Повествователь
तस्मिन् प्रतिहते ऽस्त्रे तु रावणो राक्षसाधिपः । क्रोधं च द्विगुणं चक्रे क्रोधाच् चास्त्रम् अनन्तरम् ॥
मयेन विहितं रौद्रम् अन्यद् अस्त्रं महाद्युतिः । उत्स्रष्टुं रावणो घोरं राघवाय प्रचक्रमे ॥
ततः शूलानि निश्चेरुर् गदाश् च मुसलानि च । कार्मुकाद् दीप्यमानानि वज्रसाराणि सर्वशः ॥
कूटमुद्गरपाशाश् च दीप्ताश् चाशनयस् तथा । निष्पेतुर् विविधास् तीक्ष्णा वाता इव युगक्षये ॥
तद् अस्त्रं राघवः श्रीमान् उत्तमास्त्रविदां वरः । जघान परमास्त्रेण गन्धर्वेण महाद्युतिः ॥
तस्मिन् प्रतिहते ऽस्त्रे तु राघवेण महात्मना । रावणः क्रोधताम्राक्षः सौरम् अस्त्रम् उदीरयत् ॥
ततश् चक्राणि निष्पेतुर् भास्वराणि महान्ति च । कार्मुकाद् भीमवेगस्य दशग्रीवस्य धीमतः ॥
तैर् आसीद् गगनं दीप्तं संपतद्भिर् इतस् ततः । पतद्भिश् च दिशो दीप्तैश् चन्द्रसूर्यग्रहैर् इव ॥
तानि चिच्छेद बाणौघैश् चक्राणि तु स राघवः । आयुधानि विचित्राणि रावणस्य चमूमुखे ॥
तद् अस्त्रं तु हतं दृष्ट्वा रावणो राक्षसाधिपः । विव्याध दशभिर् बाणै रामं सर्वेषु मर्मसु ॥
स विद्धो दशभिर् बाणैर् महाकार्मुकनिःसृतैः । रावणेन महातेजा न प्राकम्पत राघवः ॥
ततो विव्याध गात्रेषु सर्वेषु समितिंजयः । राघवस् तु सुसंक्रुद्धो रावणं बहुभिः शरैः ॥
tasmin pratihate 'stre tu rāvaṇo rākṣasādhipaḥ | krodhaṃ ca dviguṇaṃ cakre krodhāc cāstram anantaram ||
mayena vihitaṃ raudram anyad astraṃ mahādyutiḥ | utsraṣṭuṃ rāvaṇo ghoraṃ rāghavāya pracakrame ||
tataḥ śūlāni niścerur gadāś ca musalāni ca | kārmukād dīpyamānāni vajrasārāṇi sarvaśaḥ ||
kūṭamudgarapāśāś ca dīptāś cāśanayas tathā | niṣpetur vividhās tīkṣṇā vātā iva yugakṣaye ||
tad astraṃ rāghavaḥ śrīmān uttamāstravidāṃ varaḥ | jaghāna paramāstreṇa gandharveṇa mahādyutiḥ ||
tasmin pratihate 'stre tu rāghaveṇa mahātmanā | rāvaṇaḥ krodhatāmrākṣaḥ sauram astram udīrayat ||
tataś cakrāṇi niṣpetur bhāsvarāṇi mahānti ca | kārmukād bhīmavegasya daśagrīvasya dhīmataḥ ||
tair āsīd gaganaṃ dīptaṃ saṃpatadbhir itas tataḥ | patadbhiś ca diśo dīptaiś candrasūryagrahair iva ||
tāni ciccheda bāṇaughaiś cakrāṇi tu sa rāghavaḥ | āyudhāni vicitrāṇi rāvaṇasya camūmukhe ||
tad astraṃ tu hataṃ dṛṣṭvā rāvaṇo rākṣasādhipaḥ | vivyādha daśabhir bāṇai rāmaṃ sarveṣu marmasu ||
sa viddho daśabhir bāṇair mahākārmukaniḥsṛtaiḥ | rāvaṇena mahātejā na prākampata rāghavaḥ ||
tato vivyādha gātreṣu sarveṣu samitiṃjayaḥ | rāghavas tu susaṃkruddho rāvaṇaṃ bahubhiḥ śaraiḥ ||
Когда его оружие было отражено, Равана, владыка ракшасов, разгневался вдвойне и от гнева взял следующее оружие. Великоблестящий Равана начал выпускать в Рагхаву другое страшное оружие, грозное и созданное Майей. Из его лука повсюду вылетели пылающие копья, булавы и песты, крепкие как молния; кувалы, молоты, петли и пылающие молнии, разные и острые, понеслись как ветры при конце юги. Но славный Рагхава, лучший из знатоков высших оружий, разбил это оружие высшим гандхарвским оружием. Когда великодушный Рагхава отразил и это оружие, Равана, с глазами, медными от гнева, возбудил солнечное оружие. Из лука мудрого Десятишеего, страшного в натиске, вылетели великие сияющие диски. Они летели и падали туда и сюда, и всё небо и стороны света засияли, словно наполненные лунами, солнцами и планетами. Но Рагхава потоками стрел рассёк эти диски и разнообразные оружия Раваны перед лицом войска. Увидев, что и это оружие разрушено, Равана пронзил Раму десятью стрелами во все уязвимые места. Пронзённый десятью стрелами, выпущенными из великого лука Раваны, великосияющий Рагхава не дрогнул. Тогда сильно разгневанный Рагхава, победитель в схватках, пронзил Равану многими стрелами по всему телу.
603fa84205d7 · publicado 22 jun 2026, 0:00:00 UTC
Disponible enRUPasa de verso en verso con
Равана сменяет одно чудовищное оружие за другим, но каждое его усиление лишь показывает устойчивость Рамы. Там, где гнев Раваны множит формы разрушения, знание Рамы возвращает порядок.