नारद उवाच
इत्यालोच्य स धर्मात्मा ययौ स्वपितुराश्रमम् । आचख्यौ पितरं सर्वं स्वमातुर्दुःखकारणम्
निशम्य पुत्रवचनं मातृदुःखनिवेदकम् । उवाच स मुनिश्रेष्ठः पुत्रं प्रणतकन्धरम्
हे तात मातरं स्वीयां शीघ्रमुद्धर दुर्गतेः । नयविद्भूपतिः शत्रोर्जयलक्ष्मीमिवाहवे
न तारयति यः पुत्रो मातरं पितरं स्वकम् । दुःखात्स याति नरकं यदि तारयितुं क्षमः
स्वपुत्रात्प्राप्य पानीयं पिण्डांश्च वरतीर्थके । पितरो नरकात्स्वर्गं स्वर्गाद्यान्ति हरेः पदम्
तस्मादाशु समुत्तिष्ठ गच्छ खाण्डवकानने । तत्रास्ति यमुना पुण्या मुनिवर्यनिषेविता
तत्तीरेऽस्ति हरिप्रस्थं सर्वतीर्थमयं ततः । पुण्यं मधुवनं तत्र विष्णुना स्थापितं स्वयम्
तत्र स्नात्वा तु विधिवत्कृत्वा नित्यक्रियां निजाम् । तामुद्दिश्य कुरु श्राद्धं स्वप्रसोश्च कुरु क्रियाम्
त्वया तत्र कृते श्राद्धे तस्याः सद्गतिमिच्छता । सा प्राप्स्यति हरेर्लोकं हित्वा गोधाङ्गमुल्बणम्
गयायां पिण्डदानेन यत्फलं तात जायते । ततः शतगुणं पुण्यं सद्भिर्मधुवने स्मृतम्
इदानीं वर्तते तात कन्याराशिगतो रविः । पुत्र गत्वा कुरु श्राद्धं पूर्वानुद्दिश्य बान्धवान्
ityālocya sa dharmātmā yayau svapiturāśramam | ācakhyau pitaraṃ sarvaṃ svamāturduḥkhakāraṇam
niśamya putravacanaṃ mātṛduḥkhanivedakam | uvāca sa muniśreṣṭhaḥ putraṃ praṇatakandharam
he tāta mātaraṃ svīyāṃ śīghramuddhara durgateḥ | nayavidbhūpatiḥ śatrorjayalakṣmīmivāhave
na tārayati yaḥ putro mātaraṃ pitaraṃ svakam | duḥkhātsa yāti narakaṃ yadi tārayituṃ kṣamaḥ
svaputrātprāpya pānīyaṃ piṇḍāṃśca varatīrthake | pitaro narakātsvargaṃ svargādyānti hareḥ padam
tasmādāśu samuttiṣṭha gaccha khāṇḍavakānane | tatrāsti yamunā puṇyā munivaryaniṣevitā
tattīre'sti hariprasthaṃ sarvatīrthamayaṃ tataḥ | puṇyaṃ madhuvanaṃ tatra viṣṇunā sthāpitaṃ svayam
tatra snātvā tu vidhivatkṛtvā nityakriyāṃ nijām | tāmuddiśya kuru śrāddhaṃ svaprasośca kuru kriyām
tvayā tatra kṛte śrāddhe tasyāḥ sadgatimicchatā | sā prāpsyati harerlokaṃ hitvā godhāṅgamulbaṇam
gayāyāṃ piṇḍadānena yatphalaṃ tāta jāyate | tataḥ śataguṇaṃ puṇyaṃ sadbhirmadhuvane smṛtam
idānīṃ vartate tāta kanyārāśigato raviḥ | putra gatvā kuru śrāddhaṃ pūrvānuddiśya bāndhavān
Рассудив так, тот праведный пошёл в обитель своего отца и поведал отцу всё о причине страдания своей матери. Выслушав слово сына, возвестившее о горе матери, лучший из мудрецов сказал сыну, склонившему выю: «О сын, скорее вызволи свою мать из злой участи — как сведущий в политике царь в битве вырывает у врага Лакшми победы. Сын, который способен спасти мать и отца от страдания и не спасает, сам идёт в ад. Получив от своего сына воду и пинды в лучшей тиртхе, предки идут из ада на небо, а с неба — в обитель Хари. Потому скорее встань и иди в лес Кхандава: там течёт святая Ямуна, почитаемая лучшими из мудрецов. На её берегу — Харипрастха, вмещающая все тиртхи, а там и святая Мадхувана, утверждённая самим Вишну. Омывшись там по правилу и совершив свой ежедневный обряд, соверши шраддху, посвятив её матери, и исполни обряд для своей родительницы. Когда ты, желающий ей благой участи, совершишь там шраддху, она оставит ужасное тело годхи и обретёт мир Хари. Какой плод рождается от подношения пинды в Гае, стократнее того признан праведными плод в Мадхуване. Ныне же, сын, Солнце вошло в знак Девы; пойди и соверши шраддху, посвятив её предкам и родным».
d4e7a51ec9a6 · publicado 3 sept 2026, 4:14:05 UTC
Disponible enRUPasa de verso en verso con
Отец не ограничивается разрешением: он превращает долг сына в закон — не спасший родителей, имея силу, сам идёт туда же. И место названо точно, вместе со сроком: солнце в Деве, время осенней шраддхи.