द्विज उवाच
ततो महानभूत्तत्र विस्मयो वागगोचरः । मानसे भूमिपालस्य पौराणामपि पश्यताम् ॥
समाहूय ततो राजा फुल्लराजीवलोचनः । तमपृच्छद्द्विजं वाहादवतीर्य प्रणम्य च ॥
अलौकिकमिदं विप्र त्वयाद्याचरितं महत् । कृतान्तकल्पादेतस्मात्कथं निर्यातवान्गजात् ॥
कमर्चयसि गीर्वाणं कं मन्त्रं जपसि प्रभो । का च सिद्धिस्तवास्तीति द्विजन्मन्समुदीरय ॥
गीतायाः षोडशाध्यायश्लोकान्कतिपयानहम् । जपामि प्रत्यहं भूप तेनैताः सर्वसिद्धयः ॥
ततो विहाय द्विरदं कौतूहलरसं नृपः । आजगाम द्विजन्मानमादाय निजमन्दिरम् ॥
शुभं मुहूर्तमन्वीक्ष्य तोषयित्वा द्विजोत्तमम् । सुवर्णैर्लक्षसङ्ख्याकैर्गीतामन्त्रमुपाददे ॥
tato mahānabhūttatra vismayo vāgagocaraḥ | mānase bhūmipālasya paurāṇāmapi paśyatām ||
samāhūya tato rājā phullarājīvalocanaḥ | tamapṛcchaddvijaṃ vāhādavatīrya praṇamya ca ||
alaukikamidaṃ vipra tvayādyācaritaṃ mahat | kṛtāntakalpādetasmātkathaṃ niryātavāngajāt ||
kamarcayasi gīrvāṇaṃ kaṃ mantraṃ japasi prabho | kā ca siddhistavāstīti dvijanmansamudīraya ||
gītāyāḥ ṣoḍaśādhyāyaślokānkatipayānaham | japāmi pratyahaṃ bhūpa tenaitāḥ sarvasiddhayaḥ ||
tato vihāya dviradaṃ kautūhalarasaṃ nṛpaḥ | ājagāma dvijanmānamādāya nijamandiram ||
śubhaṃ muhūrtamanvīkṣya toṣayitvā dvijottamam | suvarṇairlakṣasaṅkhyākairgītāmantramupādade ||
Тогда в уме царя и у смотревших горожан настало великое, неизреченное изумление. Царь с очами, как раскрытые лотосы, призвал того брахмана, сошёл с коня, поклонился и спросил: «Неземное и великое совершено тобою ныне, о брахман: как ты вышел от этого слона, подобного самому Концу? Какого бога ты чтишь, какую мантру читаешь, о господин, и какое совершенство у тебя есть? Изреки, о дваждырождённый». — «Я ежедневно читаю несколько стихов шестнадцатой главы Гиты, о царь; тем и все эти совершенства». Тогда царь, оставив слона и охоту глазеть, взял брахмана и пришёл в свой дворец; выждав благой час и ублаготворив лучшего из брахманов сотней тысяч золотых, он принял мантру Гиты.
9e0ff772fcee · 发布于 2026年9月3日 04:14:03 UTC
可用语言RU用方向键翻颂
Царь сходит с коня и кланяется прежде, чем спросить. И на вопрос о мантре и совершенствах слышит будничное: читаю несколько стихов каждый день.