एतस्मिन्न् अन्तरे वीरो लक्ष्मणस् तं विभीषणम् । प्राणसंशयम् आपन्नं तूर्णम् एवाभ्यपद्यत ॥
तं विमोक्षयितुं वीरश् चापम् आयम्य लक्ष्मणः । रावणं शक्तिहस्तं तं शरवर्षैर् अवाकिरत् ॥
कीर्यमाणः शरौघेण विसृष्ट्तेन महात्मना । न प्रहर्तुं मनश् चक्रे विमुखीकृतविक्रमः ॥
मोक्षितं भ्रातरं दृष्ट्वा लक्ष्मणेन स रावणः । लक्ष्मणाभिमुखस् तिष्ठन्न् इदं वचनम् अब्रवीत् ॥
मोक्षितस् ते बलश्लाघिन् यस्माद् एवं विभीषणः । विमुच्य राक्षसं शक्तिस् त्वयीयं विनिपात्यते ॥
एषा ते हृदयं भित्त्वा शक्तिर् लोहितलक्षणा । मद्बाहुपरिघोत्सृष्टा प्राणान् आदाय यास्यति ॥
इत्य् एवम् उक्त्वा तां शक्तिम् अष्टघण्टां महास्वनाम् । मयेन मायाविहिताम् अमोघां शत्रुघातिनीम् ॥
लक्ष्मणाय समुद्दिश्य ज्वलन्तीम् इव तेजसा । रावणः परमक्रुद्धश् चिक्षेप च ननाद च ॥
सा क्षिप्ता भीमवेगेन शक्राशनिसमस्वना । शक्तिर् अभ्यपतद् वेगाल् लक्ष्मणं रणमूर्धनि ॥
ताम् अनुव्याहरच् छक्तिम् आपतन्तीं स राघवः । स्वस्त्यस् तु लक्ष्मणायेति मोघा भव हतोद्यमा ॥
न्यपतत् सा महावेगा लक्ष्मणस्य महोरसि । जिह्वेवोरगराजस्य दीप्यमाना महाद्युतिः ॥
ततो रावणवेगेन सुदूरम् अवगाढया । शक्त्या निर्भिन्नहृदयः पपात भुवि लक्ष्मणः ॥
etasminn antare vīro lakṣmaṇas taṃ vibhīṣaṇam | prāṇasaṃśayam āpannaṃ tūrṇam evābhyapadyata ||
taṃ vimokṣayituṃ vīraś cāpam āyamya lakṣmaṇaḥ | rāvaṇaṃ śaktihastaṃ taṃ śaravarṣair avākirat ||
kīryamāṇaḥ śaraugheṇa visṛṣṭtena mahātmanā | na prahartuṃ manaś cakre vimukhīkṛtavikramaḥ ||
mokṣitaṃ bhrātaraṃ dṛṣṭvā lakṣmaṇena sa rāvaṇaḥ | lakṣmaṇābhimukhas tiṣṭhann idaṃ vacanam abravīt ||
mokṣitas te balaślāghin yasmād evaṃ vibhīṣaṇaḥ | vimucya rākṣasaṃ śaktis tvayīyaṃ vinipātyate ||
eṣā te hṛdayaṃ bhittvā śaktir lohitalakṣaṇā | madbāhuparighotsṛṣṭā prāṇān ādāya yāsyati ||
ity evam uktvā tāṃ śaktim aṣṭaghaṇṭāṃ mahāsvanām | mayena māyāvihitām amoghāṃ śatrughātinīm ||
lakṣmaṇāya samuddiśya jvalantīm iva tejasā | rāvaṇaḥ paramakruddhaś cikṣepa ca nanāda ca ||
sā kṣiptā bhīmavegena śakrāśanisamasvanā | śaktir abhyapatad vegāl lakṣmaṇaṃ raṇamūrdhani ||
tām anuvyāharac chaktim āpatantīṃ sa rāghavaḥ | svastyas tu lakṣmaṇāyeti moghā bhava hatodyamā ||
nyapatat sā mahāvegā lakṣmaṇasya mahorasi | jihvevoragarājasya dīpyamānā mahādyutiḥ ||
tato rāvaṇavegena sudūram avagāḍhayā | śaktyā nirbhinnahṛdayaḥ papāta bhuvi lakṣmaṇaḥ ||
В этот миг герой Лакшмана быстро приблизился к Вибхишане, которому грозила смерть. Чтобы освободить его, Лакшмана натянул лук и осыпал ливнями стрел Равану, державшего шакти в руке. Осыпавшись потоком стрел, выпущенных великодушным Лакшманой, Равана уже не мог решиться нанести удар: его доблесть была отвращена. Но увидев, что брат освобождён Лакшманой, Равана повернулся к Лакшмане и сказал: «Раз ты, хвалящийся силой, так освободил Вибхишану, эта шакти оставит ракшаса и обрушится на тебя. Пробив твоё сердце, эта кровавая шакти, выпущенная моей рукой, как палицей, уйдёт, забрав твою жизнь». Сказав так, Равана, крайне разгневанный, направил на Лакшману эту восьмиколокольную, великозвучную шакти, магически созданную Майей, непромахивающуюся и убивающую врагов, словно пылающую собственным блеском; он бросил её и заревел. Брошенная со страшным натиском, со звуком, равным молнии Индры, шакти быстро налетела на Лакшману на вершине боя. Рагхава, видя её падение, произнёс вслед ей: «Да будет благо Лакшмане; стань бесплодной, пусть твоё усилие погибнет». Но великостремительная, великоблестящая шакти, пылая как язык царя змеев, упала на широкую грудь Лакшманы. Глубоко войдя натиском Раваны, она пробила сердце Лакшманы, и он упал на землю.
753f7500b2f5 · 发布于 2026年6月22日 00:00:00 UTC
可用语言RU用方向键翻颂
Лакшмана принимает удар, предназначенный Вибхишане. Это не случайная рана: он сознательно становится между защитником дхармы и гибелью. Речь Рамы смягчает силу оружия, но не отменяет драму жертвы.