अथ सैन्यस्य मध्ये तु प्राक्रोशत् पाण्डवाग्रजः ॥
यो ऽस्मान् वृणोति तद् अहं वरये साह्यकारणात् ॥
अथ तान् समभिप्रेक्ष्य युयुत्सुर् इदम् अब्रवीत् ॥
प्रीतात्मा धर्मराजानं कुन्तीपुत्रं युधिष्ठिरम् ॥
अहं योत्स्यामि मिषतः संयुगे धार्तराष्ट्रजान् ॥
युष्मदर्थे महाराज यदि मां वृणुषे ऽनघ ॥
युधिष्ठिर उवाच
एह्य् एहि सर्वे योत्स्यामस् तव भ्रातॄन् अपण्डितान् ॥
युयुत्सो वासुदेवश् च वयं च ब्रूम सर्वशः ॥
वृणोमि त्वां महाबाहो युध्यस्व मम कारणात् ॥
त्वयि पिण्डश् च तन्तुश् च धृतराष्ट्रस्य दृश्यते ॥
भजस्वास्मान् राजपुत्र भजमानान् महाद्युते ॥
न भविष्यति दुर्बुद्धिर् धार्तराष्ट्रो ऽत्यमर्षणः ॥
संजय उवाच
ततो युयुत्सुः कौरव्यः परित्यज्य सुतांस् तव ॥
जगाम पाण्डुपुत्राणां सेनां विश्राव्य दुन्दुभिम् ॥
atha sainyasya madhye tu prākrośat pāṇḍavāgrajaḥ ||
yo 'smān vṛṇoti tad ahaṃ varaye sāhyakāraṇāt ||
atha tān samabhiprekṣya yuyutsur idam abravīt ||
prītātmā dharmarājānaṃ kuntīputraṃ yudhiṣṭhiram ||
ahaṃ yotsyāmi miṣataḥ saṃyuge dhārtarāṣṭrajān ||
yuṣmadarthe mahārāja yadi māṃ vṛṇuṣe 'nagha ||
yudhiṣṭhira uvāca
ehy ehi sarve yotsyāmas tava bhrātṝn apaṇḍitān ||
yuyutso vāsudevaś ca vayaṃ ca brūma sarvaśaḥ ||
vṛṇomi tvāṃ mahābāho yudhyasva mama kāraṇāt ||
tvayi piṇḍaś ca tantuś ca dhṛtarāṣṭrasya dṛśyate ||
bhajasvāsmān rājaputra bhajamānān mahādyute ||
na bhaviṣyati durbuddhir dhārtarāṣṭro 'tyamarṣaṇaḥ ||
saṃjaya uvāca
tato yuyutsuḥ kauravyaḥ parityajya sutāṃs tava ||
jagāma pāṇḍuputrāṇāṃ senāṃ viśrāvya dundubhim ||
Then the eldest Pandava cried out in the midst of the army: "Whoever chooses us, him I accept for his aid." Then Yuyutsu, having looked upon them, said with a contented heart to the King of Dharma, Yudhishthira, son of Kunti: "O great king, if you accept me, I will fight for your sake in this battle against the sons of Dhritarashtra, before their very eyes." Yudhishthira replied: "Come, come! We shall all fight against your unwise brothers. O Yuyutsu, Vasudeva and all of us say this: I accept you, mighty-armed one. Fight for my cause. In you is seen the funeral offering and the family line of Dhritarashtra. Join us, O prince, us who accept you, radiant one. The evil-minded, intolerant son of Dhritarashtra shall not endure." Then Yuyutsu, of the Kuru line, forsook your sons and, to the sound of a kettledrum, went over into the army of the sons of Pandu.
46800a3713d9 · प्रकाशित 17 जुल॰ 2026, 9:12:34 pm UTC
उपलब्ध भाषाएँRUENश्लोक बदलें इन कुंजियों से
Yuyutsu chooses dharma over his own family. His crossing over is a reminder that belonging to a lineage is not greater than truth, and that even within the house of Dhritarashtra there remains one able to hear the call of righteousness.