ततो जातपरित्रासा शब्दं कुर्यान् मनस्विनी । जानमाना विशालाक्षी रावणं कामरूपिणम् ॥
सीतया च कृते शब्दे सहसा राक्षसीगणः । नानाप्रहरणो घोरः समेयाद् अन्तकोपमः ॥
ततो मां संपरिक्षिप्य सर्वतो विकृताननाः । वधे च ग्रहणे चैव कुर्युर् यत्नं यथाबलम् ॥
तं मां शाखाः प्रशाखाश् च स्कन्धांश् चोत्तमशाखिनाम् । दृष्ट्वा विपरिधावन्तं भवेयुर् भयशङ्किताः ॥
मम रूपं च संप्रेक्ष्य वनं विचरतो महत् । राक्षस्यो भयवित्रस्ता भवेयुर् विकृताननाः ॥
ततः कुर्युः समाह्वानं राक्षस्यो रक्षसाम् अपि । राक्षसेन्द्रनियुक्तानां राक्षसेन्द्रनिवेशने ॥
ते शूलशरनिस्त्रिंश विविधायुधपाणयः । आपतेयुर् विमर्दे ऽस्मिन् वेगेनोद्विग्नकारिणः ॥
संक्रुद्धस् तैस् तु परितो विधमन् रक्षसां बलम् । शक्नुयं न तु संप्राप्तुं परं पारं महोदधेः ॥
मां वा गृह्णीयुर् आप्लुत्य बहवः शीघ्रकारिणः । स्याद् इयं चागृहीतार्था मम च ग्रहणं भवेत् ॥
हिंसाभिरुचयो हिंस्युर् इमां वा जनकात्मजाम् । विपन्नं स्यात् ततः कार्यं रामसुग्रीवयोर् इदम् ॥
tato jātaparitrāsā śabdaṃ kuryān manasvinī | jānamānā viśālākṣī rāvaṇaṃ kāmarūpiṇam ||
sītayā ca kṛte śabde sahasā rākṣasīgaṇaḥ | nānāpraharaṇo ghoraḥ sameyād antakopamaḥ ||
tato māṃ saṃparikṣipya sarvato vikṛtānanāḥ | vadhe ca grahaṇe caiva kuryur yatnaṃ yathābalam ||
taṃ māṃ śākhāḥ praśākhāś ca skandhāṃś cottamaśākhinām | dṛṣṭvā viparidhāvantaṃ bhaveyur bhayaśaṅkitāḥ ||
mama rūpaṃ ca saṃprekṣya vanaṃ vicarato mahat | rākṣasyo bhayavitrastā bhaveyur vikṛtānanāḥ ||
tataḥ kuryuḥ samāhvānaṃ rākṣasyo rakṣasām api | rākṣasendraniyuktānāṃ rākṣasendraniveśane ||
te śūlaśaranistriṃśa vividhāyudhapāṇayaḥ | āpateyur vimarde 'smin vegenodvignakāriṇaḥ ||
saṃkruddhas tais tu parito vidhaman rakṣasāṃ balam | śaknuyaṃ na tu saṃprāptuṃ paraṃ pāraṃ mahodadheḥ ||
māṃ vā gṛhṇīyur āplutya bahavaḥ śīghrakāriṇaḥ | syād iyaṃ cāgṛhītārthā mama ca grahaṇaṃ bhavet ||
hiṃsābhirucayo hiṃsyur imāṃ vā janakātmajām | vipannaṃ syāt tataḥ kāryaṃ rāmasugrīvayor idam ||
«Тогда, испугавшись, стойкая широкоокая Сита, зная, что Равана может принимать любой облик, закричит. Если Сита закричит, внезапно сбежится страшная толпа ракшаси с разным оружием, подобная смерти. Затем, окружив меня со всех сторон, эти искажённолицые приложат все силы, чтобы убить или схватить меня. Увидев, как я мечусь по ветвям, ответвлениям и стволам лучших деревьев, они будут объяты страхом. А увидев мой большой облик, движущийся по лесу, ракшаси с искажёнными лицами будут перепуганы. Тогда они позовут и ракшасов, назначенных владыкой ракшасов в его жилище. Те, держа в руках копья, стрелы, мечи и разное оружие, стремительно бросятся в эту схватку, производя смятение. Разгневанный и разбивая вокруг силу ракшасов, я всё же могу не суметь достичь дальнего берега великого океана. Или многие быстрые ракшасы, набросившись, схватят меня; тогда цель Ситы останется не достигнутой, и я буду пленён. Или эти любители насилия причинят вред дочери Джанаки, и тогда это дело Рамы и Сугривы погибнет».
5643cf231c7b · 发布于 2026年6月22日 00:00:00 UTC
可用语言RU用方向键翻颂
Хануман не боится битвы, но видит цену неверного шага. Его осторожность не от слабости: он бережёт главную цель — безопасность Ситы и успех дела Рамы.