स च वाग्भिः प्रशस्ताभिर् गमिष्यन् पूजितस् तया । तस्माद् देशाद् अपक्रम्य चिन्तयाम् आस वानरः ॥
अल्पशेषम् इदं कार्यं दृष्टेयम् असितेक्षणा । त्रीन् उपायान् अतिक्रम्य चतुर्थ इह दृश्यते ॥
न साम रक्षःसु गुणाय कल्पते; न दनम् अर्थोपचितेषु वर्तते । न भेदसाध्या बलदर्पिता जनाः; पराक्रमस् त्व् एष ममेह रोचते ॥
न चास्य कार्यस्य पराक्रमाद् ऋते; विनिश्चयः कश् चिद् इहोपपद्यते । हृतप्रवीरास् तु रणे हि राक्षसाः; कथं चिद् ईयुर् यद् इहाद्य मार्दवम् ॥
कार्ये कर्मणि निर्दिष्टो यो बहून्य् अपि साधयेत् । पूर्वकार्यविरोधेन स कार्यं कर्तुम् अर्हति ॥
न ह्य् एकः साधको हेतुः स्वल्पस्यापीह कर्मणः । यो ह्य् अर्थं बहुधा वेद स समर्थो ऽर्थसाधने ॥
इहैव तावत् कृतनिश्चयो ह्य् अहं; यदि व्रजेयं प्लवगेश्वरालयम् । परात्मसंमर्द विशेषतत्त्ववित्; ततः कृतं स्यान् मम भर्तृशासनम् ॥
कथं नु खल्व् अद्य भवेत् सुखागतं; प्रसह्य युद्धं मम राक्षसैः सह । तथैव खल्व् आत्मबलं च सारवत्; समानयेन् मां च रणे दशाननः ॥
sa ca vāgbhiḥ praśastābhir gamiṣyan pūjitas tayā | tasmād deśād apakramya cintayām āsa vānaraḥ ||
alpaśeṣam idaṃ kāryaṃ dṛṣṭeyam asitekṣaṇā | trīn upāyān atikramya caturtha iha dṛśyate ||
na sāma rakṣaḥsu guṇāya kalpate; na danam arthopaciteṣu vartate | na bhedasādhyā baladarpitā janāḥ; parākramas tv eṣa mameha rocate ||
na cāsya kāryasya parākramād ṛte; viniścayaḥ kaś cid ihopapadyate | hṛtapravīrās tu raṇe hi rākṣasāḥ; kathaṃ cid īyur yad ihādya mārdavam ||
kārye karmaṇi nirdiṣṭo yo bahūny api sādhayet | pūrvakāryavirodhena sa kāryaṃ kartum arhati ||
na hy ekaḥ sādhako hetuḥ svalpasyāpīha karmaṇaḥ | yo hy arthaṃ bahudhā veda sa samartho 'rthasādhane ||
ihaiva tāvat kṛtaniścayo hy ahaṃ; yadi vrajeyaṃ plavageśvarālayam | parātmasaṃmarda viśeṣatattvavit; tataḥ kṛtaṃ syān mama bhartṛśāsanam ||
kathaṃ nu khalv adya bhavet sukhāgataṃ; prasahya yuddhaṃ mama rākṣasaiḥ saha | tathaiva khalv ātmabalaṃ ca sāravat; samānayen māṃ ca raṇe daśānanaḥ ||
Почтённый ею добрыми словами, ванара, готовясь уходить, отошёл от того места и стал размышлять: «Это дело осталось почти завершённым: черноглазая найдена. Пройдя мимо трёх средств, здесь видно четвёртое. Примирение не годится для ракшасов, дар не действует на тех, кто оброс богатством, а возгордившиеся силой не поддаются расколу. Здесь мне нравится доблесть. Для этого дела, кроме доблести, не подходит никакое решение. Если ракшасы в битве лишатся лучших героев, тогда, может быть, сегодня они придут к мягкости. Тот, кому поручено дело и кто, не противореча первому заданию, может совершить ещё многое, достоин исполнять дело. Ведь даже у малого действия здесь не бывает одной-единственной причины; кто знает цель многими способами, тот способен её достичь. Если я, приняв решение здесь, пойду в обитель владыки прыгающих, особенно узнав суть силы врага и собственной силы, тогда повеление моего господина будет исполнено. Как же сегодня устроить удачный приход к бою с ракшасами, вызванный силой? Пусть Десятиглавый в битве сведёт меня с собой и покажет свою настоящую силу».
48daff7bfdc5 · 发布于 2026年6月22日 00:00:00 UTC
可用语言RU用方向键翻颂
Хануман мыслит как совершенный посланник: он уже нашёл Ситу, но перед возвращением хочет добыть для Рамы знание о силе врага. Его доблесть служит не личной славе, а полноте поручения.