एवमाकर्ण्य वचनं तस्याहं पितुरात्मनः । अवदं विष्णुशर्मंस्त्वं तन्निशामय तत्त्वतः
अयं जनो दुराराध्यः कथयिष्यति नौ यशः । दुष्टः कुटुम्बादुद्विज्य निःसृत्य गत इत्यपि
इयं विष्णुपदी तात भुवनत्रयपावनी । स्मृता हरत्यघं दूरात्कस्मादेनां विमुञ्चसि
पापकारी जनस्तात म्रियते मगधे तु यः । सोऽप्यस्थिपाताद्गङ्गायां स्वर्याति त्यज्य चाशुभम्
पुत्राः षष्टिसहस्राणि सगरस्य महात्मनः । कपिलक्रोधनिर्दग्धा गता यत्स्पर्शनाद्दिवम्
तामिमां त्रिदिवश्रेणीं मुक्तेरपि विधायिनीम् । मुमुक्षुसेवितां तात मुक्त्वा मान्यत्र गम्यताम्
मावजानीहि सामीप्ये गङ्गां त्रिदशमानिताम् । यदिच्छसि महाभाग सेवितैषा प्रदास्यति
तिर्यञ्चोऽपि विना ज्ञानाज्जले चेत्स्युर्गतासवः । भवेयुस्तर्हि ते ब्रह्म सा कथं त्यज्यते त्वया
निशम्यैतद्वचस्तातस्ततो मम ऋतप्रियः । उवास सदने सर्वविषयेभ्यः पराङ्मुखः
त्रिषु कालेषु गङ्गायां प्रत्यहं स्नानमाचरन् । पुराणं स्याद्गृहे यत्र तत्र याति स नित्यशः
एकदाकर्णयन्धीरो यमुनातीर्थगौरवम् । तत्र शुश्राव माहात्म्यमस्य तीर्थस्य पुत्र सः
अविमुक्तहरिद्वारप्रयागेभ्यश्च पुष्करात् । अयोध्याद्वारिकाकाञ्चीमथुराभ्यस्तथान्यतः
सर्वतीर्थमयस्यास्य पुण्यं शतगुणाधिकम् । कथितं तेन विदुषा सुतेनाकर्ण्य मत्पिता
त्यक्त्वा गृहमगादत्र तीर्थे सर्वैरलक्षितः । आवामिव महाभागो गोविन्दपदसेवकः
evamākarṇya vacanaṃ tasyāhaṃ piturātmanaḥ | avadaṃ viṣṇuśarmaṃstvaṃ tanniśāmaya tattvataḥ
ayaṃ jano durārādhyaḥ kathayiṣyati nau yaśaḥ | duṣṭaḥ kuṭumbādudvijya niḥsṛtya gata ityapi
iyaṃ viṣṇupadī tāta bhuvanatrayapāvanī | smṛtā haratyaghaṃ dūrātkasmādenāṃ vimuñcasi
pāpakārī janastāta mriyate magadhe tu yaḥ | so'pyasthipātādgaṅgāyāṃ svaryāti tyajya cāśubham
putrāḥ ṣaṣṭisahasrāṇi sagarasya mahātmanaḥ | kapilakrodhanirdagdhā gatā yatsparśanāddivam
tāmimāṃ tridivaśreṇīṃ mukterapi vidhāyinīm | mumukṣusevitāṃ tāta muktvā mānyatra gamyatām
māvajānīhi sāmīpye gaṅgāṃ tridaśamānitām | yadicchasi mahābhāga sevitaiṣā pradāsyati
tiryañco'pi vinā jñānājjale cetsyurgatāsavaḥ | bhaveyustarhi te brahma sā kathaṃ tyajyate tvayā
niśamyaitadvacastātastato mama ṛtapriyaḥ | uvāsa sadane sarvaviṣayebhyaḥ parāṅmukhaḥ
triṣu kāleṣu gaṅgāyāṃ pratyahaṃ snānamācaran | purāṇaṃ syādgṛhe yatra tatra yāti sa nityaśaḥ
ekadākarṇayandhīro yamunātīrthagauravam | tatra śuśrāva māhātmyamasya tīrthasya putra saḥ
avimuktaharidvāraprayāgebhyaśca puṣkarāt | ayodhyādvārikākāñcīmathurābhyastathānyataḥ
sarvatīrthamayasyāsya puṇyaṃ śataguṇādhikam | kathitaṃ tena viduṣā sutenākarṇya matpitā
tyaktvā gṛhamagādatra tīrthe sarvairalakṣitaḥ | āvāmiva mahābhāgo govindapadasevakaḥ
Услышав это слово своего отца, я сказал — услышь, о Вишнушарман, как оно было: «Этот народ трудно ублажить: он ославит нас обоих, сказав, что негодяй, тяготясь семьёй, ушёл прочь. Вот Вишнупади, отец, очищающая три мира; вспомянутая издали, она уносит грех — зачем же ты её оставляешь? Даже грешник, отец, что умирает в Магадхе, если кость его упадёт в Гангу, идёт на небо, оставив зло. Шестьдесят тысяч сыновей великого душою Сагары, сожжённых гневом Капилы, ушли на небо от одного её касания. Эту лестницу на небо, дарующую и освобождение, чтимую жаждущими освобождения, — оставив её, отец, не уходи в иное место. Не пренебрегай Гангой, что рядом, чтимой богами: чего пожелаешь, о великий долею, то она, почитаемая, и даст. Если даже животные, без всякого знания, испустят дух в её воде, они станут Брахманом; как же ты её оставляешь?» Услышав это слово, отец мой, любящий правду, остался жить дома, отвратившись от всех предметов, ежедневно совершая омовение в Ганге в три времени; и куда бы в доме ни читали пурану, туда он шёл всякий день. Однажды, стойкий, слушая о величии тиртхи на Ямуне, он услышал там, сын, о величии этой тиртхи: что заслуга от неё, вмещающей все тиртхи, во сто крат превышает заслугу от Авимукты, Харидвара, Праяги, Пушкары, Айодхьи, Двараки, Канчи, Матхуры и прочих. Услышав это, сказанное тем учёным сыном, мой отец оставил дом и ушёл сюда, в эту тиртху, никем не замеченный, — великий долею служитель стоп Говинды, как и мы с тобою.
8c70a638c2d9 · 发布于 2026年9月3日 04:14:04 UTC
可用语言RU用方向键翻颂
Сын удерживает отца лучшим доводом, какой знает: рядом Ганга, зачем идти за тридевять земель. И отец соглашается — а уходит потом всё равно, но уже не от семьи, а услышав о месте, которое сын сам ему и назвал.