एवम् उक्ता तु वैदेही परुषं लोमहर्षणम् । राघवेण सरोषेण भृशं प्रव्यथिताभवत् ॥
सा तद् अश्रुतपूर्वं हि जने महति मैथिली । श्रुत्वा भर्तृवचो रूक्षं लज्जया व्रीडिताभवत् ॥
प्रविशन्तीव गात्राणि स्वान्य् एव जनकात्मजा । वाक्शल्यैस् तैः सशल्येव भृशम् अश्रूण्य् अवर्तयत् ॥
ततो बाष्पपरिक्लिष्टं प्रमार्जन्ती स्वम् आननम् । शनैर् गद्गदया वाचा भर्तारम् इदम् अब्रवीत् ॥
किं माम् असदृशं वाक्यम् ईदृशं श्रोत्रदारुणम् । रूक्षं श्रावयसे वीर प्राकृतः प्राकृताम् इव ॥
न तथास्मि महाबाहो यथा त्वम् अवगच्छसि । प्रत्ययं गच्छ मे स्वेन चारित्रेणैव ते शपे ॥
पृथक् स्त्रीणां प्रचारेण जातिं त्वं परिशङ्कसे । परित्यजेमां शङ्कां तु यदि ते ऽहं परीक्षिता ॥
यद्य् अहं गात्रसंस्पर्शं गतास्मि विवशा प्रभो । कामकारो न मे तत्र दैवं तत्रापराध्यति ॥
मदधीनं तु यत् तन् मे हृदयं त्वयि वर्तते । पराधीनेषु गात्रेषु किं करिष्याम्य् अनीश्वरा ॥
सहसंवृद्धभावाच् च संसर्गेण च मानद । यद्य् अहं ते न विज्ञाता हता तेनास्मि शाश्वतम् ॥
प्रेषितस् ते यदा वीरो हनूमान् अवलोककः । लङ्कास्थाहं त्वया वीर किं तदा न विसर्जिता ॥
प्रत्यक्षं वानरेन्द्रस्य त्वद्वाक्यसमनन्तरम् । त्वया संत्यक्तया वीर त्यक्तं स्याज् जीवितं मया ॥
न वृथा ते श्रमो ऽयं स्यात् संशये न्यस्य जीवितम् । सुहृज्जनपरिक्लेशो न चायं निष्फलस् तव ॥
त्वया तु नरशार्दूल क्रोधम् एवानुवर्तता । लघुनेव मनुष्येण स्त्रीत्वम् एव पुरस्कृतम् ॥
अपदेशेन जनकान् नोत्पत्तिर् वसुधातलात् । मम वृत्तं च वृत्तज्ञ बहु ते न पुरस्कृतम् ॥
न प्रमाणीकृतः पाणिर् बाल्ये बालेन पीडितः । मम भक्तिश् च शीलं च सर्वं ते पृष्ठतः कृतम् ॥
evam uktā tu vaidehī paruṣaṃ lomaharṣaṇam | rāghaveṇa saroṣeṇa bhṛśaṃ pravyathitābhavat ||
sā tad aśrutapūrvaṃ hi jane mahati maithilī | śrutvā bhartṛvaco rūkṣaṃ lajjayā vrīḍitābhavat ||
praviśantīva gātrāṇi svāny eva janakātmajā | vākśalyais taiḥ saśalyeva bhṛśam aśrūṇy avartayat ||
tato bāṣpaparikliṣṭaṃ pramārjantī svam ānanam | śanair gadgadayā vācā bhartāram idam abravīt ||
kiṃ mām asadṛśaṃ vākyam īdṛśaṃ śrotradāruṇam | rūkṣaṃ śrāvayase vīra prākṛtaḥ prākṛtām iva ||
na tathāsmi mahābāho yathā tvam avagacchasi | pratyayaṃ gaccha me svena cāritreṇaiva te śape ||
pṛthak strīṇāṃ pracāreṇa jātiṃ tvaṃ pariśaṅkase | parityajemāṃ śaṅkāṃ tu yadi te 'haṃ parīkṣitā ||
yady ahaṃ gātrasaṃsparśaṃ gatāsmi vivaśā prabho | kāmakāro na me tatra daivaṃ tatrāparādhyati ||
madadhīnaṃ tu yat tan me hṛdayaṃ tvayi vartate | parādhīneṣu gātreṣu kiṃ kariṣyāmy anīśvarā ||
sahasaṃvṛddhabhāvāc ca saṃsargeṇa ca mānada | yady ahaṃ te na vijñātā hatā tenāsmi śāśvatam ||
preṣitas te yadā vīro hanūmān avalokakaḥ | laṅkāsthāhaṃ tvayā vīra kiṃ tadā na visarjitā ||
pratyakṣaṃ vānarendrasya tvadvākyasamanantaram | tvayā saṃtyaktayā vīra tyaktaṃ syāj jīvitaṃ mayā ||
na vṛthā te śramo 'yaṃ syāt saṃśaye nyasya jīvitam | suhṛjjanaparikleśo na cāyaṃ niṣphalas tava ||
tvayā tu naraśārdūla krodham evānuvartatā | laghuneva manuṣyeṇa strītvam eva puraskṛtam ||
apadeśena janakān notpattir vasudhātalāt | mama vṛttaṃ ca vṛttajña bahu te na puraskṛtam ||
na pramāṇīkṛtaḥ pāṇir bālye bālena pīḍitaḥ | mama bhaktiś ca śīlaṃ ca sarvaṃ te pṛṣṭhataḥ kṛtam ||
Услышав от разгневанного Рагхавы суровые, волосы поднимающие слова, Вайдехи была глубоко потрясена. Когда Майтхили услышала при большом собрании эти резкие слова мужа, каких прежде никогда не слышала, она смутилась от стыда. Дочь Джанаки словно сжалась в собственном теле и, уязвлённая этими словесными стрелами, сильно проливала слёзы. Затем, вытирая своё измученное слезами лицо, она медленно сказала мужу прерывающимся голосом: «Герой, почему ты заставляешь меня слышать такие неподобающие, резкие и ужасные для слуха слова, словно низкий человек говорит низкой женщине? Могучерукий, я не такова, как ты думаешь. Поверь мне: клянусь тебе своим собственным поведением. Ты подозреваешь моё происхождение по общему поведению женщин; оставь это сомнение, если я тобой действительно испытана. Если я, беспомощная, подверглась телесному прикосновению, господин, в этом не было моей воли: там виновата судьба. То, что было в моей власти, — моё сердце — пребывает в тебе; что я могла сделать, не имея власти над телом, оказавшимся в чужой власти? Если из-за чувства, выросшего вместе с нами, и из-за нашего общения, о дающий честь, ты меня не узнал, то этим я убита навсегда. Когда тобой был послан герой Хануман как разведчик, почему ты тогда, герой, не отказался от меня, находившейся в Ланке? Сразу после твоего слова, на глазах у царя ванаров, я, оставленная тобой, оставила бы и жизнь. Тогда этот твой труд не был бы напрасным, жизнь не была бы положена на чашу сомнения, и мучение друзей не стало бы для тебя бесплодным. Но ты, тигр среди людей, следуя одному лишь гневу, как легкомысленный человек, поставил перед собой только мою женскую природу. Ты не принял во внимание ни имя Джанаки, ни моё происхождение из лона земли; знаток поведения, ты не придал значения моему поведению. Ты не сделал свидетельством руку, которую в юности сжал как юный жених; мою преданность и мой характер ты оставил позади».
0612351c5eab · 发布于 2026年6月22日 00:00:00 UTC
可用语言RU用方向键翻颂
Ответ Ситы точен и строг: она отделяет сердце, оставшееся верным, от тела, оказавшегося в чужой власти. Её речь не просит снисхождения; она требует, чтобы истина её жизни была признана сильнее подозрения.