विगाहन् स रथानीकम् अश्वसंघांश् च फल्गुनः ॥
व्यचरत् पृतनामध्ये पाशहस्त इवान्तकः ॥
तं दृष्ट्वा युधि विक्रान्तं सेनायां तव भारत ॥
संशप्तकगणान् भूयः पुत्रस् ते समचोदयत् ॥
ततो रथसहस्रेण द्विरदानां त्रिभिः शतैः ॥
चतुर्दशसहस्रैश् च तुरगाणां महाहवे ॥
द्वाभ्यां शतसहस्राभ्यां पदातीनां च धन्विनाम् ॥
शूराणां नामलब्धानां विदितानां समन्ततः ॥
अभ्यवर्तन्त तौ वीरौ छादयन्तो महारथाः ॥
स छाद्यमानः समरे शरैः परबलार्दनः ॥
दर्शयन् रौद्रम् आत्मानं पाशहस्त इवान्तकः ॥
निघ्नन् संशप्तकान् पार्थः प्रेक्षणीयतरो ऽभवत् ॥
ततो विद्युत्प्रभैर् बाणैः कार्तस्वरविभूषितैः ॥
निरन्तरम् इवाकाशम् आसीन् नुन्नैः किरीटिना ॥
किरीटिभुजनिर्मुक्तैः संपतद्भिर् महाशरैः ॥
समाच्छन्नं बभौ सर्वं काद्रवेयैर् इव प्रभो ॥
रुक्मपुङ्खान् प्रसन्नाग्राञ् शरान् संनतपर्वणः ॥
अदर्शयद् अमेयात्मा दिक्षु सर्वासु पाण्डवः ॥
हत्वा दश सहस्राणि पार्थिवानां महारथः ॥
संशप्तकानां कौन्तेयः प्रपक्षं त्वरितो ऽभ्ययात् ॥
प्रपक्षं स समासाद्य पार्थः काम्बोजरक्षितम् ॥
प्रममाथ बलाद् बाणैर् दानवान् इव वासवः ॥
vigāhan sa rathānīkam aśvasaṃghāṃś ca phalgunaḥ ||
vyacarat pṛtanāmadhye pāśahasta ivāntakaḥ ||
taṃ dṛṣṭvā yudhi vikrāntaṃ senāyāṃ tava bhārata ||
saṃśaptakagaṇān bhūyaḥ putras te samacodayat ||
tato rathasahasreṇa dviradānāṃ tribhiḥ śataiḥ ||
caturdaśasahasraiś ca turagāṇāṃ mahāhave ||
dvābhyāṃ śatasahasrābhyāṃ padātīnāṃ ca dhanvinām ||
śūrāṇāṃ nāmalabdhānāṃ viditānāṃ samantataḥ ||
abhyavartanta tau vīrau chādayanto mahārathāḥ ||
sa chādyamānaḥ samare śaraiḥ parabalārdanaḥ ||
darśayan raudram ātmānaṃ pāśahasta ivāntakaḥ ||
nighnan saṃśaptakān pārthaḥ prekṣaṇīyataro 'bhavat ||
tato vidyutprabhair bāṇaiḥ kārtasvaravibhūṣitaiḥ ||
nirantaram ivākāśam āsīn nunnaiḥ kirīṭinā ||
kirīṭibhujanirmuktaiḥ saṃpatadbhir mahāśaraiḥ ||
samācchannaṃ babhau sarvaṃ kādraveyair iva prabho ||
rukmapuṅkhān prasannāgrāñ śarān saṃnataparvaṇaḥ ||
adarśayad ameyātmā dikṣu sarvāsu pāṇḍavaḥ ||
hatvā daśa sahasrāṇi pārthivānāṃ mahārathaḥ ||
saṃśaptakānāṃ kaunteyaḥ prapakṣaṃ tvarito 'bhyayāt ||
prapakṣaṃ sa samāsādya pārthaḥ kāmbojarakṣitam ||
pramamātha balād bāṇair dānavān iva vāsavaḥ ||
Пхалгуна, входя в строй колесниц и скопления коней, двигался посреди войска, как Антака с петлёй в руке. Увидев его доблестный натиск в твоей армии, Бхарата, твой сын снова направил против него отряды самшаптаков. Тогда тысяча колесниц, три сотни слонов, четырнадцать тысяч коней в великой битве и двести тысяч пеших лучников, славных героев, известных повсюду, двинулись на этих двух героев, покрывая их стрелами. Осыпаясь в бою стрелами, Партха, сокрушитель чужой силы, являл свой грозный облик, как Антака с петлёй в руке; сражая самшаптаков, он становился ещё более зрелищным. Затем всё небо словно стало непрерывно заполненным молниевидными стрелами, украшенными золотом, которые пускал Киритин. Всё сияло, покрытое великими стрелами, выпущенными из рук Киритина и летящими вниз, словно змеями Кадру, о владыка. Неизмеримый духом Пандава показывал во всех сторонах золотопёрые стрелы с ясными остриями и гладкими стволами. Убив десять тысяч царственных махаратхов среди самшаптаков, Каунтея быстро двинулся к флангу. Достигнув фланга, защищённого Камбоджами, Партха силой сокрушил его стрелами, как Васава сокрушает данавов».
46336a081227 · publicado 20 jun 2026, 6:21:34 UTC
Disponible enRUPasa de verso en verso con
Арджуна в этом отрезке описан почти как орудие неизбежности. Но его сила движется под управлением Кришны: колесница входит в хаос не ради ярости, а ради восстановления направления там, где войско распадается.