मेधावनं समासाद्य पितृदेवांश्च तर्पयेत् । अग्निष्टोममाप्नोति स्मृतिं मेधां च विन्दति
ततः कालञ्जरे गत्वा गोसहस्रफलं लभेत् । आत्मानं साधयेत्तत्र गिरौ कालञ्जरे नृप
स्वर्गलोके महीयेत नरो नास्त्यत्र संशयः । ततो गिरिवरश्रेष्ठे चित्रकूटे विशांपते
मन्दाकिनीं समासाद्य नदीं पापविमोचनीम् । अत्राभिषेकं कुर्वाणः पितृदेवार्चने रतः
अश्वमेधमवाप्नोति गतिं च परमां व्रजेत् । ततो गच्छेत राजेन्द्र गुहस्थानमनुत्तमम्
यत्र देवो महासेनो नित्यं सन्निहितो नृप । पुमांस्तत्र नरश्रेष्ठ गमनादेव सिध्यति
कोटितीर्थे नरः स्नात्वा गोसहस्रफलं लभेत् । प्रदक्षिणमुपावृत्य शिवस्थानं ब्रजेन्नरः
अभिगम्य महादेवं विराजति यथा शशी । तत्र कूपो महाराज विश्रुतो भरतर्षभ
समुद्रा यत्र चत्वारो निवसन्ति युधिष्ठिर । तत्रोपस्पृश्य राजेन्द्र कृत्वा चापि प्रदक्षिणम्
नियतात्मा नरः पूतो गच्छेत परमां गतिम् । ततो गच्छेत्कुरुश्रेष्ठ शृङ्गवेरपुरं महत्
यत्र तीर्णो महाप्राज्ञो रामो दाशरथिः पुरा । गङ्गायां तु नरः स्नात्वा ब्रह्मचारी जितेन्द्रियः
विधूतपाप्मा भवति वाजपेयं च विन्दति । ततो मुञ्जवटं गच्छेत्स्थानं देवस्य धीमतः
अभिगम्य महादेवमभ्यर्च्य च नराधिप । प्रदक्षिणमुपावृत्य गाणपत्यमवाप्नुयात्
medhāvanaṃ samāsādya pitṛdevāṃśca tarpayet | agniṣṭomamāpnoti smṛtiṃ medhāṃ ca vindati
tataḥ kālañjare gatvā gosahasraphalaṃ labhet | ātmānaṃ sādhayettatra girau kālañjare nṛpa
svargaloke mahīyeta naro nāstyatra saṃśayaḥ | tato girivaraśreṣṭhe citrakūṭe viśāṃpate
mandākinīṃ samāsādya nadīṃ pāpavimocanīm | atrābhiṣekaṃ kurvāṇaḥ pitṛdevārcane rataḥ
aśvamedhamavāpnoti gatiṃ ca paramāṃ vrajet | tato gaccheta rājendra guhasthānamanuttamam
yatra devo mahāseno nityaṃ sannihito nṛpa | pumāṃstatra naraśreṣṭha gamanādeva sidhyati
koṭitīrthe naraḥ snātvā gosahasraphalaṃ labhet | pradakṣiṇamupāvṛtya śivasthānaṃ brajennaraḥ
abhigamya mahādevaṃ virājati yathā śaśī | tatra kūpo mahārāja viśruto bharatarṣabha
samudrā yatra catvāro nivasanti yudhiṣṭhira | tatropaspṛśya rājendra kṛtvā cāpi pradakṣiṇam
niyatātmā naraḥ pūto gaccheta paramāṃ gatim | tato gacchetkuruśreṣṭha śṛṅgaverapuraṃ mahat
yatra tīrṇo mahāprājño rāmo dāśarathiḥ purā | gaṅgāyāṃ tu naraḥ snātvā brahmacārī jitendriyaḥ
vidhūtapāpmā bhavati vājapeyaṃ ca vindati | tato muñjavaṭaṃ gacchetsthānaṃ devasya dhīmataḥ
abhigamya mahādevamabhyarcya ca narādhipa | pradakṣiṇamupāvṛtya gāṇapatyamavāpnuyāt
«Достигнув леса Медхаваны, пусть насытит предков и богов: он обретает агништому и получает память и разум. Затем, придя в Каланджару, он получит плод тысячи коров; пусть возделает там себя, на горе Каланджаре, о царь, — человек возвеличится в мире небес, нет здесь сомнения. Затем — на лучшей из великих гор, на Читракуте, о владыка народов, — достигнув Мандакини, реки, избавляющей от греха, и совершая здесь омовение, усердный в почитании предков и богов, он обретает ашвамедху и достигнет высшей цели. Затем пусть идёт, о царь царей, к непревзойдённому месту Гухи, где всегда пребывает рядом бог Махасена, о царь: там мужчина, о лучший из людей, достигает совершенства одним лишь приходом. Омывшись в Коти-тиртхе, человек получит плод тысячи коров; совершив обход, пусть идёт к месту Шивы. Придя к Махадеве, он сияет, как луна. Там колодец, о великий царь, прославленный, о бык среди Бхаратов, где обитают четыре океана, о Юдхиштхира. Коснувшись там воды, о царь царей, и совершив обход, сдержанный душою человек, очищенный, достигнет высшей цели. Затем пусть идёт, о лучший из Куру, в великую Шрингаверапуру».
bc24fa4983b6 · 发布于 2026年9月3日 04:13:41 UTC
可用语言RU用方向键翻颂
«Пусть возделает там себя» — глагол взят из земледелия, и это не случайность. Тиртха не работает за человека: она даёт поле, а пахать приходится самому. Оттого рядом и стоит награда «память и разум» — не небеса, а способность думать. Из всех даров этот единственный нельзя получить, ничего не сделав.