वैशंपायन उवाच
नारदस्य वचः श्रुत्वा तान् अभ्यर्च्य द्विजर्षभान् ॥
सर्वान् विसर्जयाम् आस ये तेनाभ्यागताः सह ॥
गम्यतां द्वारकां चेति सो ऽन्वशाद् अनुयायिनः ॥
सो ऽवतीर्याचलश्रेष्ठात् प्लक्षप्रस्रवणाच् छुभात् ॥
ततः प्रीतमना रामः श्रुत्वा तीर्थफलं महत् ॥
विप्राणां संनिधौ श्लोकम् अगायद् इदम् अच्युतः ॥
सरस्वतीवाससमा कुतो रतिः; सरस्वतीवाससमाः कुतो गुणाः ॥
सरस्वतीं प्राप्य दिवं गता जनाः; सदा स्मरिष्यन्ति नदीं सरस्वतीम् ॥
सरस्वती सर्वनदीषु पुण्या; सरस्वती लोकसुखावहा सदा ॥
सरस्वतीं प्राप्य जनाः सुदुष्कृताः; सदा न शोचन्ति परत्र चेह च ॥
ततो मुहुर् मुहुः प्रीत्या प्रेक्षमाणः सरस्वतीम् ॥
हयैर् युक्तं रथं शुभ्रम् आतिष्ठत परंतपः ॥
स शीघ्रगामिना तेन रथेन यदुपुंगवः ॥
दिदृक्षुर् अभिसंप्राप्तः शिष्ययुद्धम् उपस्थितम् ॥
vaiśaṃpāyana uvāca
nāradasya vacaḥ śrutvā tān abhyarcya dvijarṣabhān ||
sarvān visarjayām āsa ye tenābhyāgatāḥ saha ||
gamyatāṃ dvārakāṃ ceti so 'nvaśād anuyāyinaḥ ||
so 'vatīryācalaśreṣṭhāt plakṣaprasravaṇāc chubhāt ||
tataḥ prītamanā rāmaḥ śrutvā tīrthaphalaṃ mahat ||
viprāṇāṃ saṃnidhau ślokam agāyad idam acyutaḥ ||
sarasvatīvāsasamā kuto ratiḥ; sarasvatīvāsasamāḥ kuto guṇāḥ ||
sarasvatīṃ prāpya divaṃ gatā janāḥ; sadā smariṣyanti nadīṃ sarasvatīm ||
sarasvatī sarvanadīṣu puṇyā; sarasvatī lokasukhāvahā sadā ||
sarasvatīṃ prāpya janāḥ suduṣkṛtāḥ; sadā na śocanti paratra ceha ca ||
tato muhur muhuḥ prītyā prekṣamāṇaḥ sarasvatīm ||
hayair yuktaṃ rathaṃ śubhram ātiṣṭhata paraṃtapaḥ ||
sa śīghragāminā tena rathena yadupuṃgavaḥ ||
didṛkṣur abhisaṃprāptaḥ śiṣyayuddham upasthitam ||
Вайшампаяна сказал: «Нарады слово услышав, тех почтив, быков-брахманов, всех отпустил, кои с ним пришли вместе. Он, сойдя с лучшей из гор, с Плакшапрасраваны святой, тогда, с довольным умом, Рама, услышав плод брода великий: „С жизнью на Сарасвати — откуда такая радость? С жизнью на Сарасвати — откуда такие достоинства? Сарасвати достигнув, на небо ушедшие люди всегда будут помнить реку Сарасвати. Сарасвати среди всех рек святейшая, Сарасвати, миру счастье несущая всегда; Сарасвати достигнув, люди, тяжко злодеявшие, всегда не скорбят — ни в ином мире, ни здесь“. Тогда снова и снова с любовью взирая на Сарасвати, конями запряжённую светлую колесницу взошёл, губитель врагов. Он, той быстроходной колесницею, бык ядавов, желая видеть, прибыл к битве учеников, наставшей».
c0bb921f4f96 · publicado 20 jun 2026, 17:20:00 UTC
Disponible enRUPasa de verso en verso con
Странствие смыкается гимном Сарасвати: нет радости, нет добродетели, подобной жизни у этой реки, и достигший её не скорбит ни здесь, ни в ином мире. Баларама, насытившись благодатью паломничества, с любовью оглядывается на реку — и спешит к полю, к смертной схватке учеников. Так созерцание святыни и неотвратимая брань сходятся в одном миге: омытый миром паломник въезжает в мир скорби, неся в сердце свет реки.