स तूत्थाय महाबाहुर् उपसान्त्व्य च ताञ् जनान् ॥
धनुर् विकृष्य व्यसृजद् बाणाञ् श्वेते महागिरौ ॥
बिभेद स शरैः शैलं क्रौञ्चं हिमवतः सुतम् ॥
तेन हंसाश् च गृध्राश् च मेरुं गच्छन्ति पर्वतम् ॥
स विशीर्णो ऽपतच् छैलो भृशम् आर्तस्वरान् रुवन् ॥
तस्मिन् निपतिते त्व् अन्ये नेदुः शैला भृशं भयात् ॥
स तं नादं भृशार्तानां श्रुत्वापि बलिनां वरः ॥
न प्राव्यथद् अमेयात्मा शक्तिम् उद्यम्य चानदत् ॥
सा तदा विपुला शक्तिः क्षिप्ता तेन महात्मना ॥
बिभेद शिखरं घोरं श्वेतस्य तरसा गिरेः ॥
स तेनाभिहतो दीनो गिरिः श्वेतो ऽचलैः सह ॥
उत्पपात महीं त्यक्त्वा भीतस् तस्मान् महात्मनः ॥
ततः प्रव्यथिता भूमिर् व्यशीर्यत समन्ततः ॥
आर्ता स्कन्दं समासाद्य पुनर् बलवती बभौ ॥
पर्वताश् च नमस्कृत्य तम् एव पृथिवीं गताः ॥
अथायम् अभजल् लोकः स्कन्दं शुक्लस्य पञ्चमीम् ॥
sa tūtthāya mahābāhur upasāntvya ca tāñ janān ||
dhanur vikṛṣya vyasṛjad bāṇāñ śvete mahāgirau ||
bibheda sa śaraiḥ śailaṃ krauñcaṃ himavataḥ sutam ||
tena haṃsāś ca gṛdhrāś ca meruṃ gacchanti parvatam ||
sa viśīrṇo 'patac chailo bhṛśam ārtasvarān ruvan ||
tasmin nipatite tv anye neduḥ śailā bhṛśaṃ bhayāt ||
sa taṃ nādaṃ bhṛśārtānāṃ śrutvāpi balināṃ varaḥ ||
na prāvyathad ameyātmā śaktim udyamya cānadat ||
sā tadā vipulā śaktiḥ kṣiptā tena mahātmanā ||
bibheda śikharaṃ ghoraṃ śvetasya tarasā gireḥ ||
sa tenābhihato dīno giriḥ śveto 'calaiḥ saha ||
utpapāta mahīṃ tyaktvā bhītas tasmān mahātmanaḥ ||
tataḥ pravyathitā bhūmir vyaśīryata samantataḥ ||
ārtā skandaṃ samāsādya punar balavatī babhau ||
parvatāś ca namaskṛtya tam eva pṛthivīṃ gatāḥ ||
athāyam abhajal lokaḥ skandaṃ śuklasya pañcamīm ||
Mahāsena rose, comforted the people, drew his bow and loosed arrows at the great White Mountain. With his arrows he cleft Krauñca, son of Himavat; since then swans and vultures pass through it on their way to Mount Meru. The riven mountain fell with a cry of anguish, and the other mountains roared aloud in terror. But Skanda, foremost among the mighty, did not waver; raising the śakti, he cried out once more. The vast śakti hurled by him swiftly cleft the terrible peak of the White Mountain. Struck by it, the mountain, together with the others, took flight in terror of the great Skanda, abandoning the earth. Then the earth trembled and began to crumble on every side, but, drawing near to Skanda, it grew strong once again. The mountains bowed to him and returned to the earth. From then on this world came to honor Skanda on the fifth night of the bright half of the month.
c698b1f1a5cf · प्रकाशित 16 जुल॰ 2026, 5:22:26 pm UTC
उपलब्ध भाषाएँRUENश्लोक बदलें इन कुंजियों से
The fifth lunar night is tied to the first manifestation of Skanda's power. He terrifies the mountains, yet restores stability to the earth: his fearsomeness serves the restoration of order.