धूम्राक्षं निहतं श्रुत्वा रावणो राक्षसेश्वरः । बलाध्यक्षम् उवाचेदं कृताञ्जलिम् उपस्थितम् ॥
शीघ्रं निर्यान्तु दुर्धर्षा राक्षसा भीमविक्रमाः । अकम्पनं पुरस्कृत्य सर्वशस्त्रप्रकोविदम् ॥
ततो नानाप्रहरणा भीमाक्षा भीमदर्शनाः । निष्पेतू राक्षसा मुख्या बलाध्यक्षप्रचोदिताः ॥
रथम् आस्थाय विपुलं तप्तकाञ्चनकुण्डलः । राकसैः संवृतो घोरैस् तदा निर्यात्य् अकम्पनः ॥
न हि कम्पयितुं शक्यः सुरैर् अपि महामृधे । अकम्पनस् ततस् तेषाम् आदित्य इव तेजसा ॥
तस्य निधावमानस्य संरब्धस्य युयुत्सया । अकस्माद् दैन्यम् आगच्छद् धयानां रथवाहिनाम् ॥
व्यस्फुरन् नयनं चास्य सव्यं युद्धाभिनन्दिनः । विवर्णो मुखवर्णश् च गद्गदश् चाभवत् स्वरः ॥
अभवत् सुदिने चापि दुर्दिने रूक्षमारुतम् । ऊचुः खगा मृगाः सर्वे वाचः क्रूरा भयावहाः ॥
स सिंहोपचितस्कन्धः शार्दूलसमविक्रमः । तान् उत्पातान् अचिन्त्यैव निर्जगाम रणाजिरम् ॥
तदा निर्गच्छतस् तस्य रक्षसः सह राक्षसैः । बभूव सुमहान् नादः क्षोभयन्न् इव सागरम् ॥
तेन शब्देन वित्रस्ता वानराणां महाचमूः । द्रुमशैलप्रहरणा योद्धुं समवतिष्ठत ॥
dhūmrākṣaṃ nihataṃ śrutvā rāvaṇo rākṣaseśvaraḥ | balādhyakṣam uvācedaṃ kṛtāñjalim upasthitam ||
śīghraṃ niryāntu durdharṣā rākṣasā bhīmavikramāḥ | akampanaṃ puraskṛtya sarvaśastraprakovidam ||
tato nānāpraharaṇā bhīmākṣā bhīmadarśanāḥ | niṣpetū rākṣasā mukhyā balādhyakṣapracoditāḥ ||
ratham āsthāya vipulaṃ taptakāñcanakuṇḍalaḥ | rākasaiḥ saṃvṛto ghorais tadā niryāty akampanaḥ ||
na hi kampayituṃ śakyaḥ surair api mahāmṛdhe | akampanas tatas teṣām āditya iva tejasā ||
tasya nidhāvamānasya saṃrabdhasya yuyutsayā | akasmād dainyam āgacchad dhayānāṃ rathavāhinām ||
vyasphuran nayanaṃ cāsya savyaṃ yuddhābhinandinaḥ | vivarṇo mukhavarṇaś ca gadgadaś cābhavat svaraḥ ||
abhavat sudine cāpi durdine rūkṣamārutam | ūcuḥ khagā mṛgāḥ sarve vācaḥ krūrā bhayāvahāḥ ||
sa siṃhopacitaskandhaḥ śārdūlasamavikramaḥ | tān utpātān acintyaiva nirjagāma raṇājiram ||
tadā nirgacchatas tasya rakṣasaḥ saha rākṣasaiḥ | babhūva sumahān nādaḥ kṣobhayann iva sāgaram ||
tena śabdena vitrastā vānarāṇāṃ mahācamūḥ | drumaśailapraharaṇā yoddhuṃ samavatiṣṭhata ||
Услышав, что Дхумракша убит, Равана, владыка ракшасов, сказал начальнику войска, стоявшему рядом со сложенными ладонями: «Пусть быстро выступят неодолимые ракшасы страшной доблести, поставив впереди Акампану, знатока всякого оружия». Тогда главные ракшасы, страшноглазые, ужасные видом и с разным оружием, побуждённые начальником войска, выступили. Акампана, с серьгами из расплавленного золота, взошёл на широкую колесницу и выступил, окружённый страшными ракшасами. В великой битве его не могли поколебать даже боги, и среди своих он сиял как солнце. Но когда он, разъярённый и жаждущий сражения, стремительно мчался вперёд, на коней его колесницы внезапно нашло уныние. У него, радовавшегося битве, задёргался левый глаз, цвет лица побледнел, а голос стал прерывистым. Даже в ясный день стало ненастье с сухим ветром, и все птицы и звери издавали зловещие, страшные голоса. Но он, с плечами как у льва и доблестью как у тигра, не обратил внимания на эти знамения и вышел на поле боя. Когда этот ракшас выходил вместе с ракшасами, поднялся великий шум, словно волнующий океан. Испуганная этим звуком великая армия ванаров, вооружённая деревьями и скалами, выстроилась для битвы.
1b543daa176d · 发布于 2026年6月22日 00:00:00 UTC
可用语言RU用方向键翻颂
Равана снова отвечает поражению новым воином, но знамения уже сопровождают каждый его приказ. Акампана носит имя «непоколебимый», однако мир вокруг него заранее показывает, что эта непоколебимость мнима.