विभीषण वचः श्रुत्वा रावणिः क्रोधमूर्छितः । अब्रवीत् परुषं वाक्यं वेगेनाभ्युत्पपात ह ॥
उद्यतायुधनिस्त्रिंशो रथे तु समलंकृते । कालाश्वयुक्ते महति स्थितः कालान्तकोपमः ॥
महाप्रमाणम् उद्यम्य विपुलं वेगवद् दृढम् । धनुर् भीमं परामृश्य शरांश् चामित्रनाशनान् ॥
उवाचैनं समारब्धः सौमित्रिं सविभीषणम् । तांश् च वानरशार्दूलान् पश्यध्वं मे पराक्रमम् ॥
अद्य मत्कार्मुकोत्सृष्टं शरवर्षं दुरासदम् । मुक्तं वर्षम् इवाकाशे वारयिष्यथ संयुगे ॥
अद्य वो मामका बाणा महाकार्मुकनिःसृताः । विधमिष्यन्ति गात्राणि तूलराशिम् इवानलः ॥
तीक्ष्णसायकनिर्भिन्नाञ् शूलशक्त्यृष्टितोमरैः । अद्य वो गमयिष्यामि सर्वान् एव यमक्षयम् ॥
क्षिपतः शरवर्षाणि क्षिप्रहस्तस्य मे युधि । जीमूतस्येव नदतः कः स्थास्यति ममाग्रतः ॥
vibhīṣaṇa vacaḥ śrutvā rāvaṇiḥ krodhamūrchitaḥ | abravīt paruṣaṃ vākyaṃ vegenābhyutpapāta ha ||
udyatāyudhanistriṃśo rathe tu samalaṃkṛte | kālāśvayukte mahati sthitaḥ kālāntakopamaḥ ||
mahāpramāṇam udyamya vipulaṃ vegavad dṛḍham | dhanur bhīmaṃ parāmṛśya śarāṃś cāmitranāśanān ||
uvācainaṃ samārabdhaḥ saumitriṃ savibhīṣaṇam | tāṃś ca vānaraśārdūlān paśyadhvaṃ me parākramam ||
adya matkārmukotsṛṣṭaṃ śaravarṣaṃ durāsadam | muktaṃ varṣam ivākāśe vārayiṣyatha saṃyuge ||
adya vo māmakā bāṇā mahākārmukaniḥsṛtāḥ | vidhamiṣyanti gātrāṇi tūlarāśim ivānalaḥ ||
tīkṣṇasāyakanirbhinnāñ śūlaśaktyṛṣṭitomaraiḥ | adya vo gamayiṣyāmi sarvān eva yamakṣayam ||
kṣipataḥ śaravarṣāṇi kṣiprahastasya me yudhi | jīmūtasyeva nadataḥ kaḥ sthāsyati mamāgrataḥ ||
Услышав слова Вибхишаны, сын Раваны, омрачённый гневом, сказал грубые слова и стремительно вскочил. Он стоял, подобный концу времени, с поднятым оружием и мечом на большой украшенной колеснице, запряжённой чёрными конями. Подняв огромный, широкий, быстрый и крепкий страшный лук и взяв стрелы, губящие врагов, он возбуждённо сказал Саумитри вместе с Вибхишаной и тем тиграм-ванарам: «Смотрите мою доблесть. Сегодня в бою вы будете останавливать неприступный ливень стрел, выпущенный моим луком, словно дождь, выпущенный в небе. Сегодня мои стрелы, вышедшие из великого лука, разнесут ваши тела, как огонь разносит кучу хлопка. Сегодня я отправлю всех вас, пронзённых острыми стрелами, копьями, дротиками, ришти и томарами, прямо в обитель Ямы. Когда я, быстрорукий, в бою буду метать ливни стрел и реветь словно туча, кто устоит передо мной?»
c7ed4d3a1eb6 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Индраджит начинает бой с устрашения. Его речь полна силы, но она всё ещё опирается на самоуверенность, тогда как Лакшмана будет отвечать делом.