युधिष्ठिर उवाच
नैतच् चित्रं माधव यद् ब्रवीषि; सत्यं तु मे रक्ष्यतमं न राज्यम् ॥
कृष्णस् तु मां वेद यथावद् एकः; कृष्णं च वेदाहम् अथो यथावत् ॥
यदैव कालं पुरुषप्रवीरो; वेत्स्यत्य् अयं माधव विक्रमस्य ॥
तदा रणे त्वं च शिनिप्रवीर; सुयोधनं जेष्यसि केशवश् च ॥
प्रतिप्रयान्त्व् अद्य दशार्हवीरा; दृढो ऽस्मि नाथैर् नरलोकनाथैः ॥
धर्मे ऽप्रमादं कुरुताप्रमेया; द्रष्टास्मि भूयः सुखिनः समेतान् ॥
वैशंपायन उवाच
ते ऽन्योन्यम् आमन्त्र्य तथाभिवाद्य; वृद्धान् परिस्वज्य शिशूंश् च सर्वान् ॥
यदुप्रवीराः स्वगृहाणि जग्मू; राजापि तीर्थान्य् अनुसंचचार ॥
विसृज्य कृष्णं त्व् अथ धर्मराजो; विदर्भराजोपचितां सुतीर्थाम् ॥
सुतेन सोमेन विमिश्रितोदां; ततः पयोष्णीं प्रति स ह्य् उवास ॥
yudhiṣṭhira uvāca
naitac citraṃ mādhava yad bravīṣi; satyaṃ tu me rakṣyatamaṃ na rājyam ||
kṛṣṇas tu māṃ veda yathāvad ekaḥ; kṛṣṇaṃ ca vedāham atho yathāvat ||
yadaiva kālaṃ puruṣapravīro; vetsyaty ayaṃ mādhava vikramasya ||
tadā raṇe tvaṃ ca śinipravīra; suyodhanaṃ jeṣyasi keśavaś ca ||
pratiprayāntv adya daśārhavīrā; dṛḍho 'smi nāthair naralokanāthaiḥ ||
dharme 'pramādaṃ kurutāprameyā; draṣṭāsmi bhūyaḥ sukhinaḥ sametān ||
vaiśaṃpāyana uvāca
te 'nyonyam āmantrya tathābhivādya; vṛddhān parisvajya śiśūṃś ca sarvān ||
yadupravīrāḥ svagṛhāṇi jagmū; rājāpi tīrthāny anusaṃcacāra ||
visṛjya kṛṣṇaṃ tv atha dharmarājo; vidarbharājopacitāṃ sutīrthām ||
sutena somena vimiśritodāṃ; tataḥ payoṣṇīṃ prati sa hy uvāsa ||
Yudhishthira said: "There is nothing surprising, Madhava, in what you say. But for me truth is the thing most worth guarding, not a kingdom. Krishna alone truly knows me, and I too truly know Krishna. When this foremost of men, Madhava, understands the time for valor, then in battle you, hero of Shini's line, and Keshava will conquer Suyodhana. Let the heroes of the Dasharhas return home today. I stand firm, having as protectors the lords of the human world. Do not be careless of dharma, you of immeasurable worth; I shall see you all gathered together again, happy." Vaishampayana said: "They took leave of one another, bowed to each other, embraced the elders and all the children; the foremost of the Yadus went to their own homes, and the king continued his round of the tirthas. Having taken leave of Krishna, the King of Dharma then came to the sacred Sutirtha, honored by the kings of Vidarbha, and after that dwelt by the Payoshni, whose waters mingle with those of the son of Soma."
2f05cc7569c9 · published Jul 16, 2026, 5:02:55 PM UTC
Available inRUENPage between verses with
Yudhishthira closes the debate with a clear measure: truth stands above a kingdom. That is why Krishna waits for the right time rather than breaking a friend's vow for the sake of a swift victory.