ततः शिलां समुत्क्षिप्य भीमस्य युधि तिष्ठतः ॥
प्राहिणोद् राक्षसः क्रुद्धो भीमसेनश् चचाल ह ॥
तं शिलाताडनजडं पर्यधावत् स राक्षसः ॥
बाहुविक्षिप्तकिरणः स्वर्भानुर् इव भास्करम् ॥
ताव् अन्योन्यं समाश्लिष्य प्रकर्षन्तौ परस्परम् ॥
उभाव् अपि चकाशेते प्रयुद्धौ वृषभाव् इव ॥
तयोर् आसीत् सुतुमुलः संप्रहारः सुदारुणः ॥
नखदंष्ट्रायुधवतोर् व्याघ्रयोर् इव दृप्तयोः ॥
दुर्योधननिकाराच् च बाहुवीर्याच् च दर्पितः ॥
कृष्णानयनदृष्टश् च व्यवर्धत वृकोदरः ॥
अभिपत्याथ बाहुभ्यां प्रत्यगृह्णाद् अमर्षितः ॥
मातङ्ग इव मातङ्गं प्रभिन्नकरटामुखः ॥
तं चाप्य् आथ ततो रक्षः प्रतिजग्राह वीर्यवान् ॥
तम् आक्षिपद् भीमसेनो बलेन बलिनां वरः ॥
तयोर् भुजविनिष्पेषाद् उभयोर् बलिनोस् तदा ॥
शब्दः समभवद् घोरो वेणुस्फोटसमो युधि ॥
अथैनम् आक्षिप्य बलाद् गृह्य मध्ये वृकोदरः ॥
धूनयाम् आस वेगेन वायुश् चण्ड इव द्रुमम् ॥
स भीमेन परामृष्टो दुर्बलो बलिना रणे ॥
व्यस्पन्दत यथाप्राणं विचकर्ष च पाण्डवम् ॥
तत एनं परिश्रान्तम् उपलभ्य वृकोदरः ॥
योक्त्रयाम् आस बाहुभ्यां पशुं रशनया यथा ॥
विनदन्तं महानादं भिन्नभेरीसमस्वनम् ॥
भ्रामयाम् आस सुचिरं विस्फुरन्तम् अचेतसम् ॥
तं विषीदन्तम् आज्ञाय राक्षसं पाण्डुनन्दनः ॥
प्रगृह्य तरसा दोर्भ्यां पशुमारम् अमारयत् ॥
आक्रम्य स कटीदेशे जानुना राक्षसाधमम् ॥
अपीडयत बाहुभ्यां कण्ठं तस्य वृकोदरः ॥
अथ तं जडसर्वाङ्गं व्यावृत्तनयनोल्बणम् ॥
भूतले पातयाम् आस वाक्यं चेदम् उवाच ह ॥
हिडिम्बबकयोः पाप न त्वम् अश्रुप्रमार्जनम् ॥
करिष्यसि गतश् चासि यमस्य सदनं प्रति ॥
इत्य् एवम् उक्त्वा पुरुषप्रवीरस्; तं राक्षसं क्रोधविवृत्तनेत्रः ॥
प्रस्रस्तवस्त्राभरणं स्फुरन्तम्; उद्भ्रान्तचित्तं व्यसुम् उत्ससर्ज ॥
तस्मिन् हते तोयदतुल्यरूपे; कृष्णां पुरस्कृत्य नरेन्द्रपुत्राः ॥
भीमं प्रशस्याथ गुणैर् अनेकैर्; हृष्टास् ततो द्वैतवनाय जग्मुः ॥
tataḥ śilāṃ samutkṣipya bhīmasya yudhi tiṣṭhataḥ ||
prāhiṇod rākṣasaḥ kruddho bhīmasenaś cacāla ha ||
taṃ śilātāḍanajaḍaṃ paryadhāvat sa rākṣasaḥ ||
bāhuvikṣiptakiraṇaḥ svarbhānur iva bhāskaram ||
tāv anyonyaṃ samāśliṣya prakarṣantau parasparam ||
ubhāv api cakāśete prayuddhau vṛṣabhāv iva ||
tayor āsīt sutumulaḥ saṃprahāraḥ sudāruṇaḥ ||
nakhadaṃṣṭrāyudhavator vyāghrayor iva dṛptayoḥ ||
duryodhananikārāc ca bāhuvīryāc ca darpitaḥ ||
kṛṣṇānayanadṛṣṭaś ca vyavardhata vṛkodaraḥ ||
abhipatyātha bāhubhyāṃ pratyagṛhṇād amarṣitaḥ ||
mātaṅga iva mātaṅgaṃ prabhinnakaraṭāmukhaḥ ||
taṃ cāpy ātha tato rakṣaḥ pratijagrāha vīryavān ||
tam ākṣipad bhīmaseno balena balināṃ varaḥ ||
tayor bhujaviniṣpeṣād ubhayor balinos tadā ||
śabdaḥ samabhavad ghoro veṇusphoṭasamo yudhi ||
athainam ākṣipya balād gṛhya madhye vṛkodaraḥ ||
dhūnayām āsa vegena vāyuś caṇḍa iva drumam ||
sa bhīmena parāmṛṣṭo durbalo balinā raṇe ||
vyaspandata yathāprāṇaṃ vicakarṣa ca pāṇḍavam ||
tata enaṃ pariśrāntam upalabhya vṛkodaraḥ ||
yoktrayām āsa bāhubhyāṃ paśuṃ raśanayā yathā ||
vinadantaṃ mahānādaṃ bhinnabherīsamasvanam ||
bhrāmayām āsa suciraṃ visphurantam acetasam ||
taṃ viṣīdantam ājñāya rākṣasaṃ pāṇḍunandanaḥ ||
pragṛhya tarasā dorbhyāṃ paśumāram amārayat ||
ākramya sa kaṭīdeśe jānunā rākṣasādhamam ||
apīḍayata bāhubhyāṃ kaṇṭhaṃ tasya vṛkodaraḥ ||
atha taṃ jaḍasarvāṅgaṃ vyāvṛttanayanolbaṇam ||
bhūtale pātayām āsa vākyaṃ cedam uvāca ha ||
hiḍimbabakayoḥ pāpa na tvam aśrupramārjanam ||
kariṣyasi gataś cāsi yamasya sadanaṃ prati ||
ity evam uktvā puruṣapravīras; taṃ rākṣasaṃ krodhavivṛttanetraḥ ||
prasrastavastrābharaṇaṃ sphurantam; udbhrāntacittaṃ vyasum utsasarja ||
tasmin hate toyadatulyarūpe; kṛṣṇāṃ puraskṛtya narendraputrāḥ ||
bhīmaṃ praśasyātha guṇair anekair; hṛṣṭās tato dvaitavanāya jagmuḥ ||
Then Kirmira lifted a boulder and hurled it at Bhima as he stood in battle; Bhimasena staggered. The rakshasa circled around him as he reeled from the blow, like the eclipse-demon Svarbhanu circling the sun, spreading his arms like rays. The two grappled with each other, each dragging the other, and both blazed in combat like two bulls. Their clash was tumultuous and terrible, like that of two proud tigers armed with claws and fangs. Roused by Duryodhana's insult, proud in the strength of his arms, and watched by the eyes of Krishna-Draupadi, Vrikodara grew ever mightier. He sprang forward and seized him with both arms, filled with fury, as one rutting elephant seizes another, its temples streaming with musth. The mighty rakshasa in turn seized him back, but Bhimasena, best of the strong, wrenched him with his strength. From the crushing grip of their two mighty arms there arose in that battle a terrible sound, like the splitting of bamboo. Then Vrikodara, wrenching him by force and seizing him about the middle, began to shake him swiftly, as a fierce wind shakes a tree. Overpowered by the strength of mighty Bhima in that battle, the rakshasa grew weak, yet still he struggled with what strength remained, dragging at the Pandava. Then, perceiving that he was exhausted, Vrikodara bound him with his arms, as one binds a beast with a rope, and for a long while whirled him about, bellowing his great roar like a shattered drum, thrashing and senseless. Perceiving the rakshasa sinking, the son of Pandu seized him swiftly with both arms and slew him with the killing-stroke used on beasts. Setting his knee upon the loins of that vilest of rakshasas, Vrikodara pressed his throat with both arms. Then, when his whole body had grown rigid and his eyes rolled back in a ghastly stare, Bhima cast him to the ground and spoke this word: "Sinner, you shall not wipe away the tears of Hidimba and Baka -- and you shall not, for you have gone now to the abode of Yama." Having spoken thus, that hero among men, his eyes rolling with rage, released the rakshasa -- his garments and ornaments fallen loose, still twitching, his mind reeling -- now lifeless. When he who resembled a raincloud in form had been slain, the princes, placing Krishna before them, praised Bhima for his many virtues, and, rejoicing, set out for Dvaitavana.
c37642d9c65a · प्रकाशित 16 जुल॰ 2026, 4:44:34 pm UTC
उपलब्ध भाषाएँRUENश्लोक बदलें इन कुंजियों से
Bhima's strength here is bound not to fury for its own sake but to the protection of Draupadi and his brothers. The gaze of Krishna-Draupadi fuels him further: the memory of her humiliation becomes the kindling of righteous anger. But the ending is precise -- Bhima takes no pleasure in cruelty; he removes an obstacle and leads his family onward.