एवं ब्रुवति देवेन्द्रे कौरवेन्द्रं युधिष्ठिरम् ॥
धर्मो विग्रहवान् साक्षाद् उवाच सुतम् आत्मनः ॥
भो भो राजन् महाप्राज्ञ प्रीतो ऽस्मि तव पुत्रक ॥
मद्भक्त्या सत्यवाक्येन क्षमया च दमेन च ॥
एषा तृतीया जिज्ञासा तव राजन् कृता मया ॥
न शक्यसे चालयितुं स्वभावात् पार्थ हेतुभिः ॥
पूर्वं परीक्षितो हि त्वम् आसीर् द्वैतवनं प्रति ॥
अरणीसहितस्यार्थे तच् च निस्तीर्णवान् असि ॥
सोदर्येषु विनष्टेषु द्रौपद्यां तत्र भारत ॥
श्वरूपधारिणा पुत्र पुनस् त्वं मे परीक्षितः ॥
इदं तृतीयं भ्रातॄणाम् अर्थे यत् स्थातुम् इच्छसि ॥
विशुद्धो ऽसि महाभाग सुखी विगतकल्मषः ॥
न च ते भ्रातरः पार्थ नरकस्था विशां पते ॥
मायैषा देवराजेन महेन्द्रेण प्रयोजिता ॥
अवश्यं नरकस् तात द्रष्टव्यः सर्वराजभिः ॥
ततस् त्वया प्राप्तम् इदं मुहूर्तं दुःखम् उत्तमम् ॥
न सव्यसाची भीमो वा यमौ वा पुरुषर्षभौ ॥
कर्णो वा सत्यवाक् शूरो नरकार्हाश् चिरं नृप ॥
न कृष्णा राजपुत्री च नरकार्हा युधिष्ठिर ॥
एह्य् एहि भरतश्रेष्ठ पश्य गङ्गां त्रिलोकगाम् ॥
एवम् उक्तः स राजर्षिस् तव पूर्वपितामहः ॥
जगाम सह धर्मेण सर्वैश् च त्रिदशालयैः ॥
गङ्गां देवनदीं पुण्यां पावनीम् ऋषिसंस्तुताम् ॥
अवगाह्य तु तां राजा तनुं तत्याज मानुषीम् ॥
ततो दिव्यवपुर् भूत्वा धर्मराजो युधिष्ठिरः ॥
निर्वैरो गतसंतापो जले तस्मिन् समाप्लुतः ॥
ततो ययौ वृतो देवैः कुरुराजो युधिष्ठिरः ॥
धर्मेण सहितो धीमान् स्तूयमानो महर्षिभिः ॥
evaṃ bruvati devendre kauravendraṃ yudhiṣṭhiram ||
dharmo vigrahavān sākṣād uvāca sutam ātmanaḥ ||
bho bho rājan mahāprājña prīto 'smi tava putraka ||
madbhaktyā satyavākyena kṣamayā ca damena ca ||
eṣā tṛtīyā jijñāsā tava rājan kṛtā mayā ||
na śakyase cālayituṃ svabhāvāt pārtha hetubhiḥ ||
pūrvaṃ parīkṣito hi tvam āsīr dvaitavanaṃ prati ||
araṇīsahitasyārthe tac ca nistīrṇavān asi ||
sodaryeṣu vinaṣṭeṣu draupadyāṃ tatra bhārata ||
śvarūpadhāriṇā putra punas tvaṃ me parīkṣitaḥ ||
idaṃ tṛtīyaṃ bhrātṝṇām arthe yat sthātum icchasi ||
viśuddho 'si mahābhāga sukhī vigatakalmaṣaḥ ||
na ca te bhrātaraḥ pārtha narakasthā viśāṃ pate ||
māyaiṣā devarājena mahendreṇa prayojitā ||
avaśyaṃ narakas tāta draṣṭavyaḥ sarvarājabhiḥ ||
tatas tvayā prāptam idaṃ muhūrtaṃ duḥkham uttamam ||
na savyasācī bhīmo vā yamau vā puruṣarṣabhau ||
karṇo vā satyavāk śūro narakārhāś ciraṃ nṛpa ||
na kṛṣṇā rājaputrī ca narakārhā yudhiṣṭhira ||
ehy ehi bharataśreṣṭha paśya gaṅgāṃ trilokagām ||
evam uktaḥ sa rājarṣis tava pūrvapitāmahaḥ ||
jagāma saha dharmeṇa sarvaiś ca tridaśālayaiḥ ||
gaṅgāṃ devanadīṃ puṇyāṃ pāvanīm ṛṣisaṃstutām ||
avagāhya tu tāṃ rājā tanuṃ tatyāja mānuṣīm ||
tato divyavapur bhūtvā dharmarājo yudhiṣṭhiraḥ ||
nirvairo gatasaṃtāpo jale tasmin samāplutaḥ ||
tato yayau vṛto devaiḥ kururājo yudhiṣṭhiraḥ ||
dharmeṇa sahito dhīmān stūyamāno maharṣibhiḥ ||
Когда царь богов говорил так Юдхиштхире, владыке Кауравов, Дхарма, имеющий тело, прямо сказал своему сыну: «О, о царь, великий мудрец, я доволен тобой, сынок, твоей преданностью мне, истинным словом, терпением и самообузданием. Это третье испытание, о царь, было сделано мной. Тебя невозможно сдвинуть с твоей природы никакими доводами, Партха. Прежде ты был испытан у Двайтаваны ради арани, и ты это преодолел. Когда погибли твои родные братья и Драупади, о Бхарата, ты, сын, снова был испытан мной в облике собаки. Это третье испытание — что ты пожелал остаться ради братьев. Ты чист, о великоудельный, счастлив, лишённый скверны. Твои братья, Партха, не находятся в аду, о владыка людей; это майя была применена царём богов Махендрой. Ад, о дорогой, неизбежно должен быть увиден всеми царями; поэтому тобой было пережито это краткое высшее страдание. Ни Савьясачин, ни Бхима, ни два близнеца, эти быки среди людей, ни Карна, правдоречивый герой, не достойны долгого ада, о царь; и царевна Кришна не достойна ада, Юдхиштхира. Иди, иди, лучший Бхарата, увидь Гангу, текущую через три мира». Так сказано, и царственный риши, твой предок, пошёл вместе с Дхармой и всеми обитателями тридцати небес. Погрузившись в святую божественную реку Гангу, очищающую и восхвалённую риши, царь оставил человеческое тело. Затем Дхармараджа Юдхиштхира, став божественнотелым, свободным от вражды и жара, омылся в той воде. После этого царь Куру Юдхиштхира, окружённый богами, соединённый с Дхармой, мудрый, прославляемый великими риши, пошёл дальше.
8cd5723cae20 · 发布于 2026年6月21日 15:51:55 UTC
可用语言RU用方向键翻颂
Дхарма подводит итог трём испытаниям Юдхиштхиры: озеро якши, собака на пути к небу и выбор ада ради братьев. Во всех случаях его нельзя сдвинуть с природы милосердной правды. Он не становится праведным от похвалы богов; боги лишь раскрывают то, что было в нём. Омовение в небесной Ганге завершает человеческую драму: остаётся не вражда и скорбь, а чистая дхарма. Стихи учат, что истинная природа проверяется там, где можно оправдать отказ от сострадания, но праведник не отступает.