सर्वथापि त एवोभय-लिङ्गात्
sarvathāpi ta evobhaya-liṅgāt
ПАРИНИШТХИТЕ — при всяком раскладе ИМЕННО ТЕ [бхагавад-дхармы: слушание, киртан]; свои — в час досуга.
अथ परिनिष्ठितः परीक्ष्यते । आत्म-क्रीड आत्म-रतिः क्रियावान् [मु.उ. 3.1.4] इत्य् आदि श्रूयते । अत्र परिनिष्ठितस्य लोकार्थं वर्णाश्रम-धर्माः कर्तव्यतया प्राप्ताः प्रीत्य्-अर्थं श्रवणादयो भगवद्-धर्माश् च । तेषाम् उभयेषां युगपत्-प्राप्तौ किं ते क्रमेणानुष्ठेयाः किं वाद्यान् विहायोत्तरे ते इति सन्देहे युगपद्-अनुष्ठान-सम्भवात् विहितानां त्यागे दोषाच् चानिर्णयेन भाव्यम् इति प्राप्ते—
सर्वथापि त एवोभय-लिङ्गात् ॥
अपिर् अवधारणे । सर्वथैव स्व-धर्मानुरोधम् अकृत्वैवेत्य् अर्थः । परिनिष्ठितेन तेन भगवद्-धर्मा एवानुष्ठेया । स्व-धर्मास् तु कथञ्चित् गौण-काले । एवं कुतः ? तत्राह—उभयेति । तम् एवैकं जानथ [मु.उ. 3.2.5] इत्य् आदि श्रुति-लिङ्गात् ।
महात्मानस् तु मां पार्थ दैवीं प्रकृतिम् आश्रिताः ।
भजन्त्य् अनन्य-मनसो ज्ञात्वा भूतादिम् अव्ययम् ॥
सततं कीर्तयन्तो मां यतन्तश् च दृढ-व्रताः ।
नमस्यन्तश् च मां भक्त्या नित्य-युक्ता उपासते ॥ [गीता 9.13-14]
इत्य् आदि श्रुति-लिङ्गाच् च ॥34॥
atha pariniṣṭhitaḥ parīkṣyate | ātma-krīḍa ātma-ratiḥ kriyāvān [mu.u. 3.1.4] ity ādi śrūyate | atra pariniṣṭhitasya lokārthaṁ varṇāśrama-dharmāḥ kartavyatayā prāptāḥ prīty-arthaṁ śravaṇādayo bhagavad-dharmāś ca | teṣām ubhayeṣāṁ yugapat-prāptau kiṁ te krameṇānuṣṭheyāḥ kiṁ vādyān vihāyottare te iti sandehe yugapad-anuṣṭhāna-sambhavāt vihitānāṁ tyāge doṣāc cānirṇayena bhāvyam iti prāpte—
sarvathāpi ta evobhaya-liṅgāt ||
apir avadhāraṇe | sarvathaiva sva-dharmānurodham akṛtvaivety arthaḥ | pariniṣṭhitena tena bhagavad-dharmā evānuṣṭheyā | sva-dharmās tu kathañcit gauṇa-kāle | evaṁ kutaḥ ? tatrāha—ubhayeti | tam evaikaṁ jānatha [mu.u. 3.2.5] ity ādi śruti-liṅgāt |
mahātmānas tu māṁ pārtha daivīṁ prakṛtim āśritāḥ |
bhajanty ananya-manaso jñātvā bhūtādim avyayam ||
satataṁ kīrtayanto māṁ yatantaś ca dṛḍha-vratāḥ |
namasyantaś ca māṁ bhaktyā nitya-yuktā upāsate || [gītā 9.13-14]
ity ādi śruti-liṅgāc ca ||34||
dcc5a766a9b8 · published Jul 27, 2026, 5:30:26 AM UTC
Available inRUPage between verses with
Теперь — ПАРИНИШТХИТА: у него ради людей — дхармы варн-ашрамов, ради любви — БХАГАВАД-ДХАРМЫ (слушание и прочие). При совпадении разом — чередом? При полученном «не решить» —
«При всяком раскладе — именно те: по обеим приметам».
ПРИ ВСЯКОМ РАСКЛАДЕ, НЕ СЧИТАЯСЬ со своими дхармами, — именно БХАГАВАД-ДХАРМЫ; свои — кое-как, В ЧАС ДОСУГА. Приметы: «ЕГО ОДНОГО знайте»; «великие души чтят безраздельным умом, ВСЕГДА ВОСПЕВАЯ Меня, кланяясь с бхактью».