वरप्राप्तिं पितुस् ते तु ज्ञात्वैश्वर्यं ततो महत् । तपस् तप्तुं गता मेरुं भ्रातरः कृतनिश्चयाः ॥
प्रगृह्य नियमान् घोरान् राक्षसा नृपसत्तम । विचेरुस् ते तपो घोरं सर्वभूतभयावहम् ॥
सत्यार्जवदमोपेतैस् तपोभिर् भुवि दुष्करैः । संतापयन्तस् त्रींल् लोकान् सदेवासुरमानुषान् ॥
ततो विभुश् चतुर्वक्त्रो विमानवरम् आस्थितः । सुकेशपुत्रान् आमन्त्र्य वरदो ऽस्मीत्य् अभाषत ॥
ब्रह्माणं वरदं ज्ञात्वा सेन्द्रैर् देवगणैर् वृतम् । ऊचुः प्राञ्जलयः सर्वे वेपमाना इव द्रुमाः ॥
तपसाराधितो देव यदि नो दिशसे वरम् । अजेयाः शत्रुहन्तारस् तथैव चिरजीविनः । प्रभविष्णवो भवामेति परस्परम् अनुव्रताः ॥
एवं भविष्यतीत्य् उक्त्वा सुकेशतनयान् प्रभुः । प्रययौ ब्रह्मलोकाय ब्रह्मा ब्राह्मणवत्सलः ॥
वरं लब्ध्वा ततः सर्वे राम रात्रिंचरास् तदा । सुरासुरान् प्रबाधन्ते वरदानात् सुनिर्भयाः ॥
तैर् वध्यमानास् त्रिदशाः सर्षिसंघाः सचारणाः । त्रातारं नाधिगच्छन्ति निरयस्था यथा नराः ॥
varaprāptiṃ pitus te tu jñātvaiśvaryaṃ tato mahat | tapas taptuṃ gatā meruṃ bhrātaraḥ kṛtaniścayāḥ ||
pragṛhya niyamān ghorān rākṣasā nṛpasattama | vicerus te tapo ghoraṃ sarvabhūtabhayāvaham ||
satyārjavadamopetais tapobhir bhuvi duṣkaraiḥ | saṃtāpayantas trīṃl lokān sadevāsuramānuṣān ||
tato vibhuś caturvaktro vimānavaram āsthitaḥ | sukeśaputrān āmantrya varado 'smīty abhāṣata ||
brahmāṇaṃ varadaṃ jñātvā sendrair devagaṇair vṛtam | ūcuḥ prāñjalayaḥ sarve vepamānā iva drumāḥ ||
tapasārādhito deva yadi no diśase varam | ajeyāḥ śatruhantāras tathaiva cirajīvinaḥ | prabhaviṣṇavo bhavāmeti parasparam anuvratāḥ ||
evaṃ bhaviṣyatīty uktvā sukeśatanayān prabhuḥ | prayayau brahmalokāya brahmā brāhmaṇavatsalaḥ ||
varaṃ labdhvā tataḥ sarve rāma rātriṃcarās tadā | surāsurān prabādhante varadānāt sunirbhayāḥ ||
tair vadhyamānās tridaśāḥ sarṣisaṃghāḥ sacāraṇāḥ | trātāraṃ nādhigacchanti nirayasthā yathā narāḥ ||
Узнав о даре, полученном их отцом, и о его великом могуществе, братья с твёрдым решением отправились на Меру совершать аскезу. Приняв страшные обеты, эти ракшасы, лучший из царей, исполняли ужасный тапас, несущий страх всем существам. Трудными на земле аскезами, соединёнными с истиной, прямотой и самообузданием, они мучили три мира вместе с богами, асурами и людьми. Тогда четырёхликий владыка Брахма, взойдя на лучшую колесницу, призвал сыновей Сукеши и сказал: «Я дародатель». Узнав Брахму, окружённого Индрой и сонмами богов, все они, дрожа как деревья, сложили ладони и сказали: «Бог, если ты удовлетворён нашей аскезой и даёшь нам дар, пусть мы будем непобедимыми, убийцами врагов, долгоживущими, могущественными и преданными друг другу». Сказав сыновьям Сукеши: «Так и будет», владыка Брахма, любящий брахманов, ушёл в мир Брахмы. Получив дар, все эти ночные странники, Рама, стали совершенно бесстрашны и начали притеснять богов и асуров. Поражаемые ими боги вместе с сонмами риши и чаранами не находили защитника, словно люди, находящиеся в аду.
b4594d07c7b7 · 发布于 2026年6月22日 00:00:00 UTC
可用语言RU用方向键翻颂
Аскеза даёт силу, но просьба братьев раскрывает направление их сердца: непобедимость, власть и подавление врагов. Когда тапас не очищает намерение, полученный дар усиливает страх мира.