राजोवाच
कृतं सर्वेण भद्रं ते जप्यं यद् याचितं मया ॥
स्वस्ति ते ऽस्तु गमिष्यामि किं च तस्य फलं वद ॥
ब्राह्मण उवाच
फलप्राप्तिं न जानामि दत्तं यज् जपितं मया ॥
अयं धर्मश् च कालश् च यमो मृत्युश् च साक्षिणः ॥
राजोवाच
अज्ञातम् अस्य धर्मस्य फलं मे किं करिष्यति ॥
प्राप्नोतु तत् फलं विप्रो नाहम् इच्छे ससंशयम् ॥
ब्राह्मण उवाच
नाददे ऽपरवक्तव्यं दत्तं वाचा फलं मया ॥
वाक्यं प्रमाणं राजर्षे ममापि तव चैव हि ॥
नाभिसंधिर् मया जप्ये कृतपूर्वः कथं चन ॥
जप्यस्य राजशार्दूल कथं ज्ञास्याम्य् अहं फलम् ॥
ददस्वेति त्वया चोक्तं ददामीति तथा मया ॥
न वाचं दूषयिष्यामि सत्यं रक्ष स्थिरो भव ॥
अथैवं वदतो मे ऽद्य वचनं न करिष्यसि ॥
महान् अधर्मो भविता तव राजन् मृषाकृतः ॥
न युक्तं तु मृषा वाणी त्वया वक्तुम् अरिंदम ॥
तथा मयाप्य् अभ्यधिकं मृषा वक्तुं न शक्यते ॥
संश्रुतं च मया पूर्वं ददानीत्य् अविचारितम् ॥
तद् गृह्णीष्वाविचारेण यदि सत्ये स्थितो भवान् ॥
इहागम्य हि मां राजञ् जाप्यं फलम् अयाचिथाः ॥
तन् मन्निसृष्टं गृह्णीष्व भव सत्ये स्थिरो ऽपि च ॥
नायं लोको ऽस्ति न परो न च पूर्वान् स तारयेत् ॥
कुत एवावरान् राजन् मृषावादपरायणः ॥
न यज्ञाध्ययने दानं नियमास् तारयन्ति हि ॥
तथा सत्यं परे लोके यथा वै पुरुषर्षभ ॥
तपांसि यानि चीर्णानि चरिष्यसि च यत् तपः ॥
समाः शतैः सहस्रैश् च तत् सत्यान् न विशिष्यते ॥
सत्यम् एकाक्षरं ब्रह्म सत्यम् एकाक्षरं तपः ॥
सत्यम् एकाक्षरो यज्ञः सत्यम् एकाक्षरं श्रुतम् ॥
सत्यं वेदेषु जागर्ति फलं सत्ये परं स्मृतम् ॥
सत्याद् धर्मो दमश् चैव सर्वं सत्ये प्रतिष्ठितम् ॥
सत्यं वेदास् तथाङ्गानि सत्यं यज्ञस् तथा विधिः ॥
व्रतचर्यास् तथा सत्यम् ओंकारः सत्यम् एव च ॥
प्राणिनां जननं सत्यं सत्यं संततिर् एव च ॥
सत्येन वायुर् अभ्येति सत्येन तपते रविः ॥
सत्येन चाग्निर् दहति स्वर्गः सत्ये प्रतिष्ठितः ॥
सत्यं यज्ञस् तपो वेदाः स्तोभा मन्त्राः सरस्वती ॥
तुलाम् आरोपितो धर्मः सत्यं चैवेति नः श्रुतम् ॥
समां कक्षां धारयतो यतः सत्यं ततो ऽधिकम् ॥
यतो धर्मस् ततः सत्यं सर्वं सत्येन वर्धते ॥
किमर्थम् अनृतं कर्म कर्तुं राजंस् त्वम् इच्छसि ॥
सत्ये कुरु स्थिरं भावं मा राजन्न् अनृतं कृथाः ॥
कस्मात् त्वम् अनृतं वाक्यं देहीति कुरुषे ऽशुभम् ॥
यदि जप्यफलं दत्तं मया नेषिष्यसे नृप ॥
स्वधर्मेभ्यः परिभ्रष्टो लोकान् अनुचरिष्यसि ॥
संश्रुत्य यो न दित्सेत याचित्वा यश् च नेच्छति ॥
उभाव् आनृतिकाव् एतौ न मृषा कर्तुम् अर्हसि ॥
rājovāca
kṛtaṃ sarveṇa bhadraṃ te japyaṃ yad yācitaṃ mayā ||
svasti te 'stu gamiṣyāmi kiṃ ca tasya phalaṃ vada ||
brāhmaṇa uvāca
phalaprāptiṃ na jānāmi dattaṃ yaj japitaṃ mayā ||
ayaṃ dharmaś ca kālaś ca yamo mṛtyuś ca sākṣiṇaḥ ||
rājovāca
ajñātam asya dharmasya phalaṃ me kiṃ kariṣyati ||
prāpnotu tat phalaṃ vipro nāham icche sasaṃśayam ||
brāhmaṇa uvāca
nādade 'paravaktavyaṃ dattaṃ vācā phalaṃ mayā ||
vākyaṃ pramāṇaṃ rājarṣe mamāpi tava caiva hi ||
nābhisaṃdhir mayā japye kṛtapūrvaḥ kathaṃ cana ||
japyasya rājaśārdūla kathaṃ jñāsyāmy ahaṃ phalam ||
dadasveti tvayā coktaṃ dadāmīti tathā mayā ||
na vācaṃ dūṣayiṣyāmi satyaṃ rakṣa sthiro bhava ||
athaivaṃ vadato me 'dya vacanaṃ na kariṣyasi ||
mahān adharmo bhavitā tava rājan mṛṣākṛtaḥ ||
na yuktaṃ tu mṛṣā vāṇī tvayā vaktum ariṃdama ||
tathā mayāpy abhyadhikaṃ mṛṣā vaktuṃ na śakyate ||
saṃśrutaṃ ca mayā pūrvaṃ dadānīty avicāritam ||
tad gṛhṇīṣvāvicāreṇa yadi satye sthito bhavān ||
ihāgamya hi māṃ rājañ jāpyaṃ phalam ayācithāḥ ||
tan mannisṛṣṭaṃ gṛhṇīṣva bhava satye sthiro 'pi ca ||
nāyaṃ loko 'sti na paro na ca pūrvān sa tārayet ||
kuta evāvarān rājan mṛṣāvādaparāyaṇaḥ ||
na yajñādhyayane dānaṃ niyamās tārayanti hi ||
tathā satyaṃ pare loke yathā vai puruṣarṣabha ||
tapāṃsi yāni cīrṇāni cariṣyasi ca yat tapaḥ ||
samāḥ śataiḥ sahasraiś ca tat satyān na viśiṣyate ||
satyam ekākṣaraṃ brahma satyam ekākṣaraṃ tapaḥ ||
satyam ekākṣaro yajñaḥ satyam ekākṣaraṃ śrutam ||
satyaṃ vedeṣu jāgarti phalaṃ satye paraṃ smṛtam ||
satyād dharmo damaś caiva sarvaṃ satye pratiṣṭhitam ||
satyaṃ vedās tathāṅgāni satyaṃ yajñas tathā vidhiḥ ||
vratacaryās tathā satyam oṃkāraḥ satyam eva ca ||
prāṇināṃ jananaṃ satyaṃ satyaṃ saṃtatir eva ca ||
satyena vāyur abhyeti satyena tapate raviḥ ||
satyena cāgnir dahati svargaḥ satye pratiṣṭhitaḥ ||
satyaṃ yajñas tapo vedāḥ stobhā mantrāḥ sarasvatī ||
tulām āropito dharmaḥ satyaṃ caiveti naḥ śrutam ||
samāṃ kakṣāṃ dhārayato yataḥ satyaṃ tato 'dhikam ||
yato dharmas tataḥ satyaṃ sarvaṃ satyena vardhate ||
kimartham anṛtaṃ karma kartuṃ rājaṃs tvam icchasi ||
satye kuru sthiraṃ bhāvaṃ mā rājann anṛtaṃ kṛthāḥ ||
kasmāt tvam anṛtaṃ vākyaṃ dehīti kuruṣe 'śubham ||
yadi japyaphalaṃ dattaṃ mayā neṣiṣyase nṛpa ||
svadharmebhyaḥ paribhraṣṭo lokān anucariṣyasi ||
saṃśrutya yo na ditseta yācitvā yaś ca necchati ||
ubhāv ānṛtikāv etau na mṛṣā kartum arhasi ||
Царь сказал: «Достаточно: я получил то, что просил. Благо тебе, я уйду. Но скажи, каков плод этой джапы». Брахман ответил: «Я не знаю, каков плод того, что мной повторено и отдано. Дхарма, Кала, Яма и Мритью здесь свидетели». Царь сказал: «Что сделает мне неизвестный плод этой дхармы? Пусть его получит брахман; я не хочу принимать то, что связано с сомнением». Брахман сказал: «Я не возьму назад то, что должно быть передано другому: плод отдан мной словом. Слово — мера истины и для меня, и для тебя, царственный риши. Я никогда не вкладывал расчёта в свою джапу; как же мне знать её плод? Ты сказал: “Дай”, и я сказал: “Даю”. Я не оскверню свою речь; храни истину и будь твёрд. Если ты теперь не исполнишь слово, возникнет великий адхарма, сделанный ложью. Тебе не подобает говорить ложь, победитель врагов, и мне тем более невозможно солгать. Я прежде без колебаний обещал: “Даю”; бери же без колебаний, если стоишь в истине. Придя сюда, ты попросил плод джапы; бери то, что мной отпущено, и будь твёрд в истине. Тот, кто предан ложной речи, не имеет ни этого мира, ни другого; он не спасает ни предков, ни потомков. Ни жертва, ни изучение, ни дар, ни обеты не переправляют так, как истина. Даже тапасы, совершённые сотни и тысячи лет, не превосходят истину. Истина — Брахман, истина — тапас, истина — жертва, истина — Веда. Истина бодрствует в Ведах; высший плод считается в истине. От истины исходят дхарма и самоконтроль, и всё стоит на истине. Истина — Веды, веданги, жертва, правило, обеты и сама омкара. Истиной рождаются существа и продолжается род; истиной движется ветер, светит солнце и горит огонь. Небо утверждено на истине; жертва, тапас, Веды, мантры и Сарасвати — всё держится истиной. Мы слышали, что когда дхарму и истину положили на весы, истина оказалась тяжелее. Где дхарма, там истина, и всё возрастает истиной. Зачем ты хочешь совершить ложное дело, царь? Утвердись в истине и не делай лжи. Если ты откажешься принять плод джапы, который я отдал, то отпадёшь от своих дхарм и будешь блуждать по мирам. Кто обещал и не хочет дать, и кто попросил и не хочет принять, оба лживы; ты не должен делать ложь».
4346df37f1dc · प्रकाशित 21 जून 2026, 10:25:17 am UTC
उपलब्ध भाषाएँRUश्लोक बदलें इन कुंजियों से
Здесь звучит одно из сильных мест главы: истина выше ритуального плода. Брахман не знает результата своей джапы, потому что не совершал её ради расчёта, но он знает другое: сказанное слово должно быть сохранено.