तम् आनीतं सरस्वत्या दृष्ट्वा कोपसमन्वितः ॥
अथान्वेषत् प्रहरणं वसिष्ठान्तकरं तदा ॥
तं तु क्रुद्धम् अभिप्रेक्ष्य ब्रह्महत्याभयान् नदी ॥
अपोवाह वसिष्ठं तु प्राचीं दिशम् अतन्द्रिता ॥
उभयोः कुर्वती वाक्यं वञ्चयित्वा तु गाधिजम् ॥
ततो ऽपवाहितं दृष्ट्वा वसिष्ठम् ऋषिसत्तमम् ॥
अब्रवीद् अथ संक्रुद्धो विश्वामित्रो ह्य् अमर्षणः ॥
यस्मान् मा त्वं सरिच्छ्रेष्ठे वञ्चयित्वा पुनर् गता ॥
शोणितं वह कल्याणि रक्षोग्रामणिसंमतम् ॥
ततः सरस्वती शप्ता विश्वामित्रेण धीमता ॥
अवहच् छोणितोन्मिश्रं तोयं संवत्सरं तदा ॥
अथर्षयश् च देवाश् च गन्धर्वाप्सरसस् तथा ॥
सरस्वतीं तथा दृष्ट्वा बभूवुर् भृशदुःखिताः ॥
एवं वसिष्ठापवाहो लोके ख्यातो जनाधिप ॥
आगच्छच् च पुनर् मार्गं स्वम् एव सरितां वरा ॥
tam ānītaṃ sarasvatyā dṛṣṭvā kopasamanvitaḥ ||
athānveṣat praharaṇaṃ vasiṣṭhāntakaraṃ tadā ||
taṃ tu kruddham abhiprekṣya brahmahatyābhayān nadī ||
apovāha vasiṣṭhaṃ tu prācīṃ diśam atandritā ||
ubhayoḥ kurvatī vākyaṃ vañcayitvā tu gādhijam ||
tato 'pavāhitaṃ dṛṣṭvā vasiṣṭham ṛṣisattamam ||
abravīd atha saṃkruddho viśvāmitro hy amarṣaṇaḥ ||
yasmān mā tvaṃ saricchreṣṭhe vañcayitvā punar gatā ||
śoṇitaṃ vaha kalyāṇi rakṣogrāmaṇisaṃmatam ||
tataḥ sarasvatī śaptā viśvāmitreṇa dhīmatā ||
avahac choṇitonmiśraṃ toyaṃ saṃvatsaraṃ tadā ||
atharṣayaś ca devāś ca gandharvāpsarasas tathā ||
sarasvatīṃ tathā dṛṣṭvā babhūvur bhṛśaduḥkhitāḥ ||
evaṃ vasiṣṭhāpavāho loke khyāto janādhipa ||
āgacchac ca punar mārgaṃ svam eva saritāṃ varā ||
«Его, принесённого Сарасвати, увидев, гневом охваченный, тогда искал оружие, Васиштхе конец несущее, тогда. Его же, гневного, узрев, из страха брахманоубийства река унесла Васиштху на восточную сторону, неустанная. Тогда, унесённого увидев Васиштху, лучшего из риши, сказал тогда, разгневанный, Вишвамитра, нетерпеливый: „Поскольку меня ты, о лучшая из рек, обманув, снова ушла, — кровь неси, о прекрасная, ракшасов-вождями поедаемую“. Тогда Сарасвати, проклятая Вишвамитрой мудрым, несла кровью смешанную воду год тогда. И риши, и боги, гандхарвы, апсары, Сарасвати такою увидев, стали крайне опечалены. Так „Васиштхапаваха“ в мире прославлен, о владыка людей; и вернулась снова на свой путь лучшая из рек».
c862c194040f · publicado 20 jun 2026, 16:20:00 UTC
Disponible enRUPasa de verso en verso con
Видя, что замысел сорван, Вишвамитра в неистовстве проклинает спасшую — обрекает реку течь кровью. Так необузданный гнев карает невинного за совершённое им добро: река исполнила долг милосердия и за это осквернена на целый год, к скорби всех существ. Но проклятие не вечно — Сарасвати возвращается на свой чистый путь. Зло, рождённое ревностью, проходит; святыня же, осквернённая ненадолго, вновь обретает чистоту.