из ростка и из влаги. Движущихся следует считать выше неподвижных, потому что там, где есть движение, есть особое превосходство. Среди движущихся называют двуногих и многоногих; двуногие, хотя их много, выше многоногих. Двуногих называют двух видов: земные и иные; земные выше, потому что питаются пищей. Земных называют средними и высшими; средние выше благодаря удержанию родовой дхармы. Средних называют двух видов: знающие дхарму и прочие; знающие дхарму выше, потому что различают должное и недолжное. Знающих дхарму называют двух видов: знающие Веду и прочие; знающие Веду выше, потому что Веда утверждена в них. Знающих Веду называют двух видов: учители и прочие; учители выше, потому что удерживают все дхармы».
50c5eb49269a · 发布于 2026年6月21日 01:59:04 UTC
可用语言RU用方向键翻颂
Иерархия строится не на внешней силе, а на степени сознательности: движение, различение, дхарма, Веда и способность передавать знание.