तस्मिन् काले तु हनुमान् उद्यम्य सुदुरासदम् । धरणीधरसंकाशी महावृक्षम् अरिंदमः ॥
स राक्षसानां तत् सैन्यं कालाग्निर् इव निर्दहन् । चकार बहुभिर् वृक्षैर् निःसंज्ञं युधि वानरः ॥
विध्वंसयन्तं तरसा दृष्ट्वैव पवनात्मजम् । राक्षसानां सहस्राणि हनूमन्तम् अवाकिरन् ॥
शितशूलधराः शूलैर् असिभिश् चासिपाणयः । शक्तिभिः शक्तिहस्ताश् च पट्टसैः पट्टसायुधाः ॥
परिघैश् च गदाभिश् च कुन्तैश् च शुभदर्शनैः । शतशश् च शतघ्नीभिर् आयसैर् अपि मुद्गरैः ॥
घोरैः परशुभिश् चैव भिण्डिपालैश् च राक्षसाः । मुष्टिभिर् वज्रवेगैश् च तलैर् अशनिसंनिभैः ॥
अभिजघ्नुः समासाद्य समन्तात् पर्वतोपमम् । तेषाम् अपि च संक्रुद्धश् चकार कदनं महत् ॥
स ददर्श कपिश्रेष्ठम् अचलोपमम् इन्द्रजित् । सूदयानम् अमित्रघ्नम् अमित्रान् पवनात्मजम् ॥
स सारथिम् उवाचेदं याहि यत्रैष वानरः । क्षयम् एव हि नः कुर्याद् राक्षसानाम् उपेक्षितः ॥
इत्य् उक्तः सारथिस् तेन ययौ यत्र स मारुतिः । वहन् परमदुर्धर्षं स्थितम् इन्द्रजितं रथे ॥
सो ऽभ्युपेत्य शरान् खड्गान् पट्टसासिपरश्वधान् । अभ्यवर्षत दुर्धर्षः कपिमूर्ध्नि स राक्षसः ॥
तानि शस्त्राणि घोराणि प्रतिगृह्य स मारुतिः । रोषेण महताविषो वाक्यं चेदम् उवाच ह ॥
युध्यस्व यदि शूरो ऽसि रावणात्मज दुर्मते । वायुपुत्रं समासाद्य न जीवन् प्रतियास्यसि ॥
बाहुभ्यां संप्रयुध्यस्व यदि मे द्वन्द्वम् आहवे । वेगं सहस्व दुर्बुद्धे ततस् त्वं रक्षसां वरः ॥
tasmin kāle tu hanumān udyamya sudurāsadam | dharaṇīdharasaṃkāśī mahāvṛkṣam ariṃdamaḥ ||
sa rākṣasānāṃ tat sainyaṃ kālāgnir iva nirdahan | cakāra bahubhir vṛkṣair niḥsaṃjñaṃ yudhi vānaraḥ ||
vidhvaṃsayantaṃ tarasā dṛṣṭvaiva pavanātmajam | rākṣasānāṃ sahasrāṇi hanūmantam avākiran ||
śitaśūladharāḥ śūlair asibhiś cāsipāṇayaḥ | śaktibhiḥ śaktihastāś ca paṭṭasaiḥ paṭṭasāyudhāḥ ||
parighaiś ca gadābhiś ca kuntaiś ca śubhadarśanaiḥ | śataśaś ca śataghnībhir āyasair api mudgaraiḥ ||
ghoraiḥ paraśubhiś caiva bhiṇḍipālaiś ca rākṣasāḥ | muṣṭibhir vajravegaiś ca talair aśanisaṃnibhaiḥ ||
abhijaghnuḥ samāsādya samantāt parvatopamam | teṣām api ca saṃkruddhaś cakāra kadanaṃ mahat ||
sa dadarśa kapiśreṣṭham acalopamam indrajit | sūdayānam amitraghnam amitrān pavanātmajam ||
sa sārathim uvācedaṃ yāhi yatraiṣa vānaraḥ | kṣayam eva hi naḥ kuryād rākṣasānām upekṣitaḥ ||
ity uktaḥ sārathis tena yayau yatra sa mārutiḥ | vahan paramadurdharṣaṃ sthitam indrajitaṃ rathe ||
so 'bhyupetya śarān khaḍgān paṭṭasāsiparaśvadhān | abhyavarṣata durdharṣaḥ kapimūrdhni sa rākṣasaḥ ||
tāni śastrāṇi ghorāṇi pratigṛhya sa mārutiḥ | roṣeṇa mahatāviṣo vākyaṃ cedam uvāca ha ||
yudhyasva yadi śūro 'si rāvaṇātmaja durmate | vāyuputraṃ samāsādya na jīvan pratiyāsyasi ||
bāhubhyāṃ saṃprayudhyasva yadi me dvandvam āhave | vegaṃ sahasva durbuddhe tatas tvaṃ rakṣasāṃ varaḥ ||
В то время Хануман, горе подобный сокрушитель врагов, поднял огромное, крайне неприступное дерево. Сжигая войско ракшасов как огонь времени, ванар многими деревьями сделал его в бою бессознательным. Увидев сына Ветра, стремительно сокрушающего войско, тысячи ракшасов осыпали Ханумана: державшие острые копья били копьями, мечники — мечами, державшие дротики — дротиками, вооружённые паттасами — паттасами; били палицами, булавами, красивыми копьями, сотнями шатагхни, железными молотами, страшными топорами, бхиндипалами, кулаками молниеносной силы и ладонями, подобными молнии. Приблизившись, они со всех сторон поражали гороподобного Ханумана, но он, разгневанный, совершил и среди них великое истребление. Индраджит увидел лучшего ванара, подобного горе, сына Ветра, уничтожающего врагов, и сказал возничему: «Езжай туда, где этот ванар. Если оставить его без внимания, он принесёт гибель нам, ракшасам». Услышав это, возничий повёз на колеснице крайне труднопобедимого Индраджита туда, где был Марути. Приблизившись, тот ракшас осыпал голову ванара стрелами, мечами, паттасами и секирами. Приняв эти страшные оружия, Марути, охваченный великим гневом, сказал: «Сражайся, если ты герой, дурноразумный сын Раваны. Встретившись с сыном Ваю, ты живым не уйдёшь обратно. Сразись со мной руками, если хочешь поединка в битве; выдержи мой натиск, дурноразумный, и тогда ты будешь лучшим из ракшасов».
0515691f4825 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Хануман принимает удар на себя и тем самым открывает Лакшмане путь к главной цели. Его вызов Индраджиту показывает не гордость, а готовность поставить собственное тело между врагом и служением Раме.