पराशर उवाच
एष धर्मविधिस् तात गृहस्थस्य प्रकीर्तितः ॥
तपोविधिं तु वक्ष्यामि तन् मे निगदतः शृणु ॥
प्रायेण हि गृहस्थस्य ममत्वं नाम जायते ॥
सङ्गागतं नरश्रेष्ठ भावैस् तामसराजसैः ॥
गृहाण्य् आश्रित्य गावश् च क्षेत्राणि च धनानि च ॥
दाराः पुत्राश् च भृत्याश् च भवन्तीह नरस्य वै ॥
एवं तस्य प्रवृत्तस्य नित्यम् एवानुपश्यतः ॥
रागद्वेषौ विवर्धेते ह्य् अनित्यत्वम् अपश्यतः ॥
रागद्वेषाभिभूतं च नरं द्रव्यवशानुगम् ॥
मोहजाता रतिर् नाम समुपैति नराधिप ॥
कृतार्थो भोगतो भूत्वा स वै रतिपरायणः ॥
लाभं ग्राम्यसुखाद् अन्यं रतितो नानुपश्यति ॥
ततो लोभाभिभूतात्मा सङ्गाद् वर्धयते जनम् ॥
पुष्ट्यर्थं चैव तस्येह जनस्यार्थं चिकीर्षति ॥
स जानन्न् अपि चाकार्यम् अर्थार्थं सेवते नरः ॥
बालस्नेहपरीतात्मा तत्क्षयाच् चानुतप्यते ॥
ततो मानेन संपन्नो रक्षन्न् आत्मपराजयम् ॥
करोति येन भोगी स्याम् इति तस्माद् विनश्यति ॥
parāśara uvāca
eṣa dharmavidhis tāta gṛhasthasya prakīrtitaḥ ||
tapovidhiṃ tu vakṣyāmi tan me nigadataḥ śṛṇu ||
prāyeṇa hi gṛhasthasya mamatvaṃ nāma jāyate ||
saṅgāgataṃ naraśreṣṭha bhāvais tāmasarājasaiḥ ||
gṛhāṇy āśritya gāvaś ca kṣetrāṇi ca dhanāni ca ||
dārāḥ putrāś ca bhṛtyāś ca bhavantīha narasya vai ||
evaṃ tasya pravṛttasya nityam evānupaśyataḥ ||
rāgadveṣau vivardhete hy anityatvam apaśyataḥ ||
rāgadveṣābhibhūtaṃ ca naraṃ dravyavaśānugam ||
mohajātā ratir nāma samupaiti narādhipa ||
kṛtārtho bhogato bhūtvā sa vai ratiparāyaṇaḥ ||
lābhaṃ grāmyasukhād anyaṃ ratito nānupaśyati ||
tato lobhābhibhūtātmā saṅgād vardhayate janam ||
puṣṭyarthaṃ caiva tasyeha janasyārthaṃ cikīrṣati ||
sa jānann api cākāryam arthārthaṃ sevate naraḥ ||
bālasnehaparītātmā tatkṣayāc cānutapyate ||
tato mānena saṃpanno rakṣann ātmaparājayam ||
karoti yena bhogī syām iti tasmād vinaśyati ||
Парашара сказал: «Этот порядок дхармы домохозяина уже изложен, дорогой; теперь я скажу о порядке тапаса, слушай моё изложение. Обычно у домохозяина рождается чувство “моё”, пришедшее от привязанности и состояний раджаса и тамаса. Дома, коровы, поля, богатства, жёны, сыновья и слуги появляются у человека здесь. Когда он так вовлекается и постоянно смотрит на это, не видя непостоянства, в нём возрастают страсть и отвращение. К человеку, охваченному страстью и отвращением и следующему власти имущества, приходит наслаждение, рождённое из заблуждения, о владыка людей. Считая, что цель достигнута через наслаждение, он становится преданным наслаждению и из-за него не видит иной выгоды, кроме грубого счастья. Затем, подавленный жадностью, он из привязанности увеличивает семью и стремится добывать средства ради её содержания. Даже зная недолжное, он ради богатства прибегает к нему; окружённый привязанностью к детям, он потом скорбит от их утраты. Затем, наделённый гордостью и защищая своё поражение как честь, он делает всё, думая: “Так я буду наслаждаться”, и потому погибает».
f1121e3a7643 · प्रकाशित 21 जून 2026, 5:40:57 am UTC
उपलब्ध भाषाएँRUश्लोक बदलें इन कुंजियों से
Парашара анализирует не сам дом как зло, а ментальную цепь: mamatva, saṅga, rāga-dveṣa, lobha и страх потери. Тапас нужен, чтобы разорвать именно эту внутреннюю зависимость.