युधिष्ठिरस् तु कौन्तेय बभूवास्वस्थचेतनः ॥
अनिष्टदर्शनान् घोरान् उत्पातान् परिचिन्तयन् ॥
दारुणं ह्य् अशिवं नादं शिवा दक्षिणतः स्थिता ॥
दीप्तायां दिशि वित्रस्ता रौति तस्याश्रमस्य ह ॥
एकपक्षाक्षिचरणा वर्तिका घोरदर्शना ॥
रुधिरं वमन्ती ददृशे प्रत्यादित्यम् अपस्वरा ॥
प्रववाव् अनिलो रूक्षश् चण्डः शर्करकर्षणः ॥
अपसव्यानि सर्वाणि मृगपक्षिरुतानि च ॥
पृष्ठतो वायसः कृष्णो याहि याहीति वाशति ॥
मुहुर् मुहुः प्रस्फुरति दक्षिणो ऽस्य भुजस् तथा ॥
हृदयं चरणश् चापि वामो ऽस्य परिवर्तते ॥
सव्यस्याक्ष्णो विकारश् चाप्य् अनिष्टः समपद्यत ॥
स धर्मराजो मेधावी शङ्कमानो महद् भयम् ॥
द्रौपदीं परिपप्रच्छ क्व भीम इति भारत ॥
शशंस तस्मै पाञ्चाली चिरयातं वृकोदरम् ॥
स प्रतस्थे महाबाहुर् धौम्येन सहितो नृपः ॥
द्रौपद्या रक्षणं कार्यम् इत्य् उवाच धनंजयम् ॥
नकुलं सहदेवं च व्यादिदेश द्विजान् प्रति ॥
स तस्य पदम् उन्नीय तस्माद् एवाश्रमात् प्रभुः ॥
ददर्श पृथिवीं चिह्नैर् भीमस्य परिचिह्निताम् ॥
धावतस् तस्य वीरस्य मृगार्थे वातरंहसः ॥
ऊरुवातविनिर्भग्नान् द्रुमान् व्यावर्जितान् पथि ॥
स गत्वा तैस् तदा चिह्नैर् ददर्श गिरिगह्वरे ॥
गृहीतं भुजगेन्द्रेण निश्चेष्टम् अनुजं तथा ॥
yudhiṣṭhiras tu kaunteya babhūvāsvasthacetanaḥ ||
aniṣṭadarśanān ghorān utpātān paricintayan ||
dāruṇaṃ hy aśivaṃ nādaṃ śivā dakṣiṇataḥ sthitā ||
dīptāyāṃ diśi vitrastā rauti tasyāśramasya ha ||
ekapakṣākṣicaraṇā vartikā ghoradarśanā ||
rudhiraṃ vamantī dadṛśe pratyādityam apasvarā ||
pravavāv anilo rūkṣaś caṇḍaḥ śarkarakarṣaṇaḥ ||
apasavyāni sarvāṇi mṛgapakṣirutāni ca ||
pṛṣṭhato vāyasaḥ kṛṣṇo yāhi yāhīti vāśati ||
muhur muhuḥ prasphurati dakṣiṇo 'sya bhujas tathā ||
hṛdayaṃ caraṇaś cāpi vāmo 'sya parivartate ||
savyasyākṣṇo vikāraś cāpy aniṣṭaḥ samapadyata ||
sa dharmarājo medhāvī śaṅkamāno mahad bhayam ||
draupadīṃ paripapraccha kva bhīma iti bhārata ||
śaśaṃsa tasmai pāñcālī cirayātaṃ vṛkodaram ||
sa pratasthe mahābāhur dhaumyena sahito nṛpaḥ ||
draupadyā rakṣaṇaṃ kāryam ity uvāca dhanaṃjayam ||
nakulaṃ sahadevaṃ ca vyādideśa dvijān prati ||
sa tasya padam unnīya tasmād evāśramāt prabhuḥ ||
dadarśa pṛthivīṃ cihnair bhīmasya paricihnitām ||
dhāvatas tasya vīrasya mṛgārthe vātaraṃhasaḥ ||
ūruvātavinirbhagnān drumān vyāvarjitān pathi ||
sa gatvā tais tadā cihnair dadarśa girigahvare ||
gṛhītaṃ bhujagendreṇa niśceṣṭam anujaṃ tathā ||
Vaishampayana said: 'Yudhishthira, son of Kunti, grew uneasy, pondering the terrible, ill-omened portents. To the right of his ashrama, in a blazing quarter, a female jackal stood and let out a harsh, inauspicious howl. A dreadful bird appeared, with one wing, one eye, and one leg; facing the sun it tore at blood and cried in a discordant voice. A harsh, fierce wind blew, carrying pebbles; all the cries of beasts and birds sounded against the right side. Behind him a black crow cried, "Go, go"; the king's right arm trembled again and again, his heart and left leg stirred, and an ill change befell his left eye. The wise Dharmaraja, suspecting some great danger, asked Draupadi: "Where is Bhima?" Panchali told him that Vrikodara had gone long ago. Then the mighty-armed king set out at once together with Dhaumya. "Draupadi must be guarded," he said to Dhananjaya, and charged Nakula and Sahadeva with the care of the brahmins. From the very ashrama the lord followed Bhima's tracks and saw the earth marked with his signs. Along the way he saw trees broken by the wind of the hero's thighs as he ran after game, swift as the wind. Following these signs, he came to a mountain cave and saw his younger brother, motionless, seized by the lord of serpents.'
79544ed4af65 · published Jul 16, 2026, 5:12:44 PM UTC
Available inRUENPage between verses with
Yudhishthira reads the omens as both king and brother: the world speaks to him of misfortune. His wisdom shows in the order of his actions -- leaving the camp guarded before going to Bhima.