नर्मदा नाम गन्धर्वी नानाधर्मसमेधिता । तस्याः कन्यात्रयं ह्य् आसीद् धीश्रीकीर्तिसमद्युति ॥
ज्येष्ठक्रमेण सा तेषां राक्षसानाम् अराक्षसी । कन्यास् ताः प्रददौ हृष्टा पूर्णचन्द्रनिभाननाः ॥
त्रयाणां राक्षसेन्द्राणां तिस्रो गन्धर्वकन्यकाः । मात्रा दत्ता महाभागा नक्षत्रे भगदैवते ॥
कृतदारास् तु ते राम सुकेशतनयाः प्रभो । भार्याभिः सह चिक्रीडुर् अप्सरोभिर् इवामराः ॥
तत्र माल्यवतो भार्या सुन्दरी नाम सुन्दरी । स तस्यां जनयाम् आस यद् अपत्यं निबोध तत् ॥
वज्रमुष्टिर् विरूपाक्षो दुर्मुखश् चैव राक्षसः । सुप्तघ्नो यज्ञकोपश् च मत्तोन्मत्तौ तथैव च । अनला चाभवत् कन्या सुन्दर्यां राम सुन्दरी ॥
सुमालिनो ऽपि भार्यासीत् पूर्णचन्द्रनिभानना । नाम्ना केतुमती नाम प्राणेभ्यो ऽपि गरीयसी ॥
सुमाली जनयाम् आस यद् अपत्यं निशाचरः । केतुमत्यां महाराज तन् निबोधानुपूर्वशः ॥
प्रहस्तो ऽकम्पनैश् चैव विकटः कालकार्मुकः । धूम्राक्शश् चाथ दण्डश् च सुपार्श्वश् च महाबलः ॥
संह्रादिः प्रघसश् चैव भासकर्णश् च राक्षसः । राका पुष्पोत्कटा चैव कैकसी च शुचिस्मिता । कुम्भीनसी च इत्य् एते सुमालेः प्रसवाः स्मृताः ॥
मालेस् तु वसुदा नाम गन्धर्वी रूपशालिनी । भार्यासीत् पद्मपत्राक्षी स्वक्षी यक्षीवरोपमा ॥
सुमालेर् अनुजस् तस्यां जनयाम् आस यत् प्रभो । अपत्यं कथ्यमानं तन् मया त्वं शृणु राघव ॥
अनलश् चानिलश् चैव हरः संपातिर् एव च । एते विभीषणामात्या मालेयास् ते निशाचराः ॥
narmadā nāma gandharvī nānādharmasamedhitā | tasyāḥ kanyātrayaṃ hy āsīd dhīśrīkīrtisamadyuti ||
jyeṣṭhakrameṇa sā teṣāṃ rākṣasānām arākṣasī | kanyās tāḥ pradadau hṛṣṭā pūrṇacandranibhānanāḥ ||
trayāṇāṃ rākṣasendrāṇāṃ tisro gandharvakanyakāḥ | mātrā dattā mahābhāgā nakṣatre bhagadaivate ||
kṛtadārās tu te rāma sukeśatanayāḥ prabho | bhāryābhiḥ saha cikrīḍur apsarobhir ivāmarāḥ ||
tatra mālyavato bhāryā sundarī nāma sundarī | sa tasyāṃ janayām āsa yad apatyaṃ nibodha tat ||
vajramuṣṭir virūpākṣo durmukhaś caiva rākṣasaḥ | suptaghno yajñakopaś ca mattonmattau tathaiva ca | analā cābhavat kanyā sundaryāṃ rāma sundarī ||
sumālino 'pi bhāryāsīt pūrṇacandranibhānanā | nāmnā ketumatī nāma prāṇebhyo 'pi garīyasī ||
sumālī janayām āsa yad apatyaṃ niśācaraḥ | ketumatyāṃ mahārāja tan nibodhānupūrvaśaḥ ||
prahasto 'kampanaiś caiva vikaṭaḥ kālakārmukaḥ | dhūmrākśaś cātha daṇḍaś ca supārśvaś ca mahābalaḥ ||
saṃhrādiḥ praghasaś caiva bhāsakarṇaś ca rākṣasaḥ | rākā puṣpotkaṭā caiva kaikasī ca śucismitā | kumbhīnasī ca ity ete sumāleḥ prasavāḥ smṛtāḥ ||
māles tu vasudā nāma gandharvī rūpaśālinī | bhāryāsīt padmapatrākṣī svakṣī yakṣīvaropamā ||
sumāler anujas tasyāṃ janayām āsa yat prabho | apatyaṃ kathyamānaṃ tan mayā tvaṃ śṛṇu rāghava ||
analaś cānilaś caiva haraḥ saṃpātir eva ca | ete vibhīṣaṇāmātyā māleyās te niśācarāḥ ||
Гандхарви по имени Нармада, возвышенная многими достоинствами, имела трёх дочерей, равных сиянием разуму, Шри и славе. Эта не-ракшаси радостно отдала трём ракшасам по порядку старшинства трёх дочерей-гандхарви с лицами, подобными полной луне; мать отдала этих счастливых девушек в накшатре, божеством которой является Бхага. Женившись, Рама, сыновья Сукеши играли с жёнами, как бессмертные с апсарами. Жена Мальявана была прекрасная Сундари. Узнай, какое потомство он породил от неё: Ваджрамушти, Вирупакша, ракшас Дурмукха, Суптагхна, Яджнякопа, Матта и Унматта, а также прекрасная дочь Анала от Сундари. У Сумали была жена по имени Кетумати, лицом подобная полной луне и дороже самой жизни. Великий царь, узнай по порядку, какое потомство ночной странник Сумали породил от Кетумати: Прахаста, Акампана, Виката, Калакармука, Дхумракша, Данда, могучий Супаршва, Самхради, Прагхаса, ракшас Бхасакарна, Рака, Пушпотката, Кайкаси с чистой улыбкой и Кумбхинаси — эти считаются потомством Сумали. У Мали была жена Васуда, гандхарви, наделённая красотой, лотосоокая, прекрасноглазая, подобная лучшей якшини. Рагхава, слушай от меня о потомстве, которое младший брат Сумали породил от неё: Анала, Анила, Хара и Сампати — эти ночные странники из рода Мали стали советниками Вибхишаны.
a49e263f5955 · 发布于 2026年6月22日 00:00:00 UTC
可用语言RU用方向键翻颂
Родословная постепенно приближает рассказ к Раване: среди потомков Сумали появляется Кайкаси, будущая мать Раваны. Даже в грозной линии остаются ответвления, которые позднее будут служить Вибхишане.