स लम्बशिखरे लम्बे लम्बतोयदसंनिभे । सत्त्वम् आस्थाय मेधावी हनुमान् मारुतात्मजः ॥
निशि लङ्कां महासत्त्वो विवेश कपिकुञ्जरः । रम्यकाननतोयाढ्यां पुरीं रावणपालिताम् ॥
शारदाम्बुधरप्रख्यैर् भवनैर् उपशोभिताम् । सागरोपमनिर्घोषां सागरानिलसेविताम् ॥
सुपुष्टबलसंगुप्तां यथैव विटपावतीम् । चारुतोरणनिर्यूहां पाण्डुरद्वारतोरणाम् ॥
भुजगाचरितां गुप्तां शुभां भोगवतीम् इव । तां सविद्युद्घनाकीर्णां ज्योतिर्मार्गनिषेविताम् ॥
चण्डमारुतनिर्ह्रादां यथेन्द्रस्यामरावतीम् । शातकुम्भेन महता प्राकारेणाभिसंवृताम् ॥
किङ्किणीजालघोषाभिः पताकाभिर् अलंकृताम् । आसाद्य सहसा हृष्टः प्राकारम् अभिपेदिवान् ॥
विस्मयाविष्टहृदयः पुरीम् आलोक्य सर्वतः । जाम्बूनदमयैर् द्वारैर् वैदूर्यकृतवेदिकैः ॥
मणिस्फटिक मुक्ताभिर् मणिकुट्टिमभूषितैः । तप्तहाटकनिर्यूहै राजतामलपाण्डुरैः ॥
वैदूर्यतलसोपानैः स्फाटिकान्तरपांसुभिः । चारुसंजवनोपेतैः खम् इवोत्पतितैः शुभैः ॥
क्रौञ्चबर्हिणसंघुष्टे राजहंसनिषेवितैः । तूर्याभरणनिर्घोषैः सर्वतः प्रतिनादिताम् ॥
वस्वोकसाराप्रतिमां समीक्ष्य नगरीं ततः । खम् इवोत्पतितां लङ्कां जहर्ष हनुमान् कपिः ॥
sa lambaśikhare lambe lambatoyadasaṃnibhe | sattvam āsthāya medhāvī hanumān mārutātmajaḥ ||
niśi laṅkāṃ mahāsattvo viveśa kapikuñjaraḥ | ramyakānanatoyāḍhyāṃ purīṃ rāvaṇapālitām ||
śāradāmbudharaprakhyair bhavanair upaśobhitām | sāgaropamanirghoṣāṃ sāgarānilasevitām ||
supuṣṭabalasaṃguptāṃ yathaiva viṭapāvatīm | cārutoraṇaniryūhāṃ pāṇḍuradvāratoraṇām ||
bhujagācaritāṃ guptāṃ śubhāṃ bhogavatīm iva | tāṃ savidyudghanākīrṇāṃ jyotirmārganiṣevitām ||
caṇḍamārutanirhrādāṃ yathendrasyāmarāvatīm | śātakumbhena mahatā prākāreṇābhisaṃvṛtām ||
kiṅkiṇījālaghoṣābhiḥ patākābhir alaṃkṛtām | āsādya sahasā hṛṣṭaḥ prākāram abhipedivān ||
vismayāviṣṭahṛdayaḥ purīm ālokya sarvataḥ | jāmbūnadamayair dvārair vaidūryakṛtavedikaiḥ ||
maṇisphaṭika muktābhir maṇikuṭṭimabhūṣitaiḥ | taptahāṭakaniryūhai rājatāmalapāṇḍuraiḥ ||
vaidūryatalasopānaiḥ sphāṭikāntarapāṃsubhiḥ | cārusaṃjavanopetaiḥ kham ivotpatitaiḥ śubhaiḥ ||
krauñcabarhiṇasaṃghuṣṭe rājahaṃsaniṣevitaiḥ | tūryābharaṇanirghoṣaiḥ sarvataḥ pratināditām ||
vasvokasārāpratimāṃ samīkṣya nagarīṃ tataḥ | kham ivotpatitāṃ laṅkāṃ jaharṣa hanumān kapiḥ ||
Мудрый Хануман, сын Марута, приняв твёрдость, стоял на высокой вершине Ламба, похожей на свисающую тучу. Ночью великосильный слон среди обезьян вошёл в Ланку, город, охраняемый Раваной, богатый прекрасными рощами и водами. Она была украшена зданиями, похожими на осенние облака; её шум был подобен океану, и её обдувал океанский ветер. Ланка была защищена очень сильным войском, словно Витапавати; с прекрасными арками и выступами, с белыми воротами и арками, защищённая и посещаемая змеями, прекрасная как Бхогавати. Она была подобна Амаравати Индры: полна облаков с молниями, посещаема путём светил, шумела свирепым ветром и была окружена великой золотой стеной. Украшенная флагами, звенящими сетями колокольчиков, она внезапно обрадовала Ханумана, когда он приблизился к стене. Осмотрев город со всех сторон, он был поражён изумлением: золотые ворота, вайдурьевые платформы, драгоценные полы, украшенные камнями, кристаллом и жемчугом, выступы из плавленого золота, чисто-белые как серебро, вайдурьевые этажи и лестницы, кристальные внутренние дворы и прекрасные проходы казались поднявшимися в небо. Город звучал криками журавлей и павлинов, был посещаем царскими лебедями и отовсюду отзывался звуками инструментов и украшений. Увидев Ланку, подобную обители Васу и словно взлетевшую в небо, Хануман-обезьяна возрадовался.
02ecf43f8ee5 · 发布于 2026年6月22日 00:00:00 UTC
可用语言RU用方向键翻颂
Хануман входит в Ланку без суеты и страха. Его изумление не ослабляет решимости: красота города становится частью разведки, а не причиной забыть о Сите.