तं दृष्ट्वा घोरसङ्काशं नरसिंहं महाबलम् । दग्धाक्षिपक्ष्मा दैत्येन्द्रो विह्वलाङ्गः पपात ह
प्रह्लादोऽपि तदा दृष्ट्वा नारसिंहोपमं हरिम् । जयशब्देन देवेशं नमश्चक्रे जनार्दनम्
ददर्श तस्य गात्रेषु नृसिंहस्य महात्मनः । लोकान्समुद्रान्सद्वीपान्सुरगन्धर्वमानुषान्
अजाण्डानां सहस्रं तु सटाग्रे तस्य दृश्यते । दृश्यन्ते तस्य नेत्रेषु सोमसूर्यादयस्तथा
कर्णयोरश्विनौ देवौ दिशश्च विदिशस्तथा । ललाटे ब्रह्मरुद्रौ च नभो वायुश्च नासिके
इन्द्राग्नी तस्य वक्त्रान्ते जिह्वायां तु सरस्वती । दंष्ट्रासु सिंहशार्दूलाः शरभाश्च महोरगाः
कण्ठे च दृश्यते मेरुः स्कन्धेऽपि च महाद्रयः । देवतिर्यङ्मनुष्याश्च बाहुष्वपि महात्मनः
नाभौ चास्यान्तरिक्षं च पादयोः पृथिवी तथा । मेर्वादयः पर्वताश्च दृश्यन्तेऽङ्गुलिपङ्क्तिषु
रोमस्वोषधयः सर्वाः पादपा नखपङ्क्तिषु । निःश्वासेषु च वेदाश्च साङ्गोपाङ्गसमन्विताः
आदित्या वसवो रुद्रा विश्वेदेवा मरुद्गणाः । सर्वाङ्गेषु प्रदृश्यन्ते गन्धर्वाप्सरसश्च ये
taṃ dṛṣṭvā ghorasaṅkāśaṃ narasiṃhaṃ mahābalam | dagdhākṣipakṣmā daityendro vihvalāṅgaḥ papāta ha
prahlādo'pi tadā dṛṣṭvā nārasiṃhopamaṃ harim | jayaśabdena deveśaṃ namaścakre janārdanam
dadarśa tasya gātreṣu nṛsiṃhasya mahātmanaḥ | lokānsamudrānsadvīpānsuragandharvamānuṣān
ajāṇḍānāṃ sahasraṃ tu saṭāgre tasya dṛśyate | dṛśyante tasya netreṣu somasūryādayastathā
karṇayoraśvinau devau diśaśca vidiśastathā | lalāṭe brahmarudrau ca nabho vāyuśca nāsike
indrāgnī tasya vaktrānte jihvāyāṃ tu sarasvatī | daṃṣṭrāsu siṃhaśārdūlāḥ śarabhāśca mahoragāḥ
kaṇṭhe ca dṛśyate meruḥ skandhe'pi ca mahādrayaḥ | devatiryaṅmanuṣyāśca bāhuṣvapi mahātmanaḥ
nābhau cāsyāntarikṣaṃ ca pādayoḥ pṛthivī tathā | mervādayaḥ parvatāśca dṛśyante'ṅgulipaṅktiṣu
romasvoṣadhayaḥ sarvāḥ pādapā nakhapaṅktiṣu | niḥśvāseṣu ca vedāśca sāṅgopāṅgasamanvitāḥ
ādityā vasavo rudrā viśvedevā marudgaṇāḥ | sarvāṅgeṣu pradṛśyante gandharvāpsarasaśca ye
Увидев его, ужасного видом человекольва, весьма мощного, владыка дайтьев с опалёнными ресницами, с обессилевшим телом, пал. А Прахлада, увидев тогда Хари, явившегося человекольвом, возгласом победы совершил поклон владыке богов, Джанардане. И увидел он в членах того человекольва, великого душою, миры, океаны с материками, богов, гандхарвов и людей. Тысяча яиц Брахмы видна на кончике Его гривы; в очах Его видны луна, солнце и прочие; в ушах — два бога Ашвины, стороны света и промежуточные стороны; во лбу — Брахма и Рудра, в ноздрях — небо и ветер; в углах уст — Индра и Агни, на языке — Сарасвати; в клыках — львы, тигры, шарабхи и великие змии; в горле видна Меру, и на плечах — великие горы; в руках великого душою — боги, животные и люди; в пупе у Него — воздушное пространство, в стопах — земля; Меру и прочие горы видны в рядах пальцев; в волосках — все травы, деревья — в рядах когтей; в выдохах — Веды с ангами и упангами; Адитьи, Васу, Рудры, Вишведевы, сонмы Марутов и все гандхарвы и апсары являются во всех Его членах.
b20f29806ad0 · published Sep 3, 2026, 4:14:06 AM UTC
Available inRUPage between verses with
Отец и сын смотрят на одно и то же и видят разное. Одному опаляет ресницы, другому открывает вселенную — облик не двоится, двоится взгляд, и то, чем встречают явившегося, определяет, что в нём будет увидено.