ललाटे दृश्यते यस्य गङ्गासैकतमुत्तमम् । स पुण्यात्मा जगत्सर्वं पुनाति नात्र संशयः ॥
गङ्गातीरात्समायान्तं यः पश्येत्परमादरात् । सोऽश्वमेधसहस्रस्य फलं प्राप्नोति मानवः ॥
गङ्गातीरमहं यामि त्वमागच्छेति वक्ति यः । तस्य विष्णुः प्रसन्नात्मा सर्वान्कामान्प्रयच्छति ॥ गङ्गेति नाम संस्मृत्य यस्तु कूपजलेऽपि च । करोति मानवः स्नानं गङ्गास्नानफलं लभेत् ॥
गङ्गाम्भःशीकरं यस्तु सम्मितं सर्षपस्य च । प्राप्नोति मृत्युकाले तु स गच्छेत्परमं पदम् ॥
अत्रैव शृणु विप्रर्षे इतिहासं पुरातनम् । यस्य श्रवणमात्रेण गङ्गादेवी प्रसीदति ॥
आसीत्त्रेतायुगे विप्रो धर्मस्वो नाम धार्मिकः । शान्तो दान्तो दयायुक्तो वेदवेदाङ्गपारगः ॥
सत्यवादी क्रोधहीनो हिंसाहीनो जितेन्द्रियः । सर्वभूतहितैषी च योगाभ्यासरतः सदा ॥
lalāṭe dṛśyate yasya gaṅgāsaikatamuttamam | sa puṇyātmā jagatsarvaṃ punāti nātra saṃśayaḥ ||
gaṅgātīrātsamāyāntaṃ yaḥ paśyetparamādarāt | so'śvamedhasahasrasya phalaṃ prāpnoti mānavaḥ ||
gaṅgātīramahaṃ yāmi tvamāgaccheti vakti yaḥ | tasya viṣṇuḥ prasannātmā sarvānkāmānprayacchati || gaṅgeti nāma saṃsmṛtya yastu kūpajale'pi ca | karoti mānavaḥ snānaṃ gaṅgāsnānaphalaṃ labhet ||
gaṅgāmbhaḥśīkaraṃ yastu sammitaṃ sarṣapasya ca | prāpnoti mṛtyukāle tu sa gacchetparamaṃ padam ||
atraiva śṛṇu viprarṣe itihāsaṃ purātanam | yasya śravaṇamātreṇa gaṅgādevī prasīdati ||
āsīttretāyuge vipro dharmasvo nāma dhārmikaḥ | śānto dānto dayāyukto vedavedāṅgapāragaḥ ||
satyavādī krodhahīno hiṃsāhīno jitendriyaḥ | sarvabhūtahitaiṣī ca yogābhyāsarataḥ sadā ||
У кого на лбу видится высший песок Ганги, тот, благой душою, очищает весь мир, здесь нет сомнения. Кто с высшим почтением увидит приходящего с берега Ганги, тот человек обретает плод тысячи ашвамедх. Кто говорит: «Я иду на берег Ганги, приходи и ты», — тому Вишну, милостивый душою, дарует все желанные блага. Кто, вспомнив имя «Ганга», творит омовение хотя бы и в колодезной воде, тот человек обретает плод омовения в Ганге. Кто в час смерти обретает брызгу воды Ганги величиною с горчичное зерно, тот идёт в высшую обитель. Слушай здесь же, о провидец-брахман, древнее предание, одним лишь слушанием которого богиня Ганга становится милостива. В трету-югу был праведный брахман по имени Дхармасва — умиротворённый, обузданный, исполненный милосердия, постигший Веды и веданги до конца; правдоречивый, лишённый гнева и насилия, победивший чувства, желающий блага всем существам и всегда преданный упражнению в йоге.
cdade74b1376 · 发布于 2026年9月3日 04:14:08 UTC
可用语言RU用方向键翻颂
Плод обещан даже колодезной воде, если названо имя. Вода при этом остаётся колодезной; меняется не она, а то, с чем к ней подошли.