शुश्राव मधुरं गीतं त्रिस्थानस्वरभूषितम् । स्त्रीणां मदसमृद्धानां दिवि चाप्सरसाम् इव ॥
शुश्राव काञ्चीनिनादं नूपुराणां च निःस्वनम् । सोपाननिनदांश् चैव भवनेषु महात्मनम् । आस्फोटितनिनादांश् च क्ष्वेडितांश् च ततस् ततः ॥
स्वाध्याय निरतांश् चैव यातुधानान् ददर्श सः । रावणस्तवसंयुक्तान् गर्जतो राक्षसान् अपि ॥
राजमार्गं समावृत्य स्थितं रक्षोबलं महत् । ददर्श मध्यमे गुल्मे राक्षसस्य चरान् बहून् ॥
दीक्षिताञ् जटिलान् मुण्डान् गोऽजिनाम्बरवाससः । दर्भमुष्टिप्रहरणान् अग्निकुण्डायुधांस् तथा ॥
कूटमुद्गरपाणींश् च दण्डायुधधरान् अपि । एकाक्षानेककर्णांश् च चलल्लम्बपयोधरान् ॥
करालान् भुग्नवक्त्रांश् च विकटान् वामनांस् तथा । धन्विनः खड्गिनश् चैव शतघ्नी मुसलायुधान् । परिघोत्तमहस्तांश् च विचित्रकवचोज्ज्वलान् ॥
नातिष्ठूलान् नातिकृशान् नातिदीर्घातिह्रस्वकान् । विरूपान् बहुरूपांश् च सुरूपांश् च सुवर्चसः ॥
शक्तिवृक्षायुधांश् चैव पट्टिशाशनिधारिणः । क्षेपणीपाशहस्तांश् च ददर्श स महाकपिः ॥
स्रग्विणस् त्व् अनुलिप्तांश् च वराभरणभूषितान् । तीक्ष्णशूलधरांश् चैव वज्रिणश् च महाबलान् ॥
शतसाहस्रम् अव्यग्रम् आरक्षं मध्यमं कपिः । प्राकारावृतम् अत्यन्तं ददर्श स महाकपिः ॥
śuśrāva madhuraṃ gītaṃ tristhānasvarabhūṣitam | strīṇāṃ madasamṛddhānāṃ divi cāpsarasām iva ||
śuśrāva kāñcīninādaṃ nūpurāṇāṃ ca niḥsvanam | sopānaninadāṃś caiva bhavaneṣu mahātmanam | āsphoṭitaninādāṃś ca kṣveḍitāṃś ca tatas tataḥ ||
svādhyāya niratāṃś caiva yātudhānān dadarśa saḥ | rāvaṇastavasaṃyuktān garjato rākṣasān api ||
rājamārgaṃ samāvṛtya sthitaṃ rakṣobalaṃ mahat | dadarśa madhyame gulme rākṣasasya carān bahūn ||
dīkṣitāñ jaṭilān muṇḍān go'jināmbaravāsasaḥ | darbhamuṣṭipraharaṇān agnikuṇḍāyudhāṃs tathā ||
kūṭamudgarapāṇīṃś ca daṇḍāyudhadharān api | ekākṣānekakarṇāṃś ca calallambapayodharān ||
karālān bhugnavaktrāṃś ca vikaṭān vāmanāṃs tathā | dhanvinaḥ khaḍginaś caiva śataghnī musalāyudhān | parighottamahastāṃś ca vicitrakavacojjvalān ||
nātiṣṭhūlān nātikṛśān nātidīrghātihrasvakān | virūpān bahurūpāṃś ca surūpāṃś ca suvarcasaḥ ||
śaktivṛkṣāyudhāṃś caiva paṭṭiśāśanidhāriṇaḥ | kṣepaṇīpāśahastāṃś ca dadarśa sa mahākapiḥ ||
sragviṇas tv anuliptāṃś ca varābharaṇabhūṣitān | tīkṣṇaśūladharāṃś caiva vajriṇaś ca mahābalān ||
śatasāhasram avyagram ārakṣaṃ madhyamaṃ kapiḥ | prākārāvṛtam atyantaṃ dadarśa sa mahākapiḥ ||
Он услышал сладкое пение женщин, полных опьянения, украшенное тремя регистрами звука, словно пение апсар в небе. Он слышал звон поясов, звук ножных браслетов, шум лестниц в домах великих, хлопки и крики отовсюду. Он увидел ятудханов, занятых священным чтением, и ракшасов, рычащих в славословии Раване. Он увидел великое войско ракшасов, окружавшее царскую дорогу, и множество разведчиков ракшаса в среднем отряде: посвящённых, с дредами, бритых, носящих коровьи шкуры, вооружённых пучками дарбхи и огненными ямами; с молотами, посохами, одноглазых, многоухих, с качающимися свисающими грудями; страшных, криволицых, уродливых и карликовых; лучников и мечников, вооружённых шатагхни и палицами, с лучшими засовами в руках, сияющих пёстрыми панцирями. Он видел не слишком толстых и не слишком худых, не слишком высоких и не слишком низких, безобразных, многообразных, красивых и сияющих; вооружённых дротиками, деревьями, палицами, молниями, пращами и петлями. Великий обезьяна видел их в гирляндах, умащённых, украшенных лучшими украшениями, с острыми копьями и ваджрами, великосильных. Он увидел среднюю стражу числом в сто тысяч, невозмутимую и полностью окружённую стеной.
2cf48d992cdb · 发布于 2026年6月22日 00:00:00 UTC
可用语言RU用方向键翻颂
Внутри Ланки красота соседствует с ужасом. Песни, украшения и роскошь не скрывают природы города: это место, где сила, магия и насилие стоят на страже Раваны.