संजय उवाच
एतच् छ्रुत्वा वचनं केशवस्य; कृताञ्जलिर् वेपमानः किरीटी ॥
नमस्कृत्वा भूय एवाह कृष्णं; सगद्गदं भीतभीतः प्रणम्य ॥
अर्जुन उवाच
स्थाने हृषीकेश तव प्रकीर्त्या; जगत् प्रहृष्यत्य् अनुरज्यते च ॥
रक्षांसि भीतानि दिशो द्रवन्ति; सर्वे नमस्यन्ति च सिद्धसंघाः ॥
कस्माच् च ते न नमेरन् महात्मन्; गरीयसे ब्रह्मणो ऽप्य् आदिकर्त्रे ॥
अनन्त देवेश जगन्निवास; त्वम् अक्षरं सद् असत् तत्परं यत् ॥
त्वम् आदिदेवः पुरुषः पुराणस्; त्वम् अस्य विश्वस्य परं निधानम् ॥
वेत्तासि वेद्यं च परं च धाम; त्वया ततं विश्वम् अनन्तरूप ॥
वायुर् यमो ऽग्निर् वरुणः शशाङ्कः; प्रजापतिस् त्वं प्रपितामहश् च ॥
नमो नमस् ते ऽस्तु सहस्रकृत्वः; पुनश् च भूयो ऽपि नमो नमस् ते ॥
नमः पुरस्ताद् अथ पृष्ठतस् ते; नमो ऽस्तु ते सर्वत एव सर्व ॥
अनन्तवीर्यामितविक्रमस् त्वं; सर्वं समाप्नोषि ततो ऽसि सर्वः ॥
सखेति मत्वा प्रसभं यद् उक्तं; हे कृष्ण हे यादव हे सखेति ॥
अजानता महिमानं तवेदं; मया प्रमादात् प्रणयेन वापि ॥
यच् चावहासार्थम् असत्कृतो ऽसि; विहारशय्यासनभोजनेषु ॥
एको ऽथ वाप्य् अच्युत तत्समक्षं; तत् क्षामये त्वाम् अहम् अप्रमेयम् ॥
पितासि लोकस्य चराचरस्य; त्वम् अस्य पूज्यश् च गुरुर् गरीयान् ॥
न त्वत्समो ऽस्त्य् अभ्यधिकः कुतो ऽन्यो; लोकत्रये ऽप्य् अप्रतिमप्रभाव ॥
तस्मात् प्रणम्य प्रणिधाय कायं; प्रसादये त्वाम् अहम् ईशम् ईड्यम् ॥
पितेव पुत्रस्य सखेव सख्युः; प्रियः प्रियायार्हसि देव सोढुम् ॥
अदृष्टपूर्वं हृषितो ऽस्मि दृष्ट्वा; भयेन च प्रव्यथितं मनो मे ॥
तद् एव मे दर्शय देव रूपं; प्रसीद देवेश जगन्निवास ॥
किरीटिनं गदिनं चक्रहस्तम्; इच्छामि त्वां द्रष्टुम् अहं तथैव ॥
तेनैव रूपेण चतुर्भुजेन; सहस्रबाहो भव विश्वमूर्ते ॥
saṃjaya uvāca
etac chrutvā vacanaṃ keśavasya; kṛtāñjalir vepamānaḥ kirīṭī ||
namaskṛtvā bhūya evāha kṛṣṇaṃ; sagadgadaṃ bhītabhītaḥ praṇamya ||
arjuna uvāca
sthāne hṛṣīkeśa tava prakīrtyā; jagat prahṛṣyaty anurajyate ca ||
rakṣāṃsi bhītāni diśo dravanti; sarve namasyanti ca siddhasaṃghāḥ ||
kasmāc ca te na nameran mahātman; garīyase brahmaṇo 'py ādikartre ||
ananta deveśa jagannivāsa; tvam akṣaraṃ sad asat tatparaṃ yat ||
tvam ādidevaḥ puruṣaḥ purāṇas; tvam asya viśvasya paraṃ nidhānam ||
vettāsi vedyaṃ ca paraṃ ca dhāma; tvayā tataṃ viśvam anantarūpa ||
vāyur yamo 'gnir varuṇaḥ śaśāṅkaḥ; prajāpatis tvaṃ prapitāmahaś ca ||
namo namas te 'stu sahasrakṛtvaḥ; punaś ca bhūyo 'pi namo namas te ||
namaḥ purastād atha pṛṣṭhatas te; namo 'stu te sarvata eva sarva ||
anantavīryāmitavikramas tvaṃ; sarvaṃ samāpnoṣi tato 'si sarvaḥ ||
sakheti matvā prasabhaṃ yad uktaṃ; he kṛṣṇa he yādava he sakheti ||
ajānatā mahimānaṃ tavedaṃ; mayā pramādāt praṇayena vāpi ||
yac cāvahāsārtham asatkṛto 'si; vihāraśayyāsanabhojaneṣu ||
eko 'tha vāpy acyuta tatsamakṣaṃ; tat kṣāmaye tvām aham aprameyam ||
pitāsi lokasya carācarasya; tvam asya pūjyaś ca gurur garīyān ||
na tvatsamo 'sty abhyadhikaḥ kuto 'nyo; lokatraye 'py apratimaprabhāva ||
tasmāt praṇamya praṇidhāya kāyaṃ; prasādaye tvām aham īśam īḍyam ||
piteva putrasya sakheva sakhyuḥ; priyaḥ priyāyārhasi deva soḍhum ||
adṛṣṭapūrvaṃ hṛṣito 'smi dṛṣṭvā; bhayena ca pravyathitaṃ mano me ||
tad eva me darśaya deva rūpaṃ; prasīda deveśa jagannivāsa ||
kirīṭinaṃ gadinaṃ cakrahastam; icchāmi tvāṃ draṣṭum ahaṃ tathaiva ||
tenaiva rūpeṇa caturbhujena; sahasrabāho bhava viśvamūrte ||
Sanjaya said: "Having heard these words of Keshava, Kiriti, trembling, with joined palms, bowed once more to Krishna and, choked with fear, spoke: 'O Hrishikesha, it is fitting that the world rejoices and is drawn to love by Your renown; the rakshasas flee in fear in every direction, and the hosts of siddhas bow down to You. And how should they not bow to You, O great one, who surpass even Brahma, the primal creator? O boundless one, Lord of gods, abode of the world, You are the imperishable — being, non-being, and that which is beyond them. You are the first God, the ancient Purusha, the supreme treasury of this universe; You are the knower, the knowable, and the highest abode; by You the universe is pervaded, O form without end. You are Vayu, Yama, Agni, Varuna, the moon, Prajapati, and the forefather. Homage, homage to You a thousand times; and again and yet again, homage, homage to You. Homage to You before and behind; homage to You on every side, O All. You possess boundless power and measureless might; You encompass everything, and therefore You are everything. Thinking of You as a friend, I spoke rashly, saying, "O Krishna, O Yadava, O friend," not knowing this greatness of Yours, whether from carelessness or from affection. And if in jest I showed You disrespect, at rest, on the couch, while seated, or at meals, alone or in the presence of others, O Achyuta, for all this I beg Your forgiveness, O immeasurable one. You are the father of the world, of all that moves and does not move; You are its object of worship and its greater teacher. There is none equal to You, still less anyone greater, even in the three worlds, O one of incomparable power. Therefore, bowing and prostrating my body, I entreat Your grace, O Lord worthy of praise. As a father bears with a son, as a friend with a friend, as a lover with a beloved, so You, O God, should bear with me. Having seen what was never seen before, I rejoice, yet my mind trembles with fear. O God, show me again that former form. Be gracious, Lord of gods, abode of the world. I wish to see You just as before: crowned, with mace and discus in hand. O thousand-armed one, O universal form, become again that same four-armed form.'"
dccbaec2482a · प्रकाशित 17 जुल॰ 2026, 9:02:20 pm UTC
उपलब्ध भाषाएँRUENश्लोक बदलें इन कुंजियों से
Arjuna's fear turns into repentance. The intimacy of friendship with Krishna is not rejected, but now it is purified by knowledge of His boundless greatness. Arjuna asks to see again the form in which love can breathe without terror.