द्रौणिपाण्डवयोर् एवं वर्तमाने महारणे ॥
वर्धमाने च राजेन्द्र द्रोणपुत्रे महाबले ॥
हीयमाने च कौन्तेये कृष्णं रोषः समभ्ययात् ॥
स रोषान् निःश्वसन् राजन् निर्दहन्न् इव चक्षुषा ॥
द्रौणिं ह्य् अपश्यत् संग्रामे फल्गुनं च मुहुर् मुहुः ॥
ततः क्रुद्धो ऽब्रवीत् कृष्णः पार्थं सप्रणयं तदा ॥
अत्यद्भुतम् इदं पार्थ तव पश्यामि संयुगे ॥
अतिशेते हि यत्र त्वा द्रोणपुत्रो ऽद्य भारत ॥
कच्चित् ते गाण्डिवं हस्ते रथे तिष्ठसि चार्जुन ॥
कच्चित् कुशलिनौ बाहू कच्चिद् वीर्यं तद् एव ते ॥
एवम् उक्तस् तु कृष्णेन क्षिप्त्वा भल्लांश् चतुर्दश ॥
त्वरमाणस् त्वराकाले द्रौणेर् धनुर् अथाच्छिनत् ॥
ध्वजं छत्रं पताकां च रथं शक्तिं गदां तथा ॥
जत्रुदेशे च सुभृशं वत्सदन्तैर् अताडयत् ॥
स मूर्च्छां परमां गत्वा ध्वजयष्टिं समाश्रितः ॥
तं विसंज्ञं महाराज किरीटिभयपीडितम् ॥
अपोवाह रणात् सूतो रक्षमाणो धनंजयात् ॥
एतस्मिन्न् एव काले तु विजयः शत्रुतापनः ॥
न्यवधीत् तावकं सैन्यं शतशो ऽथ सहस्रशः ॥
पश्यतस् तव पुत्रस्य तस्य वीरस्य भारत ॥
एवम् एष क्षयो वृत्तस् तावकानां परैः सह ॥
क्रूरो विशसनो घोरो राजन् दुर्मन्त्रिते तव ॥
संशप्तकांश् च कौन्तेयः कुरूंश् चापि वृकोदरः ॥
वसुषेणं च पाञ्चालः कृत्स्नेन व्यधमद् रणे ॥
drauṇipāṇḍavayor evaṃ vartamāne mahāraṇe ||
vardhamāne ca rājendra droṇaputre mahābale ||
hīyamāne ca kaunteye kṛṣṇaṃ roṣaḥ samabhyayāt ||
sa roṣān niḥśvasan rājan nirdahann iva cakṣuṣā ||
drauṇiṃ hy apaśyat saṃgrāme phalgunaṃ ca muhur muhuḥ ||
tataḥ kruddho 'bravīt kṛṣṇaḥ pārthaṃ sapraṇayaṃ tadā ||
atyadbhutam idaṃ pārtha tava paśyāmi saṃyuge ||
atiśete hi yatra tvā droṇaputro 'dya bhārata ||
kaccit te gāṇḍivaṃ haste rathe tiṣṭhasi cārjuna ||
kaccit kuśalinau bāhū kaccid vīryaṃ tad eva te ||
evam uktas tu kṛṣṇena kṣiptvā bhallāṃś caturdaśa ||
tvaramāṇas tvarākāle drauṇer dhanur athācchinat ||
dhvajaṃ chatraṃ patākāṃ ca rathaṃ śaktiṃ gadāṃ tathā ||
jatrudeśe ca subhṛśaṃ vatsadantair atāḍayat ||
sa mūrcchāṃ paramāṃ gatvā dhvajayaṣṭiṃ samāśritaḥ ||
taṃ visaṃjñaṃ mahārāja kirīṭibhayapīḍitam ||
apovāha raṇāt sūto rakṣamāṇo dhanaṃjayāt ||
etasminn eva kāle tu vijayaḥ śatrutāpanaḥ ||
nyavadhīt tāvakaṃ sainyaṃ śataśo 'tha sahasraśaḥ ||
paśyatas tava putrasya tasya vīrasya bhārata ||
evam eṣa kṣayo vṛttas tāvakānāṃ paraiḥ saha ||
krūro viśasano ghoro rājan durmantrite tava ||
saṃśaptakāṃś ca kaunteyaḥ kurūṃś cāpi vṛkodaraḥ ||
vasuṣeṇaṃ ca pāñcālaḥ kṛtsnena vyadhamad raṇe ||
Пока так шла великая битва между Драуни и Пандавой, пока великосильный сын Дроны усиливался, а Каунтея слабел, о царь царей, Кришну охватил гнев. Тяжело дыша от гнева и словно испепеляя взглядом, он снова и снова смотрел в сражении то на Драуни, то на Пхалгуну. Тогда разгневанный Кришна с любовью сказал Партхе: «Я вижу в бою нечто крайне удивительное, Партха: сегодня сын Дроны превосходит тебя, Бхарата. Гандива ли у тебя в руке? Ты ли стоишь на колеснице, Арджуна? Целы ли твои руки? Та же ли у тебя доблесть?» Услышав эти слова Кришны, Арджуна быстро, в нужный миг, выпустил четырнадцать бхалл и рассёк лук Драуни, его стяг, зонт, вымпел, колесницу, копьё и булаву. Затем он очень сильно поразил его в область ключиц стрелами-ватсадантами. Драуни впал в глубокий обморок и опёрся на древко знамени. Возница увёз его, бесчувственного, измученного страхом перед Киритиным, с поля боя, защищая от Дхананджаи. В это самое время Виджая, палящий врагов, на глазах твоего доблестного сына, Бхарата, убивал твоё войско сотнями и тысячами. Так произошло это жестокое, кровавое и страшное истребление твоих и их противников, царь, из-за твоего дурного совета. Каунтея полностью разбил самшаптаков, Врикодара — Куру, а Панчала в бою рассеял Васушену».
652474bff639 · publicado 20 jun 2026, 6:21:34 UTC
Disponible enRUPasa de verso en verso con
Кришна пробуждает Арджуну не холодным упрёком, а близкой, почти резкой любовью. Его слова возвращают Партху к памяти о Гандиве, руках и силе; после этого смятение сменяется точным действием.