हनुमान् अपि विक्रान्तः सर्वं शुश्राव तत्त्वतः । सीतायास् त्रिजटायाश् च राक्षसीनां च तर्जनम् ॥
अवेक्षमाणस् तां देवीं देवताम् इव नन्दने । ततो बहुविधां चिन्तां चिन्तयाम् आस वानरः ॥
यां कपीनां सहस्राणि सुबहून्य् अयुतानि च । दिक्षु सर्वासु मार्गन्ते सेयम् आसादिता मया ॥
चारेण तु सुयुक्तेन शत्रोः शक्तिम् अवेक्षिता । गूढेन चरता तावद् अवेक्षितम् इदं मया ॥
राक्षसानां विशेषश् च पुरी चेयम् अवेक्षिता । राक्षसाधिपतेर् अस्य प्रभावो रावणस्य च ॥
युक्तं तस्याप्रमेयस्य सर्वसत्त्वदयावतः । समाश्वासयितुं भार्यां पतिदर्शनकाङ्क्षिणीम् ॥
अहम् आश्वासयाम्य् एनां पूर्णचन्द्रनिभाननाम् । अदृष्टदुःखां दुःखस्य न ह्य् अन्तम् अधिगच्छतीम् ॥
यदि ह्य् अहम् इमां देवीं शोकोपहतचेतनाम् । अनाश्वास्य गमिष्यामि दोषवद् गमनं भवेत् ॥
गते हि मयि तत्रेयं राजपुत्री यशस्विनी । परित्राणम् अविन्दन्ती जानकी जीवितं त्यजेत् ॥
मया च स महाबाहुः पूर्णचन्द्रनिभाननः । समाश्वासयितुं न्याय्यः सीतादर्शनलालसः ॥
hanumān api vikrāntaḥ sarvaṃ śuśrāva tattvataḥ | sītāyās trijaṭāyāś ca rākṣasīnāṃ ca tarjanam ||
avekṣamāṇas tāṃ devīṃ devatām iva nandane | tato bahuvidhāṃ cintāṃ cintayām āsa vānaraḥ ||
yāṃ kapīnāṃ sahasrāṇi subahūny ayutāni ca | dikṣu sarvāsu mārgante seyam āsāditā mayā ||
cāreṇa tu suyuktena śatroḥ śaktim avekṣitā | gūḍhena caratā tāvad avekṣitam idaṃ mayā ||
rākṣasānāṃ viśeṣaś ca purī ceyam avekṣitā | rākṣasādhipater asya prabhāvo rāvaṇasya ca ||
yuktaṃ tasyāprameyasya sarvasattvadayāvataḥ | samāśvāsayituṃ bhāryāṃ patidarśanakāṅkṣiṇīm ||
aham āśvāsayāmy enāṃ pūrṇacandranibhānanām | adṛṣṭaduḥkhāṃ duḥkhasya na hy antam adhigacchatīm ||
yadi hy aham imāṃ devīṃ śokopahatacetanām | anāśvāsya gamiṣyāmi doṣavad gamanaṃ bhavet ||
gate hi mayi tatreyaṃ rājaputrī yaśasvinī | paritrāṇam avindantī jānakī jīvitaṃ tyajet ||
mayā ca sa mahābāhuḥ pūrṇacandranibhānanaḥ | samāśvāsayituṃ nyāyyaḥ sītādarśanalālasaḥ ||
Могучий Хануман услышал всё как было: слова Ситы, слова Триджаты и угрозы ракшаси. Созерцая эту богиню, словно божество в саду Нандана, ванара стал глубоко размышлять: «Та, кого ищут многие тысячи и десятки тысяч обезьян во всех сторонах, найдена мной. Хорошо проведённой разведкой я осмотрел силу врага; действуя тайно, я увидел этот город, особенности ракшасов и могущество Раваны, владыки ракшасов. Теперь правильно будет утешить жену того неизмеримого и сострадательного ко всем существам Рамы, жену, жаждущую увидеть мужа. Я утешу её, луноликую, прежде не знавшую страдания и теперь не находящую конца страданию. Если я уйду, не утешив эту богиню, чьё сознание поражено скорбью, мой уход будет ошибкой. Когда я уйду отсюда, эта славная царевна, дочь Джанаки, не найдя защиты, может оставить жизнь. И через меня должен быть утешен тот могучерукий, луноликий Рама, жаждущий увидеть Ситу».
2ac199f99d95 · 发布于 2026年6月22日 00:00:00 UTC
可用语言RU用方向键翻颂
Хануман мыслит как настоящий посланник: он уже нашёл цель и оценил врага, но понимает, что миссия не завершена без утешения Ситы и без живого слова для Рамы.